Long March-2F пуужин дээр суурилуулсан сансрын хөлгийг 9-р сарын 4-ний өдөр Хятадын хойд хэсэгт байрлах Жиучуан хиймэл дагуул хөөргөх төвөөс хөөргөсөн бөгөөд тойрог замд 2 хоног ажиллаад дэлхийд аюулгүй буцаж иржээ.
“Нислэг амжилттай болсон нь сансрын хөлгийг дахин ашиглах тухай судалгааны чухал нээлт болсон бөгөөд сансар огторгуйг энхийн зорилгоор ашиглахад тохиромжтой, хямд өртөгтэй хоёр талын тээврийн үйлчилгээг санал болгох төлөвлөгөөтэй байгаа” гэж төрийн мэдлийн Синьхуа агентлаг 9-р сарын 6-ны өдөр товч тайландаа дурджээ.
“Энэ удаагийн нислэгт анхны гэх зүйл олон бий. Сансрын хөлөг маань шинэ, хөөргөх арга нь бас өөр юм. Тиймээс бид нэмэлт аюул байгаа эсэхийг баталгаажуулах хэрэгтэй” гэж цэргийн эх сурвалж South China Morning Post (SCMP) -д мэдээлэв.
Сансрын хөлгийг хөөргөсөн нь гэнэтийн зүйл болсон байж магадгүй юм – хөөргөхөөс өмнө албан ёсны мэдэгдэл хийгээгүй байсан – гэхдээ Хятад ийм технологи дээр сүүлийн арван жил ажиллаж байна. Гурван жилийн өмнө Хятад улс 2020 онд “нисэх онгоц шиг тэнгэрт нисэх” сансрын хөлөг хөөргөнө, дахин ашиглах боломжтой болно гэж мэдэгдэж байсан.
Now then — this could be something exceptional. The rumours are that inside this exceptional payload fairing atop a CZ-2F is a CASC spaceplane, launching from Jiuquan Friday. Source: 俊了个锅 via 林晓弈。 https://t.co/qs6VRfzQoP https://t.co/OESvzyDyEl pic.twitter.com/ZPnpwAIfyO
— Andrew Jones (@AJ_FI) September 3, 2020
Тус сансрын хөлөг нь сансарт хэд хэдэн удаа аялж болох бөгөөд ингэснээр хөөргөх ажиллагааны нийт зардлыг бууруулах боломжтой юм. Уламжлалт нэг удаагийн сансрын хөлөг, хэдэн арван сая долларын өртөгтэй, нэг удаагийн даалгавар хийсний дараа бараг ашиггүй болдог.
Туршилт дууссаны дараа ийм тээврийн хэрэгслээр хиймэл дагуул хөөргөх, засах, дэлхийг судлах, мөн сансрын нисгэгчид ачаа барааг тойрог замд, магадгүй ирээдүйн Хятадын сансрын станц руу хүргэхэд ашиглаж болно.
