БНСУ-д цэргийн дэглэм тогтоох зарлигийг цуцалсны дараа Батлан хамгаалахын сайд Ким Ён Хён бүх хариуцлагыг үүрч байна хэмээгээд огцорсон.
Үүний дараа түүнийг баривчилсан юм.
Түүнийг цэргийн дэглэм тогтоох саналыг Ерөнхийлөгчид тавьсан гэж үзэж байна.
Тэрбээр өнгөрсөн шөнө амиа хорлох гэж оролдсон ч цагдаа нар мэдсэн тул үйлдлээ зогсоосон байна. Одоогоор түүнийг хамгаалалтын өрөөнд байлгаж байгаа гэнэ.
Түүнчлэн лхагва гарагт БНСУ-ын цагдаагийн байгууллага Ерөнхийлөгчийн ордонд нэгжлэг хийв.
Тодруулбал Ерөнхийлөгч Юн Сок Ёлийг цэргийн дэглэм тогтоох зарлиг гаргасантай холбоотойгоор мөрдөн шалгах ажиллагаа явуулж байгаа юм.
Энэ хүрээнд түүнийг зургаан цагийн турш цэргийн дэглэм тогтоосонтой нь холбоотой баримт цуглуулах зорилгоор оффист нь нэгжлэг хийжээ.
Нэгжлэгийн үеэр Ерөнхийлөгч Юн ордонд байгаагүй хэмээн Ёонхап агентлаг мэдээлжээ.
БНСУ-ын өндөр албан тушаалтнуудад холбогдох хэргийг шалгах байгууллага нөхцөл, шаардлага нь бүрдвэл Ерөнхийлөгч Юнийг баривчлах хүсэлт гаргана гэдгээ мэдэгдсэн.
Эх сурвалж: BBC
