Засаг дарга нар \”147 дугаар тогтоол\”-ыг мартаж эхэллээ

Засгийн газрын 2014
оны тавдугаар сарын 10-ны өдрийн \”Төвсийг хэмнэлтийн горимд шилжүүлэх зарим
арга хэмжээний тухай” 147 дугаар тогтоолын гуравдугаар зүйлд \”бүх шатны Засаг даргын орлогч, төсөвт
байгууллагын дэд дарга, яам, агентлагийн газрын орлогч дарга, даргын туслах,
төсвөөс цалинждаг зөвлөх зэрэг орон тоог цөөлөх, цомхтгох тухай заасан байдаг.

Тогтоол гарсны
маргаашаас зарим дүүрэг, аймаг, сумдын Засаг дарга нар орлогч нараа цөөлж
байгаа мэдээ сонсогдсон ч төсөв хэмнэх хэмжээнд хүртэл хангалттай байж
чадсангүй.

Нийслэлийн Засаг
дарга хүртэл энэ тогтоолыг тоогоогүй болохоор бусад Засаг дарга нар ямар байх
нь ойлгомжтой биз.

Удалгүй орлогч
нарыг төсвөөс цалинжуулахгүйгээр авч үлдэх нэгэн шийдвэрийг Нийслэлийн Иргэдийн
төлөөлөгчдийн ээлжит XVIII хуралдаанаас гарлаа. Энэ шийдвэрээр Засаг даргын орлогч нарын
цалин, НД-ын шимтгэл, унаа, шуудан, холбооны зардал гээд нийт 1 тэрбум 82.7 сая
төгрөгийг хэмнэхээр болсон. Ингээд орлогч нар цалин авахгүй ажиллахаар болсон
уу гэвэл үгүй. Харин тэд нар бүтээн байгуулалт, хөгжлийн төсөл хөтөлбөрийг
хариуцсан институци болгон үн дүнгээр нь санхүүждэг тогтолцоонд шилжүүлснээр
хэрэгжиж буй төслөөс цалин холбогдох зардлаа гаргуулдаг болсон юм.

Гэвч энд чанарын
ямар ч өөрчлөлт байхгүй. Эцэстээ төсөл хөтөлбөрүүд бүгд л татварын мөнгөөр
явагдаж байгаа. Тэгэхээр нэмэгдэхүүний байрыг сольсон ч нийлбэрийн чанар өөрчлөгдөхгүй
гэдэгтээ утга нэг зүйл хувирсан юм.

Өөрөөр хэлбэл \”Төвсийг хэмнэлтийн горимд шилжүүлэх зарим
арга хэмжээний тухай” тогтоол цаас дээрээ үлдэж, Засаг дарга нар төсөл
хөтөлбөрөөс санхүүждэг нэрээр орлогч нарынхаа тоог нэмж эхэллээ.

 

 

 

Тодруулбал, Баянгол
дүүргийн Засаг дарга гурван орлогчтой байсан. Харин тогтоол гарсны дараа хоёр
орлогчоо чөлөөлж, нэг орлогчтойгоор төсөв хэмнэх ажлыг дэмжиж байна хэмээн
мэдэгдэж байв. Гэвч удсангүй орлогчоо
нэмж, саяхнаас хоёр орлогчтойгоор ажиллах болсон байна. Өөрөөр хэлбэл тогтоол
хэрэгжихээ больж, төсөв хэмнэх асуудалд Засаг дарга нар хойрго хандаж эхэллээ
гэж ойлгогдож байна.

Амар