Унгарын зохиолч Ласло Краснагоркай 2025 оны утга зохиолын Нобелийн шагналыг хүртэхээр болсныг зарлалаа.
Түүнийг “Сүйрлийн ертөнц дэх айдас дунд урлагийн хүчийг дахин нотолж, хүчтэй, алсын хараатай уран бүтээлүүд” туурвисных нь төлөө энэ шагналыг хүртээж байгаа аж.
Нобелийн хорооноос “Ласло Краснагоркай бол Төв Европын уламжлалт туульсын зохиолчдын адил абсурдизм болон гротеск хэв маягаар бичдэг зохиолч.
Гэхдээ түүний зохиолд илүү гүн гүнзгий тунгаан бодох, нарийн мэдрэмжтэй өнгө аясууд шингэдгээрээ онцлог” хэмээн тайлбарлажээ.
Өдгөө 71 настай Краснагоркай Шведийн радиод ярилцлага өгөхдөө “Анх зөвхөн нэг ном бичих төлөвлөгөөтэй байсан.
Тэрбээр зохиолчийн хувьд хамгийн том урам зориг нь “гашуун мэдрэмж” хэмээн тодорхойлжээ.
Гэхдээ анхны роман болох “Сатантанго”-г уншаад бичих чадвараа сайжруулахын тулд дахин нэг ном бичихээр шийдсэн. Миний амьдралын гол учир нь тасралтгүй засан сайжруулах юм” хэмээн ярьсан байна.
“Дэлхий ертөнцийн өнөөгийн байдал надад маш их гуниг төрүүлдөг. Энэ л зохиол бичих хамгийн том урам зориг болдог” гэв.
Түүний зохиолуудын үйл явдал Унгар, Герман гэх мэт Төв Европын орнуудын алслагдсан тосгон болон Хятад, Япон зэрэг газарт өрнөдөг аж. Эдгээр бүс нутагт хийсэн аяллууд нь түүний уран бүтээлд гүн нөлөө үзүүлжээ.
2002 онд Имре Кертес утга зохиолын Нобелийн шагнал хүртсэнээс хойш энэ шагналыг хүртэж буй хоёр дахь Унгарын зохиолч нь Краснагоркай болж байна.
Түүний анхны томоохон зохиол болох “Сатантанго”-г “Коммунизм нуран унахын өмнө хөдөө амьдарч буй ядуу зүдүү иргэдийн дүр төрхийг хүчтэйгээр дүрсэлсэн” гэж Нобелийн хороо үнэлжээ.
Эх сурвалж: Reuters