Нийслэлийн Налайх дүүрэг 8-р хорооны …дугаар тоотод оршин суух хаягт айлын дамжуулагчтай угаар мэдрэгчээс Тавантолгой түлш компанийн Хяналтын нэгдсэн төвд онц аюултай дохио өчигдөр /2023.11.21/ 17:30 цагийн үед иржээ. Ирсэн мэдээллийн дагуу тухайн айлын бүртгэлтэй гар утасны дугаар руу залгахад утас нь холбогдохгүй байсан.
Улмаар Налайх дүүргийн 8-р хороо хариуцсан ажилтанд мэдэгдэж, хаягийн дагуу хяналтын ажилтан яаралтай очиход согтуу залуус гэрийг нь гаднаас нь галдаж, хэргийн газраас зугтаж байхыг илрүүлж, тус дүүргийн цагдаагийн байгууллага, Онцгой байдлын газарт дуудлага өгч яаралтай арга хэмжээ авчээ.
Тухайн айлд гэрийн эзэн иргэн Б согтууруулах ундааны зүйл хэрэглэсэн байдалтай унтаж байсан аж.
Эх сурвалж: Таван толгой түлш ХХК
