Цэргүүдийн үхэлд зодуур нөлөөлсөн … , нөлөөлөөгүй …

Увс аймаг дахь Хилийн 0311 дүгээр ангийн таван байлдагч
зодуурын улмаас амь эрсэдсэн талаар УИХ-ын гишүүн Ц.Даваасүрэн хэвлэлийнхэн
мэдээлэл хийв. 2013 оноос хойш Хөвсгөл аймгаас тус ангид албан хаасан таван
залуу амь эрсдээд байгаа аж. Мөн одоо таван байлдагч эмчилгээ хийлгэж байгаа
гэх мэдээллийг цэргүүдийн ар гэрийнхнийг байлцуулж байгаа өгсөн юм.

Гэвч Хил хамгаалах ерөнхий газраас Ц.Даваасүрэн гишүүний
мэдээллийг үгүйсгэж, зодуур дарамтаас болж нас барсан цэрэг байхгүй гэдгийг
мэдээллээ.

УИХ-ын гишүүн хүн
ийм мэдээллийг ямар ч баримт нотолгоогүйгээр олон нийтэд хүргэнэ гэж байхгүй.
ХХЕГ гарсан хэргийг нуун далдалж байна гэж үзэх иргэд бий. Нөгөө талаас хэрвээ
УИХ-ын гишүүн нотолгоогүй, худал мэдээллийг олон нийтэд хүргэж, батлан
хамгаалах салбарын нэр хүндэд халдсан бол асуудал яригдах ёстой ч гэж үзэх
хүмүүс байна.

Ингээд хоёр талын тайлбарыг хүргэе.

УИХ-ын
гишүүн Ц.Даваасүрэн: Нөхцөл байдлыг харахад зодуур, дарамт байдаг

\”… Хөвсгөл
аймгийн Ренчинлхүмбэ, Улаан-Уул, Баянзүрх сумын иргэд 2013 оноос хойш энэ
асуудлыг хөндөж, хандах болсон. Тэнд очсон цэргүүд зодуур, дарамтаас болж
өвчилдөг, амь эрсэддэг зүйлүүд гараад байна. 2013 оноос хойш таван цэрэг амь
эрсэдсэн. Одоо таван цэрэг эмчилгээ хийлгэж байна. Би энэ асуудлаар ХЗЯ-д таван
удаа хандсан. Мөн Хилийн цэргийн удирдах газарт удаа дараа хандсан. Нөхцөл
байдлыг харахад зодуур, дарамт байдаг гэдэг нь ажиглагдаад байгаа. Зүв зүгээр
байсан таван залуу амь эрсэдсэн. Одоо таван хүүхэд өвчтэй эмнэлэгт хэвтэж байна.
Тэгэхээр энд ямар нэг зүйл байгаад байна. Хилийн цэргийн удирдах газраас
тодорхой арга хэмжээ авч ангийн захирагчийг нь сольсон. Гэсэн ч энэ байдал
зогсохгүй байна. Эцэг эхчүүд нь ангийн захирагчид бус ахлагч, бага дарга нарт
учир байна гэж хэлсэн. Энэ үнэн байх.Өнгөрсөн долоо сард нэг цэрэг өөрийгөө
боомилсон. Айлын ганц хүүхэд, ах нь хөгжлийн бэрхшээлтэй байсан. Тэр айлыг авч
ганц хүү цэрэгт яваад эндчихлээ. Хүний амийг юугаар төлөх вэ. Дөрөв, таван сая
төгрөг өгчихөөд дуугүй сууж болохгүй. Тэнд дахин ийм зүйл битгий гараасай гэсэн
дээ эцэг эхчүүдтэй уулзаж байна”.

Хил
хамгаалах ерөнхий газар: Эмчийн дүгнэлтээр өвчилсөн байдал нь албанаас
шалтгаалаагүй болох нь тогтоогдсон

\”…Хөвсгөл аймгийн иргэд Б.М
нь 2015 оны нэгдүгээр ээлжээр цэргийн албанд татагдсан. Б.М нь хилийн дугаар
заставын харуулд алба хааж байгаа өөрийгөө боомилж нас барсан. Үүнийг Увс
аймгаас томилогдсон хуулийн байгууллагын бүлэг хэргийн газарт шуурхай үзлэг
хийн тогтоосон. Уг хэргийг Увс аймгийн прокурорын 2015 оны есдүгээр сарын 10-ны
өдрийн 194 тоот тогтоолоор хэрэгсэхгүй болгосон байна.

Харин Хөвсгөл аймгийн Б.Б-ийн
хувьд Хилийн 0311 дүгээр ангид 2012 оны 10 дугаар сард цэргийн албан татагдсан
бөгөөд халагдахаас хэд хоногийн өмнө
буюу 2013 оны 10 дугаар сарын 2-нд хамраас цус гарч, аймгийн нэгдсэн
эмнэлэгт үзүүлэхэд \”цусны цагаан эсийн хурц хавдар өвчин” гэж анхан шатанд
оношлогдсон. Түүнийг Батлан хамгаалах хууль сахиулах албан хуугчдын / БХХСАХ /
нэгдсэн эмнэлэгт дахин оношлуулахад \”цусны цагаан эсийн хурц хавдартай болох нь
тогтоогдсон. Тиймээс Монгол Улсын Батлан хамгаалах, Хууль зүй, Дотоод хэрэг,
Эрүүл мэндийн сайдын хамтарсан тушаалаар 2013 оны 10 дугаар сарын 15-ны өдөр
цэргийн албанаас чөлөөлсөн.

Мөн тус ангид Б.Б нь 2012 онд
татагдсан бөгөөд алба хааж байх хугацаандаа гэдэс, хэвлий дүүрэх зовиуртайгаар
Увс аймгийн нэгдсэн эмнэлэгт үзүүлэхэд онош бүрэн тогтоогдоогүй. Тиймээс
нарийвчилсан шинжилгээ хийлгэхээр БХХСАХ нэгдсэн эмнэлэгт шилжүүлэхэд хэвлийн
сүрьеэ гэх оноштой нь тогтоогдсон. Тиймээс 2013 оны наймдугаар сарын 13-ны өдөр
тушаалаар цэргийн албанаас чөлөөлсөн. Эмчийн дүгнэлтээс үзэхэд өвчилсөн байдал
нь албанаас шалтгаалаагүй болох нь тогтоогдсон” гэж мэдэгдлээ.  

А.Аюуш