Гамшгийн эрсдэлийг бууруулах Ази, номхон далайн сайд нарын бага хурал Австралийн Брисбэн хотноо үргэлжилж байна. Тус хурал Монгол Улсын Шадар сайд С.Амарсайхан оролцож байгаа юм.
Тэрээр “Сендайн дунд хугацааны тайлан” сэдэвт салбар хуралдааныг нээж үг хэллээ.
Шадар сайд С.Амарсайханы илтгэлийг бүрэн эхээр нь хүргэж байна.
“Австралийн Холбооны Улс, Брисбен хот
Эрхэм хүндэт НҮБ-ын Ерөнхий нарийн бичгийн даргын гамшгийн эрсдэлийг бууруулах асуудал эрхэлсэн тусгай төлөөлөгч хатагтай Мами Мизүтори,
Эрхэмсэг хатагтай, ноёд оо!
Та бүхний энэ өдрийн амар амгаланг эрэн мэндчилье.
“Хямралаас гамшгийг даван туулах чадавх руу: Гамшгийн эрсдэлийг бууруулах замаар Ази-Номхондалайн бүсийн ирээдүйг өөрчилж шинэчлэх нь” уриандор Ази, Номхон далайн улс орнуудын сайд нарын III бага хурлыг зохион байгуулж буй Австрали УлсынЗасгийн газар, НҮБ-ын Гамшгийн эрсдэлийг бууруулахгазарт Монгол Улсын Засгийн газрын нэрийн өмнөөсболон хувиасаа гүн талархал илэрхийлье.
НҮБ-ын гишүүн улсууд бид 2015 онд батлагдсан“Гамшгийн эрсдэлийг бууруулах Сендайн үйлажиллагааны хүрээ баримт бичиг”-ийг хэрэгжүүлэхзорилтот хугацааныхаа дунд ирээд байна.
Та бид 2015-2022 оны хугацаанд Сендайн үйлажиллагааны хүрээ баримт бичгийн хэрэгжилтэд олсонололт амжилт, тулгарч буй сорилт, хүндрэлбэрхшээлийг дүгнэн хэлэлцэж, тулгарч буй асуудлыгцаашид үндэсний болон бүс нутгийн хэмжээнд хэрхэншийдвэрлэх арга замыг онцлон хэлэлцэх болно. Ингээд “Сендайн үйл ажиллагааны хүрээ баримтбичгийн дунд хугацааны тайлан” –ийн хуралдааныгнээж байгаадаа баяртай байна.
Өнгөрсөн хугацаанд тус баримт бичгийн хэрэгжилтийгхангахдаа “Тогтвортой хөгжлийн хөтөлбөр-2030”, “Уурамьсгалын өөрчлөлтийн эсрэг Парисын хэлэлцээр”-ийгбүрэн дүүрэн дэмжиж, эдгээр баримт бичгийн зорилго, зорилтыг өөрийн улсын болон бүс нутгийн онцлогтнийцүүлэн хөгжлийн бодлого, төлөвлөлтөд тусганхэрэгжүүлэхээр чармайн ажилласан.
Гамшгийн эрсдэлийг бууруулах Сендайн үйлажиллагааны хүрээ баримт бичгийн хэрэгжүүлэхдээбид өнөөгийн эрсдэлийг бууруулах, шинэ эрсдэлүүсэхээс сэргийлэхийг гол зорилго болгон ажиллажбайгаа ч олон шинэ сорилттой тулгарч байна.
Манай бүс нутагт тохиолддог гамшгийн давтамж, хамрах цар хүрээ, нийгэм-эдийн засагт учруулаххохирлын хэмжээ уур амьсгалын өөрчлөлт, экологийндоройтлын улмаас уламбүр нэмэгдэж байгаагийнзэрэгцээ шинэ болон шинээр сэргэж буй гамшиг, аюултүзэгдэл тохиолдох боллоо.
Сүүлийн хоёр жилд дэлхийн улс, орнууд КОВИД-19 цартахлын гамшигт нэрвэгдэж, олон сая хүнхарамсалтайгаар амь насаа алдаж, олон орондажилгүйдэл, ядуурал нэмэгдэж, нийгэм, эдийн засагтхүндрэл учирч байгаа амаргүй цаг үеийг бид хамтдаатуулж байна.
Цартахлаас болж суларсан чадавхыг нэмэгдүүлжамжихгүй цаг дор ус, цаг агаар, геологийн гаралтайбайгалийн гамшиг аюулт үзэгдэл, хүний үйлажиллагаанаас үүдэлтэй гамшиг осолтой бид нүүр тулж эрсдэлт нөхцөл байдал нэмэгдэх хандлагатай байна.
Эрхэм зочид, төлөөлөгчид өө!
Сендайн үйл ажиллагааны хүрээ баримт бичиг батлагдсанаас хойш гамшгийн эрсдэлийг бууруулах бүс нутгийн платформ болох Ази, Номхон далайн орнуудын сайд нарын бага хурлаар бид гурвантаа чуулж байна.
Шинэ Дели хотноо 2016 онд зохион байгуулсан Гамшгийн эрсдэлийг бууруулах Азийн сайд нарын бага хурлаар баталсан “Гамшгийн эрсдэлийг бууруулах чиглэлээр 2015-2030 онд авч хэрэгжүүлэх Сендайн үйл ажиллагааны хүрээ баримт бичгийг хэрэгжүүлэх Азийн бүсийн төлөвлөгөө”-д гамшгийн эрсдэлийг бууруулах замын зураглал (The Road Map for implementation of the Sendai Framework in Asia)-аа тодорхойлсон билээ.
Улаанбаатар хотноо 2018 онд “Гамшгийн эрсдэлээс урьдчилан сэргийлснээр тогтвортой хөгжлийг хамгаалах нь” сэдвийн хүрээнд хуралдсан Гамшгийнэрсдэлийг бууруулах Азийн сайд нарын бага хурлаас бүс нутгийн 2018-2020 онд хэрэгжүүлэх арга хэмжээний төлөвлөгөөг батлан хэрэгжүүлсэн. Уур амьсгалын өөрчлөлтийн нөлөөгөөр байгалийн гамшгийн эрсдэл нийлмэл болон угсарсан/дагалдах(compounding and cascading risks) хэлбэрээр тохиолдох нөхцөл байдал нэмэгдэж байгаатай холбоотойгоор тус хугацаанд бүс нутгийн орнууд эрсдэлийг бууруулах засаглалыг бэхжүүлэх үйл явцaa тогтвортой хөгжлийг хангах арга хэмжээтэй уялдуулах чиглэлээр онцгойлон анхаарсан.
Ази-Номхон далайн түншлэлийн форумаар 2021-2024 онд хэрэгжүүлэх Ази-Номхон далайн бүс нутгийн гамшгийн эрсдэлийг бууруулах арга хэмжээний төлөвлөгөө 2021 онд батлагдсан. Уг төлөвлөгөөний дагуу бид гамшгийн эрсдэлийг бууруулах чиглэлээр хэрэгжүүлж буй арга хэмжээг КОВИД-19 цар тахлын нөхцөл байдалд шинэ арга барилаар өөрчлөн хэрэгжүүлэх, өргөжүүлэх, сайн туршлага, шинэ инновацыг нэвтрүүлэхэд зорьж байна.
Дээрх баримт бичгийн хүрээнд хэрэгжүүлсэн арга хэмжээнүүд улс орнуудын боловсруулж буй дунд хугацааны тайлан илтгэлд тусна гэдэг илтгэлтэй байна.
Гамшгийн эрсдэлийг бууруулахад хүн бүрийн үүрэг оролцоо чухал. Иймд гамшгийн эрсдэлийг бууруулах үйл ажиллагаанд оролцогч бүх талууд ялангуяа иргэний нийгмийн байгууллага, шинжлэх ухаан судалгааны байгууллага, бизнесийн болон хувийн хэвшлийн байгууллага улс орны гамшгийг даван туулах чадавхыг бий болгоход ихээхэн оролцоотой. Оролцогч талуудын 2015 оноос хойш хэрэгжүүлсэн саналсанаачилга, судалгаа, техник технологи, инновац, ололт, хүндрэл бэрхшээл, цаашид талуудын анхаарах бүх арга хэмжээг энэхүү дунд хугацааны тайлан илтгэлд тодорхойлон оруулж байгаа гэдэгт эргэлзэхгүй байна.
Ази, Номхон далайн бүсийн гамшгийн эрсдэлийг бууруулах, түншлэл хамтын ажиллагааг бэхжүүлэхэд Монгол Улсын Засгийн газар бүс нутгийн улс орнуудтай цаашид ч бүх талаар хамтран ажиллахдаа таатай болно.
Улс онуудын боловсруулж буй Сендайн үйлажиллагааны хүрээ баримт бичгийн дунд хугацаанытайлан илтгэлд амжилт хүсье. Анхаарал хандуулсанд баярлалаа” гэжээ.
Мөн тэрээр Ази, номхон далайн орнуудын гамшгийн асуудлаарх сайд нар, Төлөөлөгчдийн тэргүүн нарын дугуй ширээний уулзалтад оролцон Монгол Улсын Засгийн газраас гамшгийн эрсдэлийг бууруулахад хууль эрх зүйн болон бүтэц зохион байгуулалтын чиглэлээр авч хэрэгжүүлж байгаа арга хэмжээнүүдийг танилцуулснаас гадна бүс нутгийн хэмжээнд хамтран авч хэрэгжүүлэх ажлуудын талаар санал бодлоо хуваалцлаа. Бага хурлын үйл ажиллагаа үргэлжилж байна.
