Нөхөн үржихүйн хичээлийг түлхүү оруулж өгөөч Ц.Цогзолмаа сайд аа

$\"\"$

Сүүлийн
үед хүчирхийлэлтэй холбоотой таагүй мэдээлэл нийгэмд тархаж, иргэдийг
цочирдуулж байна. Үүний хохирогч нь өсвөр насны охид болон бага насны хүүхдүүд
байгааг БСШУС-ын сайд Ц.Цогзолмаа танд сануулах гэсэн юм.

Нэгдсэн
Үндэстний Байгууллагын Ерөнхий нарийн бичгийн даргын Хүн ам, хөгжлийн комисст
илгээсэн мэдээлэлд дэлхийн өнцөг булан бүрт 18-аас доош насны 150 сая орчим
охид бэлгийн халдлагад өртөж байгаагийн 50 хувь нь 16-аас доош насны охид байна
гэжээ. Энэхүү дэлхий нийтийг цочроосон бэлгийн хүчирхийллийн асуудал манай
улсын хэмжээнд мөн адил өндөр хувьтай байна. Тухайлбал,
нийслэлийн Хүүхэд гэр бүл хөгжлийн газраас хийсэн
\”Хүүхдийн хүчирхийлэлд өртөж буй байдал-2014” судалгаанд хамрагдсан охидын 15.0
хувьд нь тэдний эзмэг газарт болох хөх, бэлэг эрхтэнд хүрч биедээ албаар
хүргэх. Хөвгүүдийн 13.5 хувьд нь хэн нэгэн түүнд бэлгийн харилцааны талаар
бичиж, ичээж зовоох зэрэг бэлгийн хүчирхийлэл үзүүлж байсан гэжээ. Мөн 2015 онд
нийслэлийн 9 дүүргийн Хүүхэд гэр бүлийн
хөгжлийн төвд хүүхдийн эрсэг бэлгийн
хүчирхийллийн 16 тохиолдол бүртгэгдсэн бөгөөд 2016 оны нэгдүгээр
улирлын байдлаар 19 тохиолдол бүртгэгдсэн энэ
төрлийн хүчирхийлэл нэмэгдэж байгааг харуулж байна.

Албаны
эх сурвалжуудын мэдээлж байгаагаар өсвөр насныхан нөхөн үржихүйн эрүүл мэндийн
талаархи боловсрол, мэдээлэл дутмаг байдлаас болж бэлгийн хүчирхийлэлд өртөж насаараа сэтгэл санаа, бие мах бодиороо
хохирч байна. Тухайлбал, Манай улсад жилдээ
3500 гаруйохин өсвөр насандаа хүүхэд төрүүлж ээж болдог гэж \”Гүнж”
төвийн гүйцэтгэх захирал Э.Эрдэнэцэцэг хэлж байсан юм. Өсвөр насны охид ээж
болсноор тэдний гэр бүлд болон өөрт нь олон таагүй байдал үүсдэг байна. Мөн
сурч боловсрох боломжоо алдаж улмаар ажилгүйдэл, ядууралд шууд өртдөг. Иймээс
өсвөр насны хүүхдүүдэд багаас нь бэлгийн амьдралын талаар зөв мэдлэг, мэдээлэл
олгож, зөв зан үйлийг төлөвшүүлэхийг нийгэм шаардаж байна. Харамсалтай нь манайд
өсвөр насныханд нөхөн үржихүйн боловсрол олгох асуудал туйлын хангалтгүй байгааг
Хүний эрхийн үндэсний комиссын дарга Ж.Бямбадорж бухимдан ярьж байсан.

Жилд хоёрхон цагийг эрүүл мэндийн боловсролд зориулдаг

$\"\"$

Манай өсвөр насны хүүхдүүд нөхөн үржихүйн эрүүл мэндийн талаар мэдлэг
муутай байдлаас болж бэлгийн хүчирхийлэлд өртөх тохиолдол ихсэж байна гэж
мэргэжлийн байгууллагын судлачид хэлж байна. Нөгөөтэйгөөр нөхөн үржихүйн талаар зөв мэдээлэл авах боломж хязгаарлагдмал.Тэр
дундаа сургуульд сурч байгаа хүүхдүүд нөхөн үржихүйн эрүүл мэндийн талаарх
боловсрол мэдээлэл бүр хомс. Уг нь ерөнхий боловсролын сургуульд эрүүл мэндийн түүний дотор нөхөн үржихүйн
эрүүл мэндийн болвсрол олгох агуулга тусгагдсан байгаа боловч багш бэлтгэгдээгүй, сургалтын гарын авлага, материал
хүрэлцээгүй гэдэг шалтгаанаар сургуулиудад уг хичээл ордоггүй юм байна. Тухайлбал, Хүний эрхийн үндэсний комиссынхон
саяхан Орхон, Булган аймагт ажиллаж, ерөнхий боловсролын сургуулиуд
шалгалт хийжээ. Уг шалгалтаар нөхөн үржихүйн чиглэлээр ерөнхий боловсролын
сургуулийн сурагчдад жилийн турш хоёрхон цаг ордог. Эндээс бүтэн жилийн турш хоёрхон цагт багтаан багш нар өсвөр
насныханд үржихүйн эрүүл мэндийн боловсролыг хангалттай олгож
чадах уу гэдэгт мэргэжлийн хүмүүс хариулт өгөх цаг болжээ. Иймээс ерөнхий
боловсролын сургуульд нөхөн үржихүйн эрүүл мэндийн хичээлийг нэмэлт цагаар зайлшгүй орох шаардлагатай юм. Ингэж байж
өсвөр насны хүүхдүүдийн нөхөн үржихүйн
эрүүл мэндийн боловсролыг дээшлүүлж, хүчирхийллийн золиос болохоос урьдчилан
сэргийлэх юм. Шинэхэн томилогдсон сайд Ц.Цогзолмаагийн нүдээ нээж чадвал шийдэх асуудлуудын тэргүүн
эгнээнд энэ асуудал зүй ёсоор багтах учиртай.