\”Ерөнхий сайд Засгийн газрын нөөц хөрөнгийг хэрхэн, юунд зарцуулснаа тайлагнах ёстой\”

МАН-ын гишүүн Б.Цогтгэрэл өнөөдөр сэтгүүлчдэд мэдээлэл өглөө.

Тэрээр яамд, агентлагууд болон төрийн өмчит, томоохон ААН-үүдийн цахим хуудсанд нэвтрэн, шилэн дансаа хуулийн дагуу хөтөлж буй эсэхэд хяналт тавьжээ. Ингэхэд ЭМСЯ болон хэд хэдэн агентлагууд, УБТЗ, Монголросцветмет зэрэг ААН-үүд болон нэр бүхий таван иргэн шилэн дансны мэдээллээ тухай бүрт нь олон нийтэд мэдээлдэггүй нь ил болсон байна. Иймд эдгээр ААН-үүдэд хариуцлага тооцон, арга хэмжээ авахыг АТГ-аас шаарджээ. Түүний илгээсэн албан бичгийн хариуг АТГ-аас хоёр албан бичгээр ирүүлсэн аж.

Тэгэхэээр ЭМСЯ, МҮОНРТ, Эрдэнэт үйлдвэр, Монголросцвет, Дарханы төмөрлөгийн үйлдвэр энэ сарын 21-ний дотор хариу тайлбар өгөх үүрэг хүлээлээ.  

Энэхүү албан бичигт зургаа биш таван ААН-ийн нэрийг дурдсан байгааг анхаараарай.   

Үүнд иргэн Б.Цогтгэрэлийн гаргасан гомдлын дагуу, нэр дурдсан долоон ААН-д хариуцлага тооцон ажиллахыг Монгол Улсын Ерөнхий аудитор А.Зангадад үүрэгджээ.

Монголросцветмет, УБТЗ болон уулын баяжуулах \”Эрдэнэт” үйлдвэрийнхэн шилэн дансаа хөтөлж эхлээгүй байна.

Гэхдээ дээрх албан бичигт Ерөнхий сайдын бүрэн мэдэлд байдаг Засгийн газрын нөөц сангийн талаар огт дурдалгүй өнгөрснийг Б.Цогтгэрэл онцоллоо.

Учир нь Засгийн газрын нөөц хөрөнгийг захиран зарцуулах эрх бүхий субьект болох Ерөнхий сайд тэрхүү нөөцийг юунд, хэрхэн зарцуулснаа огт тайлагналгүй иржээ. \”Би энэ талаар гаргасан гомдлынхоо хамгийн нэгдүгээрт цохон тэмдэглэсэн байтал АТГ Ерөнхий сайдыг санаатайгаар сугалж үлдсэн. Ингэж болохгүй. Бүгд хууль шүүхийн өмнө ижил байх ёстой. АТГ ямар нэг ялгаваргүйгээр шалгах үүрэгтэй. Би иргэний хувиар АТГ-т энэ асуудлаар дахин хандана, шаардлага тавина. Долоон ААН-ийн талаар гомдол гаргахад зургааг нь л хэлэлцсэн байна” гэсэн юм.

Тэгэхээр АТГ Засгийн газрын нөөц хөрөнгийг шилэн дансаар тайлагнах явцад ханалт шалгалт хийгээгүй болж байна.    

Мөн өнөөдрийг хүртэлх хугацаанд Монголросцветмет, УБТЗ болон уулын баяжуулах \”Эрдэнэт” үйлдвэрийнхэн шилэн дансаа хөтөлж эхлээгүй байгаа аж. Монгол Улсын Засгийн газар эдгээр байгууллагын 51 хувийг эзэмшдэг учир тэд Монгол Улсын хууль тогтоомжийг мөрдөх ёстой юм байна.

Шилэн дансны тухай хуульд зааснаар ААН-үүд төсвийн гүйцэтгэл, 5-аас дээш сая төгрөгийн үнийн дүн бүхий худалдан авалт, орлого зарлага, Концессийн гэрээг шилэн дансаараа тайлагнах үүрэгтэй.    

Үндэсний аудитын газар АТГ-аас үүрэг болгон илгээсэн дээрх албан бичгийн хариуг энэ сарын 30-ны дотор эргүүлэн өгөх үүрэг хүлээсэн. Тэгэхээр энэ сарын сүүлээр дээр нэр дурдсан долоон ААН чухам шалтгаанаар шилэн данс хөтлөөгүй нь тодорхой болох нь ээ.  

Төгсгөлд нь хэлэхэд одоо үүсээд буй нөхцөл байдал Шилэн дансны тухай хуулийг санаачилсан Ерөнхийлөгчийн дараах зарлиг бодит байдалд хэрэгжихгүй байгааг харуулж байна.

Б.Цогтгэрэлээс дараах асуултад товч хариулт авлаа.