Венесуэль улсад цахилгаан эрчим хүч дахин тасалдсан байна. Энэ удаагийн эрчим хүчний тасалдалд тус улсын 24 мужийн 14 нь хамрагдсан бөгөөд тус улсын нийслэл Каракас хот ч мөн цахилгаан эрчим хүчгүй болжээ.
Улс орныг хамарсан эрчим хүчний доголдол гарах болсон шалтгааныг дайснуудын “цахилгаан соронзон зэвсгийн халдлага” гэж Венесуэлийн засгийн газраас өчигдөр мэдэгдсэн байна.
Үүнтэй холбогдуулан улсын мэдээлэл технологийн сайд Хорге Родригез ард иргэдээ тайван байхыг уриалж, эрчим хүчний хангамжийг даруй сэргээхээр ажиллаж байгаагаа зарласан байна. Мөн эмнэлгийн гэрэл цахилгааныг нөөц эх үүсвэрээр даруй хангаж, нийгмийн дэг журам алдагдахаас даруй сэргийлж байгаагаа ч мэдэгдлээ.
Төрийн өмчид байдаг Венесуэлийн цахилгаан эрчим хүчний салбарт олон жил засвар үйлчилгээ хийгдээгүй нь тасалдлын гол шалтгаан хэмээн гадны мэргэжилтнүүд дүгнэдэг. Харин Каракасын эрх баригчид энэ бол АНУ-ын санхүүжүүлсэн хорлон сүйтгэгчидийн үйл ажиллагаа хэмээн үздэг юм.
Энэ оны гуравдугаар сард Венесуэлийн түүхэнд хамгийн том эрчим хүчний тасалдал үүссэн бөгөөд улс даяар гэрэл цахилгаангүй долоо хоносон билээ.
Эх сурвалж: Reuters
Венесуэль улсын ихэнх муж цахилгаангүй боллоо
}
Шинэ мэдээ
