ОХУ-ын Ардын жүжигчин, эстрадын домог болсон дуучдын нэг Иосиф Кобзон 81 насандаа таалал төгсжээ. Энэ талаар түүний гэр бүл, төрөл төрөгсөд нь “Москвагийн дуу хоолой” радио станцад мэдээлсэн байна. Түүнийг өнгөрсөн 7-р сарын 20-нд хүнд байдалтай байхад нь яаралтай эмнэлэгт хэвтүүлсэн бөгөөд тэрээр 2005 оноос эхлэн бие нь зовиурлаж эхэлжээ. Түүнээс хойш нэрт дуучинд хэд хэдэн хагалгаа хийж, химийн эрчимт эмчилгээ хийж байсан ба тэрээр 13-н жилийн турш хорт хавдартай тэмцэж байсан байна. Иосиф Кобзон хэдийгээр хорт хавдартай байсан ч жилийн өмнө 80 насныхаа төрсөн өдрөөр Кремлийн ордонд тоглолтоо хийж байжээ.
Амьдралынхаа сүүлийн жилүүдэд тэрээр хүнд өвчнөөр шаналж байгаа хүмүүст сэтгэлийн дэм өгч, хандив өргөж байсан бөгөөд түүнийг өвчтэй байх хугацаанд эхнэр Нинел нь хамгийн ойр байжээ. Иосиф Кобзон Зөвлөлтийн эрин үеийн эстрадын билэг тэмдэг болсон домогт дуучин байсан төдийгүй нийтдээ гурван мянга гаруй дуу хөгжим зохиосон урлагийн нэрт зүтгэлтэн байлаа.
