Хүмүүс \”баяждаг” гэсэн тайлбартай бол хүндэрч байгаа хүний зураг ч хамаагүй лайк дарж, шейр хийнэ гэж зарим хэсэг нь үздэг. Харин зарим тийм мунхаг зүйл гэж юу байх вэ гэж үгүйсгэх нь бий. Тэгвэл манай хуудас 2016 оны 6 дугаар сарын 10-ны өдөр \”Алтаар хүндэрч буй эмээгийн зургийг шейрлэвэл баяждаг” гэсэн агуулга бүхий зураг оруулж, жижигхэн судалгаа хийлээ. Дээрх хоёр үзүүртэй маргааныг таслах зорилготой гэж хэлж байна.
Судалгааны дүнд буюу сар гаруйн хугацааны дараа тус зургийг нийт 7300 хүн шейр хийж, 3300 хүн лайк дарж, 250 гаруй сэтгэгдэл бичигдсэн байна. Энэ дагуу шейр хийсэн 7300 хүнээс түйвэрлэн \”тус зургийг шейрлэснээр таны амьдралд ямар нэгэн өөрчлөлт гарсан уу” гэх асуудлыг чатаар явуулав. Харин хариулт өгсөн иргэдийн ихэнх нь \”зүгээр л, юу ч бодолгүй шейрлэсэн, юмыг яаж мэдэх вэ, амны билгээс ашдын билэг гэдэг дээ” гэсэн хариултыг өгөв.
![\"\"](http://undesten.mn/uploads/posts/2016-07/1469592369_emee.jpg "\\"\\"")
Судалгааны явцад сонирхолтой нэг дүгнэлт гарсан нь сэтгэгдэл бичсэн хүмүүсийн дийлэнх нь шейр хийх нь буруу, тухай цахим хуудас өөрийн хандалтаа өсгөх зорилгоор бусдыг хуурч мэхэлж байна хэмээн бухимдсан хандалтыг өглөө. Тиймээс та бүгдийг бухимдуулж, уурлуулсандаа хүлцэл өчиж байна. Бидний зорилго \”баяжина” гэдэг үг хэр хүчтэй вэ гэдгийг л тогтооход оршиж байсан болохоос та бүгдийг уурлуулж бухимдуулахад байгаагүй болно. Эцэст нь хэлэхэд зураг шейрлээд баяжсан ганц ч тохиолдол дэлхийн хэмжээнд бүртгэгдээгүй гэдгийг хэлье. Хөдөлмөр, бас дахин хөдөлмөр хүнийг хэмжээлшгүй их хөрөнгөтэй болгодог.
