Хятадын иргэдийг тээсэн машины цуваа Пакистаны баруун өмнөд нутгийн Балочистан мужийн Далбандин бүсэд энэ сарын 11-ний өдөр амиа золиослогчдын халдлагад өртөж, хятадын гурван иргэн болон орон нутгийн аюулгүй байдлын гурван ажилтан шархадсан байна.
Хятадаас Карачид суугаа ерөнхий консулын газрын мэдээлснээр, халдлагад өртсөн машины цуваанд хятадын 18 иргэн байжээ. Өдгөө тэднийг нисэх онгоцоор Карачи хотод авчирсан бөгөөд гурван хүн хөнгөн гэмтэл авсан байв.
Хятадаас Пакистанд суугаа элчин сайдын яам мэдэгдэл хийж, энэхүү халдлагын хэргийг хатуу зэмлэн буруушаажээ. Хятадаас Пакистанд сугаа элчин сайдын яам болон Карачид суугаа ерөнхий консулын газар хэргийн бодит байдлыг тодруулан, гэмт этгээдүүдийг хатуу шийтгэхийг Пакистанаас шаардан, Пакистанд байгаа Хятадын аж ахуйн нэгж, байгууллага, иргэдийн аюулгүй байдлыг баталгаажуулахыг шаарджээ.
“Балочистаны чөлөөлөх арми” энэ удаагийн хэргийг үйлдсэн гэдгээ цахимаар мэдэгдсэн байна.
