Багануур хотын Захирагчийн сонгуулийн дүнг хүчингүй болгож магадгүй

 

Нийслэлийн ИТХ-ын
ээлжит хуралдаанаар иргэдийн саналыг үндэслэн Багануур, Налайх хотыг байгуулах
шийдвэр гарсан. Энэ шийдвэрийн дагуу өнгөрөгч тавдугаар сард Налайх хотын
Захирагчийг сонгох сонгууль болсон юм. Харин өнгөрөгч долоо хоногт Багануур
хотын Захирагчийн сонгуулийг зохион байгууллаа.

 

Нийт сонгогчдын
57.72 хувийн саналыг авч Н.Тавинбэх Багануур хотын Захирагчаар сонгогдсон.
Сонгуулийн ирц 50 хувьдаа хүрээгүй ч хамгийн их сонгогчдын санал авснаар
Н.Тавинбэхийг батламжилж, НИТХ-ын тэргүүлэгчдэд хүргүүлсэн юм.

 

Гэвч сонгуулийн
дүнг тус дүүргийн МАН-аас худал мэдээлж, төөрөгдүүлсэн гэх иргэний гомдол
нийслэлд ирсэн байна. Мөн \”хотын Захирагчийн сонгуульд нэр дэвшигчид бие дааж
сонгуульд оролцох ёстой” гэсэн хотын үндсэн дүрмийг МАН-аас зөрчиж, нэр
дэвшигчид улс төрийн нөлөөлөл оролцсон байж болзошгүй үзжээ.

Тиймээс хотын дарга
Э.Бат-Үүл \”нэр дэвшигчдэд улс төрийн нөлөөлөл орсон байвал сонгогдсон
Захирагчийн бүрэн эрхийг баталгаажуулахгүй дахин сонгууль зарлах нөхцөл үүснэ”
гэсэн мэдэгдэл гаргасан байна.

Ер нь аль нэг улс
төрийн нам хотын Захирагчийг өмчлөх гэсэн, хотын Захирагч нь аль нэг улс төрийн
намд үйлчлэх хандлага байх ёсгүй гэсэн баримтлалыг барьж дээрх мэдэгдлийг
гаргажээ.

Гэвч МАН-ын зарим
гишүүдийн зүгээс Хотын даргын мэдэгдлийг эсэргүүцэж, сэтгэгдлээ илэрхийлээд
эхэлсэн байна. Жишээ нь Н.Тавинбэх идэвхтэй дэмжиж байсан НИТХ-ын төлөөлөгч Ц.Сандаг-Очир \”Ардын хүүхэд ялж болдоггүй сонгууль юм
байна. Э.Бат-Үүлийн өөрийнх нь үнэн нүүр царай энэ дээ. Сонгуулийн хорооны
шийдвэрийг хүлээн зөвшөөрдөггүй энэ хэн бэ. Өөрсдөд нь л муу даа” хэмээн жиргэжээ.

Улс
төрийн нам ордоггүй сонгууль гэж юу байх вэ. Э.Бат-Үүл ч мөн адил улс төрийн
намаас л нэр дэвшиж иргэдийн саналыг авч хотын дарга болсон. Хэрвээ түүний ярьж
байгаагаар хотын дарга, захирагч улс төрийн намаас ангид байх ёстой юм бол
Э.Бат-Үүлийн ч гэсэн бүрэн эрхийг цуцалж болно гэсэн үг үү. Эсвэл АН биш МАН-ын
гишүүн ялалт байгуулчихсан учраас өөрөө ч мөрддөггүй хуулийг энэ удаад ашиглах
гээд байна уу.

 

А.Аюуш