“Оюутан цэрэг” хөтөлбөр нь 2016 онд батлагдсанаасаа хойш одоогоор 5000 гаруй оюутаныг хамруулжээ. Энэ жилийн хувьд өмнөх жилүүдээс олоноюутан суралцагчдыг хамруулахаар болсон. Нийт аймагт хэрэгжих энэхүү хөтөлбөрт нийслэлийн их, дээд, коллежоос 700 орчим, хөдөө орон нутгийн их, дээд сургуулиас 350 орчим оюутан, нийт 1000 гаран оюутаныг хамруулахаар болсон.
Энэ жилийн “Оюутан цэрэг” хөтөлбөрийн бүртгэлийг энэ сарын 27-оос гуравдугаар сарын долооныг хүртэл хугацаанд зохион байгуулахаар болсон. Бүртгэлийн дараа оюутануудаас эрүүл мэндийн үзлэг, бие бялдарын шалгалтыг авна. Эрүүл мэндийн үзлэгийг ирэх сарын 21-22-ны өдрүүдэд, бие бялдарын шалгалтыг мөн ирэх сарын 23-24-ний өдрүүдэд зохион байгуулахаар болжээ.
“Оюутан цэрэг” хөтөлбөрт хамрагдах хүсэлтэй оюутан, залуус дараах бичиг баримт бүртгүүлнэ.
- Иргэний үнэмлэх
- Цэргийн үүрэгтний үнэмлэх
- Оюутны үнэмлэх
- Эрүүл мэндийн даатгалын дэвтэр /Сүүлийн нэг жил даатгал төлөгдсөн байх/
- Сургуулийн тодорхойлолт /”Оюутан цэрэг” сургалтад хамрагдах зөвшөөрөл/
- Сурлагын дүнгийн хүснэгт /гол дүн 2.8аас дээш байх/
- Сургалтад хамрагдахыг хүссэн өргөдөл
Оюутан цэрэг сургалтын Ерөнхий зохицуулагч, Монгол Улсын гавьяат багш, бэлтгэл хурандаа Г.Мягмаржав “Эрүүл мэнд, бие бялдрын шалгалтад тэнцсэн залуусыг дөрөвдүгээр сарын 1-ээс зургадугаар сарын 1-ний өдрийн хооронд нэгдсэн журмаар онолын бэлтгэл ажлыг зохион байгуулна. Онолын шалгалтад 60 хувиас дээш үнэлгээ авсан суралцагчдыг цэргийн мэргэжлийн бэлтгэл, сургалтад хамрагдах болзол хангана. Сургалтыг оюутан, залуусын хичээл сургалтаас хамааран амралтын өдрүүдэд явуулна. Онолын шалгалтад тэнцсэн суралцагчид зургадугаар сарын 15-ны өдрөөс наймдугаар сарын 15 өдийг хүртэл цэргийн мэргэжлийн бэлтгэл сургалтад хамрагдана.
Хөтөлбөрт хамрагдагсад цэргийн 11 бага мэргэжил эзэмшиж, шалгалт өгч тэнцсэнээр тангаргаа өргөнө” гэлээ.
