Бразиль Улсын Рио-де-Жанейро хотноо зуны олимпийн XXXI наадмын нээлтийн ажиллагаа сайхан боллоо. Өглөө ТВ-ээр нээлтийн ажиллагааг үзэж суухад олимпод оролцож буй 200 гаруй улс орнуудын цөөнгүй хэдэн оронд нь манай монгол цэргийн гутлын мөр гарч байжээ. Мэдээж эх орноосоо алс хол, дайн тулаантай газар, амь насаа алдах өндөр эрсдэлтэй орчинд үүрэг гүйцэтгэнэ гэдэг амаргүй хүнд ажил хөдөлмөр. Гэвч монголын цэрэг дайчид ![\"\"](http://undesten.mn/uploads/posts/2016-08/1470539941_rio.jpg "\\"\\"")
\”Маракана\” стадионы гол хаалгаар улс орныхоо нэрийг цагаан толгойн үсгийн дарааллаар дуудуулж, төрийнхөө далбааг бариад орж буй тамирчид, тухайн улсын тухай товч танилцуулга явангуут Иракийн Аль-Хилла хотод пуужингийн довтолгооны үед хорогдох байранд сууж байсан үе, Сьерра Леоны Улсын Лүнги нисэх буудалд онгоц хүлээн хонож байсан шөнө, Чад Улс дахь сахарын элсэн цөлийн шуурганы үед идэж байсан борцтой шөл, Афганистаны сүрлэг ууланд хийсэн шөнийн эргүүл, Конго улсын тас хийсэн чанга дуутай аянгат хүйтэн бороо, Өмнөд Суданд шаварт зоогдсон машинаа ухаж байсан зэрэг зарим хуучны дурсамжууд маань сэргэх шиг болов.
2002 оноос хойш өнөөг хүртлэх 14 жилийн хугацаанд НҮБ-ын энхийг сахиулах болон олон улсын бусад ажиллагаанд давхардсан тоогоор 14000 орчим цэргийн алба хаагчид оролцсон бол одоогийн байдлаар 1186 цэргийн алба хаагч ажиллагааны газар оронд үүрэг гүйцэтгэж байна. Хамтдаа Монгол цэргийн гутлын мөр гарсан улс орнуудыг жагсааж үзье. 2002 онд анх удаа БНАКонго улсад хамгийн анхны хоёр цэргийн ажиглагч офицеруудыг илгээж байлаа. Түүнээс хойш Ирак, Афганистан, Сьерра Леоне, Либери, Баруун Сахар, Эритр, Гүрж, Өмнөд Судан, Хойд Судан, Косово, Чад болон Төв Африкийн бүгд найрамдах улсад явагдсан ажиллагаануудад манай цэргүүд энхийг үйлсийн төлөө тус тус оролцжээ. Эдгээрээс дэлхийн хамгийн халуун цэг болсон Ирак, Афганистан улсад бид үүрэг гүйцэтгэж байсан бол одоо ч Афганистан, Өмнөд Судан халуун цэг хэвээрээ хэдий ч дайчин цэргүүд маань үүргээ нэр төртэй гүйцэтгэсээр байна.
Р.Энхболд
![\"\"](http://undesten.mn/uploads/posts/2016-08/1470539849_logo.jpg "\\"\\""){kind=logo}
