МАН дотор өнгөрсөн намраас эхлэн тамганы зодоон хүчээ авч, хоёр талцан үзэлцэхэд УИХ-ын гишүүн асан Ш.Раднаасэд Тусгаар тогтнолын ордонд хэвлэлийн хурал зарлан УИХ-ын дарга асан Д.Амарбаясгалангийн талаар ноцтой мэдээлэл хийсэн юм.
Тодруулбал, тэрбээр “Би нүүрсний хулгайч гэж зарлуулж байх үедээ энэ хулгайг ордон дотроос л зохион байгуулна гэж хэлж байсан. Тэр үед энэ хүн /УИХ-ын дарга асан Д.Амарбаясгалан/ Засгийн газрын хэрэг эрхлэх газрын дарга байсан.
Өрсөлдөгч нараа 17 гишүүнийг нүүрсний хулгайч гэж зарлуулаад бүгдийг нь жагсаалаас гаргасан. Нэг төрлийн ашиг сонирхолд нь саад болсон, эрх ашигт нь саад болсон хүмүүсийг айлган сүрдүүлсэн, хөөж явуулсан. Ялгаагүй энэ хүмүүс бүгд шалгуулсан. Намайг бүр өөрийн зөвлөх Баянмөнх гэдэг хүнээр бүх муу юмтай холбуулж бичүүлж байгаад шалгуулсан. Холбож болох бүх юмаар бичүүлж байсан. Тэгээд өнөөдөр энэ өндөрлөгт хүрчихээд ахиад Ерөнхий сайд гэдэг мест рүү очно гээд дайрч байна. Нүүрсний жинхэнэ хулгайч чинь энэ. Тухайн үед би АТГ- ын үүдэнд хэлж байсан. Нүүрсний хулгайч гэж зарласан энэ нэрсийг АТГ-аас гаргаагүй, намаас өгсөн нэр гэж хэлж байсан.
Тийм учраас маргаашийн сонголт бол МАН хулгайч нараасаа салах сонголт. Хууль засаглах уу, хулгайч засаглах уу гэдэг сонголт. МАН 2027, 2028 оны сонгуульд ялах сонголт уу, ялахгүй сонголт уу гэдгийг Бага хурлын гишүүд хийнэ.
Хэрвээ маргааш Д.Амарбаясгаланг МАН-ын даргаар сонгох юм бол нүүрсний хулгайчдын нам болно. Юу үнэн энэ үнэн” гэж мэдэгдсэн” удаатай.
Ерөнхий сайд Г.Занданшатарын ахлах зөвлөхөөр эдийн засагч Б.Даваадалай ажиллаж байсан. Тэрбээр “Эрдэнэс Монгол”компанийн захирал болох тул ажлаа хүлээлгэн, суудалд нь УИХ-ын гишүүн Ш.Раднаасэд ирж байна.
