Эх сурвалж: Зарулем монгол
Хуучин тэргийг шинэ мэтээр хуурч зарах явдал автомашин бий болохоос ч өмнө үүссэн. Дээр үед адууны овжин наймаачид хөгшин морь зарахдаа туурай, шүд, сүүлийг нь “шинэчилж” зальддаг байж.
Тэгвэл адуутай харьцуулахад автомашинд одометр гэж гүйлт хэмжигч бий. Хуучин автомашиныг худалдахаасаа өмнө гүйлт ухраах нь бас л он удаан жил оршин тогтнож буй заль юм. Механик одометрийн эрин үед энэ зорилгоор ахуйн жижиг мотороос өгсүүлээд цахилгаан дриль ашигладаг байсан бол цахим тоолууртай өнөө үед компьютер холбож хэдэн товчлуур товшоод л гүйцээ.
Эцсийн дүнд хүн айлгам 200,000 км-ийг ердөө 32,000 км гүйлттэй болгосон машин олширлоо. Тэгээд наймаачид үүнийгээ эмэгтэй хүн эсвэл настай хүн унаж байсан гэж үнэмшүүлэхийг яана.
“Мөнгөн буйл”-ын Гочоо шиг тэмээний бөх, гаанс хөөрөг гээд хамаг байдгаа тавьж туучихаад эвдэрхий машинтай хоцрохыг хэн ч хүсэхгүй байлгүй дээ?
Гүйлт бага ч сэтгэл нэг л сэвтэй машинууд байдаг даа. Тэгвэл эдгээр зүйлсийг нь шалгаад үзэхэд гэмгүй биз.
Кузов дээрх аливаа цууралт нэг бол хэт их ачаалал авсных эсвэл гадар муудсаныг илтгэнэ
Багаажны ирмэг цуурсан байвал хэт хүнд юм ачсан эсвэл тааруухан засвар орсонтой холбоотой. 
CVT-ний засвар маш өндөр өртөгтэй, засахаасаа илүү шинээр захиж сольж таардаг. 
Ийм салоноос эвгүй үнэрийг алга болох гэж нэлээн юм болно доо. 
Рулийн бүрээс тайлбал ингэж элэгдсэн байдаг. 
Дөрөөг шалгахад илүүдэхгүй. 
