“Огцрох амархан” эсэргүүцлийн жагсаал Сүхбаатарын талбайд энэ сарын 14-нд эхэлсэн.
Жагсагчид Ерөнхий сайд Л.Оюун-Эрдэнээс орлогоо нотлохыг, УИХ-ын гишүүний албан тушаалаасаа ч бууж, бүрэн эрхээр далайлгалгүй, хуулийн ямар ч хамгаалалтгүй болсны дараа хөрөнгө орлогоо хараат бусаар шалгуулахыг шаардсаар байна.
Энэ сарын 14-нөөс хойш 70 мянга орчим иргэн Ерөнхий сайд Л.Оюун-Эрдэнэ огцрох ёстой хэмээн гарын үсгээ зуржээ.
Монгол Улсын Үндсэн хууль, Засгийн газрын тухай хууль, Улсын Их Хурлын тухай хуульд тус тус зааснаар Ерөнхий сайдыг дараах гурван үндэслэлээр огцруулдаг: 1. Ерөнхий сайд өөрөө огцрох хүсэлт гаргавал; 2. Ерөнхий сайд итгэл хүлээлгэх тогтоолын төслийг УИХ-д оруулбал; 3. УИХ-ын гишүүдийн дөрөвний нэгээс доошгүй нь буюу 32 гишүүн Ерөнхий сайдыг огцруулах саналыг УИХ-д тавивал.
Өнөөдрийн байдлаар УИХ-ын дараах таван гишүүн Засгийн газрын тэргүүн огцрох ёстой гэж үзэн, гарын үсгээ зурлаа.
УИХ-ын гишүүн Ш.Бямбасүрэн, Ж.Золжаргал, С.Цэнгүүн, Ч.Лодойсамбуу, Ж.Баярмаа
Эдгээр гишүүдээс гадна УИХ-ын 27 гишүүн дэмжвэл Л.Оюун-Эрдэнийг огцруулах асуудал УИХ-ын босгыг давна.
