Сүүлийн жилүүдэд Монголын залуус гадаадад суралцах нь элбэг болсон. Тэдний хувьд хувиараа зардлаа даагаад явах нэг хэсэг байхад, тэтгэлэгт хамрагдаад суралцах багагүй хэсэг ч байгаа юм. Гадаадад суралцахыг зорьж байгаа залууст зориулж дараах мэдээллийг хүргэж байна.
1. Их Британи ба Умард Ирландын нэгдсэн вант улсын Засгийн газраас олгодог тэтгэлэг:
\”British Chevening Scholarships” Жилд дунджаар 1500 гаруй оюутанд олгодог энэхүү тэтгэлэг нь 30,000 фунт стерлинг орчим ба үүнд сургалтын зардал, ирж очих нислэг, сар бүрийн оюутны тэтгэмж, байр, амьжиргааны зардал, даатгал гэх мэт магистрын нэг жилийн бүх зардлыг багтаасан байдаг. Ихэвчлэн магистрын нэг жилийн хөтөлбөрт олгоно. Өргөдөл анкет бичиг баримтыг жил бүрийн 8 дугаар сарын 1-нээс 11 дүгээр сарын 15-ныг дуустал хүлээн авдаг. Дэлгэрэнгүй
2. АНУ-ын Засгийн газраас олгодог тэтгэлэг:
2.1. \”Fulbright Foreign Student Program”
Манай оюутнуудын нэлээд түгээмэл хамрагддаг тэтгэлэг бөгөөд жил бүр дэлхийн хэмжээнд 1800 гаруй тэтгэлэг олгодог. Ихэвчлэн магистр, докторын сургалтанд олгоно. Мөн зэрэг олгодоггүй мэргэжил дээшлүүлэх зарим хөтөлбөрөөр тэтгэлэгт хамрагдах боломжтой. Энэхүү тэтгэлэгт хөтөлбөрт хамрагдах бол 2016/2017 оны хичээлийн жилийн тэтгэлт хөтөлбөрийн мэдээлэлийг энэлинкээр орж лавлагааг Local embassy or Fulbright Commission-с авна уу. Тэтгэлэгт сургалтын зардал, даатгал, оюутны сар бүрийн тэтгэмж, ирж очих нислэгийн зардал багтдаг.
2.2. \”Hubert H. Humphrey Fellowship Program”
Мэргэжил дээшлүүлэх, зэрэг олгодоггүй сургалтуудад олгодог бөгөөд жил бүр дэлхийн хэмжээнд 200 орчим мэргэжилтнүүдийг хамруулдаг. Тэтгэлэгт, тухайн их сургуулийн мэргэжил дээшлүүлэх сургалтын зардал, хэрэв шаардлагатай бол англи хэлний сургалтын зардлыг оруулан тооцно. Ном сурах бичиг, нэг удаагийн компьютер авах зардал, ирж очих нислэг, мэргэжлийн судалгааны ажлын аялал, уулзалт, семинар сургалтын зардлууд багтдаг. Дэлгэрэнгүй
Суралцах мэргэжлийн жагсаалт:
• Agriculturaland Rural. Development • Communications/Journalism • Economic Development • Educational Administration, Planning and Policy • Finance and Banking • Higher Education Administration • HIV/AIDS Policy and Prevention • Human Resource Management • Law and Human Rights • Natural Resources, Environmental Policy, and Climate Change • Public Health Policy and Management • Public Policy Analysis and Public Administration • Substance Abuse Education, Treatment and Prevention • Teaching of English as a Foreign Language • Technology Policy and Management • Trafficking in Persons Policy and Prevention • Urban and Regional Planning- Дэлгэрэнгүй
3. Европын орнуудын Засгийн газраас олгодог тэтгэлэг:
3.1. \”Netherlands Fellowship Programme”
Голландын аль нэг их дээд сургуульд магистр, доктор, богино хугацааны сургалтад суралцах бол өргөдлийг илгээх боломжтой. Нийт 51 оронд олгодог ба категори нэгд байгаа улсуудад илүү боломжийг олгодог. Тэтгэлэгт сургалтын зардал, визаны хураамж, судалгааны ажлын зардлууд багтдагаас гадна суралцах явцад цалинтай ажил олгох боломж бий. Дэлгэрэнгүй
3.2. \”Norwegian Quota Scholarship Scheme”
Тэтгэлэгт бакалавр, магистр, докторын сургалтанд 2017 оны 9 дүгээр сард эхлэн суралцах ба өөрийн суралцаж буй их дээд сургуулийн удирдлагаар дамжуулан хүсэлтээ илгээх шаардлагатай. Тэтгэлгийг олгохдоо 30% тэтгэлэг, 70% зээлийн нөхцөлтэйгээр боловч суралцаж дүүргээд өөрийн эх орондоо ажиллаж буй төгсөгчдийн 70% зээл нь тэтгэлэг болдог.
3.3. ”DAAD Scholarships for Development-Related Postgraduate Courses” Германы Засгийн газраас магистрын сургалтанд 50%, 100% тэтгэлэг олгодог. Дараах жагсаалтанд буй улсын иргэд хамрагдах боломжтой. LINK Монгол улсын иргэд хамрагдах боломжтой ба Герман хэлний A2-B1 түвшинд байх, IELTS 6,0, IBT TOEFL 80 оноотой байх шаардлагатай.
3.4. \”Swiss Government Excellence Scholarships” 180 орчим улсын докторын буюу докторын дараах судалгааны ажлаа Швейцарийн төрийн санхүүжилттэй аль нэг сургуулийн буюу Швейцарийн хүлээн зөвшөөрөгдсөн байгууллагад хийж гүйцэтгэх эрдэм шинжилгээний ажилтнуудад олгоно. Тэтгэлэгт сар бүрийн оюутны цалин, сургалтын төлбөр, эрүүл мэндийн даатгал, байрны зардал багтана. Дэлгэрэнгүй
3.5. \”Swedish Institute Study Scholarships” Шведийн их дээд сургуулиудад магистраар суралцах хүсэлтэй хөгжиж буй орнуудын оюутнуудад Шведийн Засгийн газрын тэтгэлэг олгодог. Тэтгэлэгт сургалтын төлбөр, амьжиргааны зардал, зарим нэг аялал жуулчлалын зардал, даатгал зэрэг багтдаг. Ойролцоогоор 550 гаруй төрлийн тэтгэлэг санал болгодог. Сонгогдох эрхтэй магистрын програмуудын жагсаалтыг албан ёсны вэб сайт-аас харна уу.
3.6. \”Denmark Government Scholarships for Non-EU Students \” Дани улсын Засгийн газар тус улсад магистраар суралцах хүсэл эрмэлзэлтэй олон улсын оюутнуудыг талархан хүлээн авдаг. Тэтгэлгийн тоог Европын Холбоо / Данийн Боловсролын яамнаас жил бүр тодорхойлдог. Дээд боловсролын байгуулагуудын жагсаалт – албан ёсны вэб сайт
3.7. \”Italian Government Scholarships for Foreign Students” Италийн иргэн, гадаадын иргэн аль аль нь Итали-д суралцахад Италийн Засгийн газрын тэтгэлэгт хамрагдах боломжтой. Италийн улсын сургуулиудад магистр, бакалавр, Итали хэлний сургалтад суралцахад олгоно. Дэлгэрэнгүй
3.8. \” Eiffel Scholarships in France for International Students” Францын гадаад харилцааны яамнаас санаачилсан Францын дээд боловсролын байгууллагуудад хамгийн сайн гадаад оюутнуудыг татах зорилготой Эйфелийн тэтгэлэгт хөтөлбөрөөр дамжуулан магистр, докторын сургалтанд хөнгөлөлт олгодог.
Суралцах чиглэл: • инженерийн шинжлэх ухаан, тухайлбал математик, физик, хими, нано, био технологи, дэлхий, байгаль орчин, мэдээлэл зүй, харилцаа технологи зэрэг • эдийн засаг, менежмент • хууль, улс төр- Дэлгэрэнгүй
dglproject.com
