Шинэ төрлийн автобусны үйлчилгээ 2017 оноос Монголд хэрэгжинэ

 

 

Азийн Хөгжлийн Банкнаас
Монгол Улсад нэгэн шинэ том төсөл хэрэгжүүлэх гэж байгаа нь олон улсад \”Rapid
Bus” /Шуурхай автобус/ хэмээн нэрлэгддэг үйлчилгээ юм. Метрогүй томоохон хотод
туйлын тохирдог энэ үйлчилгээ нэвтэрснээр тухайн хотын эдийн засагт эерэг
өөрчлөлтүүд гарсан олон жишээ байдаг. Манайх шиг бүдүүлэг, болхи нийтийн
тээврийн үйлчилгээнээс улбаалан өглөө,
оройдоо ажлаасаа хоцрох, хүүхдээ цэцэрлэгт нь хоцроох, орлогоо бодоод ид
ачааллын өглөө, оройдоо автобусуудаа сайн явуулаад өдөр бараг зогсоочихдог
хувийн хэвшлийнхний нийтийн тээврийн үйлчилгээнээсээ болоод өдрийн цагаар
гадуур ажил хөөцөлдөхөд хугацаа алддаг байдал, түүнчлэн замын хөдөлгөөний
түгжрэл, зам дээр гарсан ялихгүй мөргөлдөөн зэргээс үүдэлтэй улсын хөгжил, ахиц
дэвшилд саад болсон эдгээр асуудлыг \”Rapid Bus” дангаараа шийддэг байна. \”Rapid Bus” нь дэлхийн улсуудад янз бүр байдаг
ч ерөнхийдөө маш олон хүн тээвэрлэж зорчигчдыг хүрэх газарт нь хурдан шуурхай,
саадгүй хүргэдэг ганцхан гол зарчимтай. Ингэхдээ метро, трамвай шиг зөвхөн
өөрийн гэсэн автозамтай. Өөрөөр хэлбэл, үлэмж хэмжээний зорчигчдыг замын
хөдөлгөөний түгжрэлгүйгээр зорьсон газарт нь хүргэдэг. Тэгээд ч метрогүй манай
улсад нэн тохирох аж. Нөгөө талаас манайд автобусуудыг нэгдүгээр эгнээгээр зорчиулж,
басхүү саяхан угсраа автобус оруулж ирсэн нь \”Rapid Bus”-ын эхлэл тавигдаж
эхэлсэн гэлтэй. Ямартай ч, \”Rapid Bus”-ыг \”метрон автобус” гэхэд хилсдэхгүй юм
байна.