Ерөнхийлөгч В.Путин лхагва гарагт 300.000 хүний хэсэгчилсэн цэргийн дайчилгаа зарласан юм. Үүнтэй зэрэгцэн цэргийн насны эрчүүд эх орноосоо “зугтаж” байна.
Гүрж, Финляндын хил дээр автомашины 35 км үргэлжилсэн урт дараалал үүссэн. Гүрж бол Оросууд виз мэдүүлэлгүйгээр нэвтэрдэг цөөхөн хөрш орны нэг юм. ОХУ-тай 1300 км (800 миль) хиллэдэг Финлянд улс зорчихдоо виз шаарддаг бөгөөд нэг шөнийн дотор замын хөдөлгөөний ачаалал нэмэгдсэн гэж мэдээлсэн ч энэ нь зохицуулах түвшинд байна гэж мэдэгджээ.
Истанбул, Белград, Дубай зэрэг агаарын тээврийн бусад чиглэлд цэргийн зарлан зарласны дараа тасалбарын үнэ огцом өсч, зарим чиглэлүүд бүрэн зарагдсан байна. Туркийн хэвлэл мэдээллийн хэрэгслээр нэг талын тийзний борлуулалт их хэмжээгээр нэмэгдсэн тухай мэдээлжээ. ОХУ-аас визгүй зорчих боломжтой газрууд руу нислэг үйлдэх нь олон мянган еврогийн үнэтэй болж нэмэгдсэн байна. ХБНГУ-ын Дотоод хэргийн сайд цэргийн албанаас зугтсан Оросын иргэдийг эх орондоо хүлээж авах болно гэж пүрэв гарагт мэдэгдлээ.
Харин Латви, Эстони, Чех улс дүрвэж буй Оросуудад хоргодох байр, виз, нэвтрэн өнгөрөх боломж олгохгүй гэнэ. Орос Украины дайн эхэлсэнээс хойш тус улсаас 4 сая гаруй иргэн дүрвээд байна.
Эх сурвалж: bbc.com
