2001 оны есдүгээр сарын 11. Энэ бол дэлхийн түүхэнд хар толбо болж тэмдэглэгдэн үлдсэн эмгэнэлт “Хар өдөр”. Энэ өдөр АНУ-д онгоц барьцаалагдаж, ихэр хоёр цамхаг террорист халдлагад өртсөний улмаас 3000 гаруй хүн амиа алдаж, 10 гаруй тэрбум долларын хохирол учирсан билээ. Гэвч үүнийг террорист халдлага мөн үү гэдэгт эргэлзэх олон хүн байдаг. Энэ явдлаас өмнө маш олон хэвлэл мэдээллийн хэрэгслүүд, бусад олон хэлбэрээр энэхүү хэргийг зөгнөсөн байдаг. Тэдгээр баримтуудыг ютүбер Түшигийн бэлтгэснээр болон бусад бичлэгүүдээс эш татан энд сонирхуулъя.
Ихэр цамхагт халдсан тухай зөгнөлүүд
Киноны сурталчилгаа, янз бүрийн хэвлэлээр, хүүхэлдэйн кинон дээр ихэр хоёр цамхаг нурж байгаа дүрс маш олон гарсан байдаг аж. Түүнчлэн CD-ний хавтсан дээр, тоглоом дээр хүртэл зөгнөсөн байдаг. Жишээлбэл 1968 оны сонингийн нүүр хуудсан дээр ихэр цамхагийг онгоц мөргөж байгаа зураг нийтлэгдсэн нь, 1994 онд гарсан “Incursion Of the Shrull” хэмээх хүүхэлдэйн кинон дээр мөн ихэр цамхагийг пуужингаар харваж байгаагаар гардаг нь зүгээр тохиолдол гэж үү? 1995 онд гарсан хүүхэлдэйн кинон дээр ч цамхагууд доороосоо дэлбэрч нурж байгаа хэсэг гарч байж.
Бас нэг сонирхолтой баримт дурьдахад, 1994 онд гарсан Ironman хүүхэлдэйн кинон дээр ихэр цамхаг нураад зогсохгүй, Пентагоны барилгыг хүртэл нурааж байгаагаар гарчээ. 
Есдүгээр сарын 11-ний өдөр Пентагоны барилгыг онгоц бас мөргөсөн байдаг. Үүгээр зогсохгүй 2001 оны дөрөвдүгээр сард буюу эмгэнэлт явдал болохоос 5-хан сарын өмнө цацагдсан хүүхэлдэйн кинон дээр “удахгүй” гэсэн бичиг бүхий цамхаг шатаж байгаа зургийг дүрсэлсэн байдаг.
Сурталчилгаан дээр ч зөгнөсөн баримтаас жишээ авч болно. Энэ сурталчилгаа нь үйл явдал болохоос жилийн өмнө гарсан бөгөөд ясны сийрэгжилтийн эсрэг эмийг ихэр цамхагаар сурталчилжээ. Ард нь “Хүмүүс өөрсдийн үе мөчөө гэмтээх хүртлээ үе мөчөө аюулгүй гэж боддог” гэж бичсэн байгаа юм.
Цамхагт тэсрэх бөмбөг байсан уу?
Харин одоо яг тухайн өдөр болсон явдлын нэгэн анхаарал татсан баримтуудыг сонирхоцгооё. Хүмүүс одоог хүртэл ихэр цамхаг дотор тэсрэх бөмбөг байсан гэсэн магадлалыг гаргаж байна. Тухайн үед байсан маш олон хүн тэсрэх бөмбөгийн чимээг сонссоноо гэрчилдэг. ОУ-ын худалдааны төвийн эхний барилга дотроос амьд гарсан хүмүүсээс асуухад ихэнх нь тэсрэх бөмбөг байсан гэжээ. Тухайлбал “… барилгын доод хэсгээс холдож байхад барилгын доод давхар байхгүй болсон байсан. Би доод давхарт эхлээд бөмбөг дэлбэрсэн гэж бодож байна.” гэж ярьж байлаа.
Тухайн үед ажиллаж байсан гал сөнөөгч хүртэл “Барилга дотор тэсрэх бөмбөг байна” гэж хэлсэн байдаг. Доналд Трамп хүртэл тэр үед ярилцлагадаа “Би үнэндээ зөвхөн онгоц мөргөөгүй, бараг нэгэн зэрэг тэсрэх бөмбөг дэлбэрсөн гэж бодож байна” гэж дурьджээ.
Бас нэг баримт бол халдлагаас амьд гарсан Уилльям Родригос онгоц ихэр цамхагийг мөргөхөөс өмнө тэсрэх бөмбөг дэлбэрсэн гэж гэрчилсэн аж. Тэрээр “Энэ явдлаас зарим мэдээллийг албаар хассан гэж боддог. Яагаад гэвэл намайг болсон явдлыг ярьж байхад тэд нар “энийг нь хасчих, тэрийг нь хасчих” гэж ярихыг нь сонссон юм. Онгоц мөргөхөөс өмнө тэсрэх бөмбөг дэлбэрсэн” гэж ярьжээ.
Харин 2003 онд Жорж Буш ямар ч тэсрэх бөмбөг байгаагүй гэж албан ёсоор мэдэгдсэн. Тэгвэл бичлэгүүдэд тэсрэх бөмбөгийн нүргэлсэн чимээ, барилга онгоцонд мөргүүлснээс бусад хэсгүүдэд дэлбэрч байгаа дүрсүүд бичигдэн үлдсэн байна.
Энэ бүхний эцэст онгоц мөргөхтэй зэрэгцээд тэсрэх бөмбөг дэлбэрсэн үү гэдгийг одоо хүртэл хэн ч баттай мэддэггүй.
Ихэр цамхагийг жинхэнэ онгоц мөргөсөн үү?
Бас нэг сонирхол татсан асуудал бол ихэр цамхагийг мөргөсөн онгоц нь жинхэнэ онгоц байгаагүй гэж ярьдаг. Онгоц яг л муу эвлүүлэг шиг алга болж байна гэж хэлэх хүмүүс байна. Тэд “сайн эвлүүлэг бол онгоцны хэсгүүд бутарч, тэсрэлт явагдах ёстой” гэж тайлбарладаг. Тэгэхээр хүмүүсийн нэрлэснээр “Сүнс онгоц” гэдэг бичлэгт дурьдсанаар онгоц яг л сүнс шиг ямар ч тэсрэлтгүй, саадгүй, эвдрэлгүй барилга руу нэвтрэн орж байна гэнэ.
Тэгвэл үнэхээр онгоц байшин мөргөсөн үед яаж харагдах вэ гэдгийг олох зорилгоор туршилт хийж үзсэн байна. Учир нь ямар ч онгоц ган материалтай ханыг ингэж шууд нэвтлэх боломжгүй гэж үзэж байгаа юм. Туршилтаар онгоцонд дэлбэрэх үйл явц эхлээд явагдаж байв. Тэгээд ч онгоцны хамар байшинг нэвтлэх нь физикийн онолын хувьд боломжгүй тохиолдол юм. Онгоц мөргөсний дараах зургаас харахад онгоцны хамар цухуйж байсан нүх байхгүй болсон.
Үүнээс үүдэж л хүмүүс онгоц нь өөрөө хиймэл байсан, магадгүй онгоцны хэлбэртэй пуужин байсан байж болох юм гэсэн магадлалыг гаргаж иржээ.
Технологийн тусламжтайгаар ийм төрлийн пуужинг жинхэнэ онгоц шиг харагдуулах ямар энгийн гэдгийг харж болох юм.
Ихэр цамхагийг Боинг 707 онгоц мөргөхөд тэсвэртэй байхаар барьсан гэдэг. Энэ онгоц нь Өмнөд цамхагийг зүсэн орсон Боинг 767-тай жин, хэмжээ, хурдаараа адилхан аж. Хамгийн сонирхолтой нь хоёр барилга хоёулаа бараг чөлөөт уналтын хурдаар, тун цэвэрхэн нурсан. Мөн хажуу талын Манхэттэн дүүргийн барилгуудыг огт эвдэж, гэмтээлгүйгээр шууд л үнс нурам, өтгөн манан, тоос шороо болж, бүрэн нурсан нь хачирхалтай. Уг нь цамхагууд нурсан ч төвийн ган баганууд нь үлдэх ёстой байж.
Энэ халдлага Аль Кайда бүлгийн ажиллагаа мөн үү?
Ийм том террорист үйл ажиллагаа болж байх яг тэр үед Жорж Буш хаана байсан бэ? Тэр дэлхийн худалдааны цамхаг нурсныг сонсоод хэрхэн хүлээж авсан бэ?
Тэрээр өглөөний 09:05 цагийн үед Флорида мужийн нэгэн бага сургуульд нээлттэй хичээлд оролцож байлаа. Тэр үед Дотоод хэргийн албаны дарга Анди Кард түүнд ихэр цамхагийн тухай мэдээг дуулгасан ч тэрээр маш тайвнаар хичээлийг үргэлжлүүлж тэнд дахин хагас цаг саатсан байдаг юм. Хоёр цамхаг дайралтанд өртсөн, өөр нэгэн онгоц мөн аюулд орсон байгаа ч ерөнхийлөгч хичээлийг үргэлжлүүлжээ. Улмаар хичээлийн дараа мэдэгдэл хийсэн юм.
Энэ үйл явдал нь олон жилийн өмнөөс нарийн төлөвлөгдөж, Аль Кайда бүлгийн хийсэн террорист ажиллагаа биш, харин хүмүүсийн нүдэнд анзаарагдахгүйгээр Америкийн өөрсдийн хийсэн ажил гэж үү? Тэгвэл яагаад Жорж Бушийн Засгийн газар өөрсдийн ихэр хоёр цамхагаа нураах шаардлага гарч ирсэн бэ гэдэг асуулт гарч ирнэ. Тухайн Засгийн газарт Афганистантай дайн өдөөх ямар нэгэн том шалтгаан байх ёстой байлаа гэж бодъё. Яагаад гэвэл америкийн ард түмэн дайныг дэмжихгүй гэдгийг мэдэж байсан учраас том шалтгаан байх ёстой. Тиймээс л магадгүй ихэр цамхагаа нураасан байж болох юм гэсэн магадлал байдаг юм байна.
Гадныхны тусламжтайгаар хийгдсэн байж болзошгүй энэ үйл ажиллагаанд АНУ-ын аюулгүй байдал, цэргийн байгууллагууд хамсаатан болж мэдэхээр байгаа юм. Тэгэхээр халдлагад өртөж, амиа алдсан 3000 хүн Арабын террористуудад биш, улсын тагнуул, хамсаатны гарт өртсөн болж таарна.
Есдүгээр сарын 11-ний үйл явдлын тухай албан ёсны тайлан худал хуурмагаар дүүрсэн гэх нотолгоо үнэхээр олон. Америкчууд энэ талаар эхнээс нь мэддэг байсан ч олонх нь Цагаан ордон, мэдээллийн үндсэн хэрэгслүүдийн хэлж ярьж байгаад итгэж иржээ.
өнөөдөр уг хоёр барилгын суурин дээр “аймшигт” есдүгээр сарын 11-ний дурсгалын музей сүндэрлэн боссон.
