Ч.Мягмар: Хөдөлмөрч хүнийг бурхан ивээдэг гэдэг үнэн үг шүү

Монгол хүүхдүүд хилийн
чандад очиж бусад орны хүүхдүүдтэй эн зэрэгцэн өрсөлдөж тэргүүн байруудыг нь
авдаг болжээ. Хамгийн сүүлд л гэхэд Солонгос улсын Сөүл хотноо зохион байгуулагдсан \”Luxury Brand Kids
Model Awards – 2017” бяхцан миссийн тэмцээнд  Монгол улсыг төлөөлөн Дарханболдын
Хулан, Батхүүгийн Анхсувд нар оролцож \”Шилдэг
топ модель” болжээ. Тэднийг бэлтгэж, алдрын энэ зэрэгт хүргэсэн багшийг Ч.Мягмар гэдэг. Сэлэнгэ
аймгийн Сүхбаатар сумын Улсын тэргүүний 2 дугаар сургуулийн нийгмийн ажилтан
Ч.Мягмартай ярилцлаа.

-Сүүлийн жилүүдэд Сэлэнгэ аймгаас бяцхан мисс, өсвөрийн загвар өмсөгчид
төрж аймаг, орон нутаг, Монголыхоо нэрийг олон улсад гаргах болсон. Энэ бүх
амжилтын ард таныг байдаг гэж сонслоо?

-Би Сэлэнгэ аймгийн Түшиг сумын
Зэлтэрийн уугуул. Дунд сургуульд байхдаа их идэвхтэй бүлгэмийн зөвлөлийн дарга,
оролцохгүй ажил, уралдаан тэмцээнгүй. Тэр эрчээрээ хүүхэд хөгжүүлэх ажил маань
миний хобби болсон гэж хэлэхэд болно. 2 жилийн өмнө би Зэлтэрээс Сүхбаатар
сумын 2 дугаар сургуульд ажиллахаар ирсэн. Захирал, сургалтын менежертэйгээ би
зөвшилцөөд энэ бүх ажлыг хийдэг. Суманд хүүхдийг хөгжүүлэх гэж ажиллахаар эцэг,
эх нь мөнгө гаргадаг. Түшиг суманд ажиллаж байхдаа би \”Бяцхан мисс” тэмцээнийг
зохиосоор байгаад миний гарт орчихсон, энэ ажил. Сүхбаатар суманд ирээд
ажиллаад, Анхсувдыг бэлтэглээ. Амжилт гаргалаа. Маш их баяртай, ажлын эрч
хүчтэй болсон шүү.

-Азийн \”Luxury
Brand Kids Model Awards – 2017” бяхцан миссийн тэмцээнд ороод \”Шилдэг топ модель” болдог Б.Анхсувд мөн үү?

-Мөн. Сувдаа маань ингээд Хятадын Шанхай
юу, Италийн Милан явах уу гээд дараагийн тэмцээнд оролцох эрх нь нээгдчихсэн.

\”LBMA
STAR Awards- 2017\” олон улсын тэмцээний хамгийн том шагнал болох 2017 оны
Азийн шилдэг жүжигчингээр Солонгосын кино од Jung jin ho, \”Топ
модел\”-ын эзнээр Мисс Монголиа аялал жуулчлалын холбооны тэргүүн Б.Гантогоо
нар шалгарсан. УИХ-ын гишүүн Мөнхбат ажлар явж байгаад Солонгост таарч бидний тэмцээнийг
үзэж дэмжсэн.

Би бүдүүн хэрнээ нэлээн
бүжиглэх дуртай. Хүүхдүүдийнхээ бүх бүжгийг өөрөө дэглэнэ. Сургуулийнхаа шинэ
жил, төгсөлт, үсэглэлийн баяр гээд бүх арга хэмжээний бүжгийг би заана.
Сургуульд ямар ч хүндрэлгүй учраас захирал маань намайг дэмждэг юм. Би яг ийм
бүжгийг гаргамаар байна, ийм хувцас өмсгөе гэхэд ээж, аавууд дэмжээд явчихдаг
юм. Би мэргэжлийн бүжигчин биш ч гэсэн хүүхдүүдэд яаж сэтгэлээсээ хандах,
нарийн арга барил байна. Хүүхдийн сэтэгхүйтэй нь ажиллаж, найзлаж, нөхөрлөж
байж бид нэг хүн шиг болдог. Би амжилт гаргаад байгаа хүүхдүүдээ дандаа л 1-р
ангиас нь авч хөгжүүлдэг. Гэлээ гээд хөдөө, орон нутгийн хүүхэд ч гэсэн хилийн
дээс алхаад Монголынхоо нэрийг гаргаж болдгийг би харуулсандаа сэтгэл хангалуун
байгаа. Халаасны өрөөнд амьдардаг болохоор ихэнх цагаа сургууль дээрээ
хүүхдүүдтэйгээ бужигнаад өнгрүүлдэг юм.

-Багш нар цалингаа нэмүүлэхээр жагсаж, хичээл хаяж юм юм л болж байна.
Амьдрал нь болохгүй байгаа бололтой. Таны хувьд ямар байр суурьтай байгаа вэ?

-Би энэ бүхнийг дэмжиж байгаа. Өнөөдөр
би улсад 20 гаруй жил ажиллачихаад өөрийн гэсэн орон, гэргүй л явна. Сая
Солонгост хүүхдүүдээ аваад тэмцээнд ороод ирэхэд тэнд байгаа шавь нар маань \”Та
энд үлдчихээч. Тэнд 600 мянган төгрөг аваад ихэнхийг нь зээлэндээ өгчихнө. Яаж
амьдралаа өөд татах гэсэн юм бэ” гэцгээж байна лээ. Энэ бол миний ажил,
хүлээсэн үүрэг бий. Захирал маань заримдаа миний ажлыг \”Чи 10 хоног хоббигоо
дагаад явлаа” гэдэг. Зарим багш намайг ажлаа хийхгүй гадаадад зугаалаад явж
байна гэх нь бий. Би гадагшаа ажлаар явах болбол урьдчилаад сургалтаа бөөндөж
хийж байгаад ямар ч ажлыг хийдүүлдэггүй. Миний ажлын амжилтыг олон улсын арга
хэмжээний үр дүнгээр, шавь нарын минь хөгжлөөр дүгнэж болно. Шавь нар маань
бусдад хүлээн зөвшөөрөгдөж байгаа нь өөрөө том шагнал юм. Би хэдэн хүүхэд аваад
уралдаан, тэмцээнд явахдаа амрах завгүй ажилладаг. Зарим ээж \”хүүхэд дэндүү ядраалаа.
Жаахан унтуулмаар байна” гээд бэлтгэл, сургуулилт хийлгэхгүй гэхэд шавь маань ээжээсээ
зөрөөд миний үгэнд ороод хувцсаа өмсөөд нойрмоглоод зогсож байдаг. Ёстой
хөөрхөн. \”Чи сургуулийн сурагч биш. Хожигдвол улсын нэр гарахгүй. Чи ялж байж л
эх орныхоо нэрийг гаргана. Чиний оронд явах юмсан гэсэн олон мянган хүүхэд бий.
Чи Улсаа төлөөлөөд ирснээ сана. Бид улсаа төлөөлж том хариуцлага үүрч ирсэн ”
гэхэд яаж ч ядарч байсан босоод миний үгээр бэлтгэлээ хийдэг юм. Ингэж шавь
нартаа үүрэг, хариуцлага гэж юу байдгийг сургаж явдаг.

-Танай сургуулийн хамт олон таны ажлыг хэр дэмждэг вэ?

-Дэмжнээ. Өмнө нь би Түшигт байхдаа
хүүхдүүдийнхээ дунд жентелмэн, загвар өмсөгч гэх мэтээр тэмцээн их хийдэг
байлаа. Хүүхдүүдийнхээ чөлөөт цагийг зөв боловсон өнгрүүлэх гэж хичээдэг юм.
Манай Түшигийн хүүхдүүд аймагт орж ирэхэд хэзээ ч сумаас ирсэн юм шиг
харагддаггүй. Тэгж хүүхэд гоо зүйн мэдрэмжээ хөгжүүлж биеэ сайхан аваад явдаг
болдог юм байна. Орхон аймагт болсон \”Бяцхан мисс”-ийн тэмцээнд миний бэлтэгсэн
хүүхэд ороод тэргүүн байрыг нь эзлэх жишээний.

-Хүүхдийг багаас нь авьяасыг нь нээж өгснөөр аливаа хүчирхийллээс, эрх нь
зөрчигдөхөөс хамгаалдаг болов уу. Сүүлийн үед энэ нийгэмд юу болоод байна
гэмээр муу, муухай зүйлс сонсдох болсон. Хүүхдүүдтэй хамгийн ойр ажиллах хүн нь
нийгмийн ажилтан гэж ойлголоо. Зөв үү?

-Тэгэлгүй яах вэ. Саяхан би \”Сэлэнгэ
модель” тэмцээнийг зохиолоо. Нэг ээж хүүхдээ хөтлөөд ирлээ. Манай хүү дуу
муутай. Ядаж тэгшхэн нуруутай, цэмцгэр хүү болгоод өгөөч. Бадмаагийн хүү
Төгөлдөр ёстой сайхан харагдаж байна. Миний хүүг яг түүн шиг болгоод өгөөч гэх
мэтээр бидний зохион байгуулж байгаа ажлын хүрээнд эцэг, эхчүүд орж ирж байгаа
нь сайн хэрэг. Тэр ээж хүүхдээ нээж, бас соёл, хүмүүжилд нь анхаарч эхэлж
байна. Төвийн бүсийн \”Super Fashion-2018\” тэмцээнд бэлтгэсэн шавь Хатан-Эрдэнэ Мисс модел болсон.

Зарим хүн надад уурладаг юм.

-Юу гэж?

-Мягмараа, дандаа яахаараа танай
Сэлэнгээс, танай 2-р сургуулиас мисс, топ модель охид төрдөг юм бэ. Чи хувиа
хичээгээд байлгүй Сэлэнгэ даяар хүүхдүүдийг хүмүүжүүлж, хөгжүүлж, соёлжуул
гэдэг юм. Би 2 дугаар сургуулийн нийгмийн ажилтан юм чинь цалин авдаг ажлаа л чанартай
хийж байгаа нь энэ л дээ. Өөр сургуулийн захирал, багш нар надад уурлаж эхэлж
байна. \”Бяцхан мисс” шалгаруулдаг төвийнхөнд хүртэл намайг ховлосон байна лээ.
Яагаад заавал энэ Мягмар гэж хүний бэлтэгсэн хүүхдүүд амжилт гаргаад байгаа юм
гэж. Би ажлаа сайн хийж байгаа нь олон хүний дургүйцлийг хүргээд байх шиг.
Заримдаа иймэрхүү үед урам хугарах юм.  Заримдаа
ч сайхан үе бий. Сая намайг Монголд ирэнгүүт Сэлэнгээс сонгогдсон гишүүн
Н.Оюундарь баяр хүргээд \”Нийгмийн хамгааллын салбарын тэргүүний ажилтан” цол,
тэмдгээр шагналаа. Би таван жилийн өмөн энэ салбарын жуух бичгийг авч байсан
түүхтэй. Ингээд л жижигхэн юманд баярлаад явчихдаг юм. Хүн урмаар амьдардаг
болохоор намайг дэмжиж, үргэлж урамшуулж байдаг хүмүүсийн сайхан үг ч гэсэн
надад шагнал мэт сайхан урам болдог.

Бас хамтарч ажилладаг \” Бяцхан мисс \” ОУХБ-ын тэргүүн Тунгалаг болон хамт олонд нь баярлаж явдаг юм. Мөн \” Мисс Монголиа\” аялал, жуулчлалын холбооны тэргүүн Гантогоо, \” Азийн модел\” агентлагын тэргүүн Ч.Содтуяа нарт талархаж явдаг шүү.

-Олон нийтийн арга хэмжээнд оролцсоноороо хүүхэд нээлттэй болох зам нь тавигдлаа
гэсэн үг үү?

-Үнэхээр тэгдэг. Зөв хүн болх эхлэл нь тавигддаг.
Олон хүний өмнө гарч биеэ зөв, сайхан авч явахыг суралцдаг. Ингэж хөгжсөн
хүүхэд хэзээ ч хүчирхийлэлд өртөхгүй. 
Хэзээ ч асуудалд ордоггүй. Гэртээ юу тохиолдсоноо ирээд багштайгаа
ярилцаж, бид найз нөхдийн хэмжээнд инээлдэж, уурлаж, бухимдаж байж бие биенээ
ойлголцдог. Багш хүн яг л тэдэн шигээ сэтгэж, тэдний хэл яриагаар ярьж, хамт
хооллож, хамт өлсөж, хамтдаа даарч байж найз шиг итгэлт анд нь болдог. Тиймээс
шавь нар маань бидэнд үнэн сэтгэлээ нээдэг. Тулгарсан асуудлаа эцэг, эхдээ
хэлэхгүй. Гэсэн хэрнээ бидэнд асуудлаа үнэнээр нь хэлдэг. Энэ чинь л нийгмийн
ажилтны хийх ёстой ажил байхгүй юу. Хүүхдүүдээ та нар гаднаа хэчнээн гоё
байгаад дотроосоо гэрэлтэхгүй бол хэрэггүй л гэдэг, би. Хүүхдүүдийнхээ
сэтгэлийг би элдэв дарамт, эвгүй дурсамж, нууцгүй байлгах гэж хичээдэг.
Нээлттэй хүүхэд хэзээ ч асуудалд ороод байдаггүй. Би өөрөө өсвөр насны ганц
хүүтэй. Одоо Хууль сахиулахын их сургуулийн сонсогч болсон. Бид хоёр яг найзууд
шиг байдаг. Би хүүдээ хүсч байгаа сайн сайхан зүйл, гэрэлт ирээдүйг бусдын
хүүхдүүдэд ч гэсэн зааж, нээж өгмөөр байна. 

-Таны бэлтэгсэн хүүхдүүд яаж яваад гадаадад тэмцээнд оролцоод түрүүлээд
байна вэ?

-Хөдөлмөрч хүнийг бурхан ивээдэг гэдэг
биз дээ. Олон Улсын Хүүхдийн Форумаас Гүрж улсын Батуми хотноо зохион
байгуулсан \”BEST PRINCESS OF THE WORLD-2017” Дэлхийн бяцхан миссийн тэмцээнд
Монгол Улсаа төлөөлөн оролцсон Сэлэнгэ аймгийн \”Тэргүүн Мисс” Жаргалсайханы
Сувд алтан титмийн эзэн болсон маань миний хийж байгаа ажлын үр дүн  юм. Бэлтгэл, сургуулилт хүнд хэзээ ч
илүүддэггүй. \”Бяцхан мисс \” ОУХБ-аас Орхон аймагт зохион байгуулсан Бяцхан
мисс тэмцээнд 2 дугаар сургуулиасаа Ж.Сувд, Хосзул, Б.Анхсувд нар 2-р ангийн
охид, 4-р цэцэрлэгийн А.Хулан нарыг бэлтгэн оролцуулсан. Гурван  охин маань шагналт байранд, Ж.Сувд
\”Авьяаслаг\” миссээр шалгарч байлаа. Сувдыг хараад та энэ хүүхдээ
Монгол Улсыг төлөөлөн Дэлхийн Бяцхан мисс шалгаруулах тэмцээнд оролцуулаач
гэхэд мэдээж би баярлана ш дээ. Ганхулан маань манай сургуулийн бяцхан миссийн
тэмцээнд түрүүлээд бэлтгэгдчихсэн байсан. Азийн хүүхдийн топ моделийн тэмцээн
болох гэж байна та бэлтэгсэн хүүхдээ аваад явах уу гэж надад санал тавьдаг.
Миний хийж байгаа ажлыг мэргэжлийн байгууллагууд хараандаа авч үнэлж, боломж
олгож байхад би татгалзахгүй. Яаж ийгээд л тэр тэмцээнд нь явна даа.   

-Гадагшаа тэмцээн,
уралдаанд явахад зардлыг нь хэн хариуцдаг юм бэ?