Иргэдэд ээлтэй олон төсөл, хөтөлбөрийг бага зардлаар хэрэгжүүлнэ

Нийслэлийн ИТХ-ын XII чуулган

Нийслэлийн ИТХ-ын дарга С.Амарсайхан өнөөдөр ИТХ-ын 12
дугаар хуралдааныг нээж занграгтай үг хэлсэн юм. Тэрээр, \”Нутгийн
удирдлагын  болон төрийн захиргааны
байгууллагуудын ажиллах хүчийг улам нэмэгдүүлж, гүйцэтгэлийн чадамж, сахилга
хариуцлагыг дээшлүүлсэнээр богино цаг хугацаанд харьцангуй  бага хөрөнгөөр зорилго, зорилтондоо бид хүрч
ажиллах боломж байна. 2018  оны Үндсэн
чиглэлийн төсөлд 410 ажил арга хэмжээг хийж, хэрэгжүүлэхээр тусгажээ. Төлөвлөж
буй ажлыг хэрэгжүүлэх гадаад дотоод санхүүгийн эх үүсвэр боловсон хүчний нөөц
бидэнд багагүй бий. Тиймээс цааишд бид ажилтан алба тушаалтан нэг бүрээс ажлын
хариуцлага биелэлт, эцсийн үр дүнг шаардаж, Төрийн албаны бүтэц, ажиллах хүчийг
хүнд суртлын бааз биш төр түмний хэргийг шийдвэрлэх гарц, ажлын гүйцэтгэлийн
чадавхи болгоход анхаарч шат, шатанд хяналт тавьж ажиллана. Бид ирэх жилд хотын
санхүүгийн чадавхыг бэхжүүлэх нийслэлийн төсвийн зарцуулалтыг оновчтой болгох
замаар оршин суугчдад ээлтэй олон төсөл, хөтөлбөрийг харьцангуй бага зардлаар
хэрэгжүүлэхийг гол чиг шугамаа болгон ажиллах ёстой.

2018 оны Үндсэн чиглэлтэй холбогдуулан дараах  дөрвөн саналыг онцлоё

Нэгдүгээрт,  Монгол
Улсын нийслэлийн үүргийг гүйцэтгэж буй Улаанбаатар хотын тогтвортой хөгжлийн
амин хучал асуудал нь эрх зүйн орчны шинэчлэл. Үүнийг УИХ, Засгийн газар
анхааралдаа авч Үнлсэн хуульд оруулах 
нэмэлт өөрчлөлтийн төсөлд хотын асуудлыг 
тусган бүх нийтээр хэлэлцэж байгааг та бид сайн мэднэ. Үүний зэрэгцээ
Нийслэлийн эрх зүйн байдлын тухай хуулийг ч УИХ-аар тун удахгүй хэлэлцэн
шийдвэрлэнэ. Энэ чухал асуудалд нийслэлчүүд бид туйлын санаачилгатай,
хариуцлагатай хандах учиртай.

Нийслэлийн эрх зүйн чадамж хэрхэн тодорхойлогдож, яаж
хэрэгжихэээс иргэдийн амьдрал, хот тосгоны тогтвортой хөгжил, цаашлаад бусад
аймаг, орон нутаг төдийгүй эх орны ирээдүйн хөгжил бүхэлдээ хамаарна.

-Хотын үндсэн хууль хэмээн өргөмжлөгддөг \”хотын ерөнхий
төлөвлөгөөний концепцыг боловсруулж, ерөнхий төлөвлөгөө боловсруулах бэлтгэлд
ажлыг хангах”-аар үндсэн чиглэлд тусгасан байна. Энэ ажилд 450 сая төгрөг
зарцуулна. Бидний одоо мөрдөж буй ерөнхий төлөвлөгөө 2020 оноор дуусгавар болж
2021 оны эхнээс шинэ ерөнхий төлөвлөгөөг хэрэгжүүлж эхлэх ёстой. Хотын дунд,
урт хугацааны хөгжлийн ерөнхий төлөвлөгөөг боловсруулах нь бидний хэнтэй ч
хуваалцах учиргүй, алдах эрхгүй үүрэг билээ. Бэлтгэлээ хангах ажил нэг жил
шаардах юм бол боловсруулах хэлэлцүүлэх батлуулах нөр их ажилд хоёрхон жил
хүрэлцэхгүй. Иймд  Улаанбаатар хотын
Ерөнхий архитектор энэ талаарх тайлбар дүгнэлтээ хийж байр сууриа илэрхийлэх нь
зүйтэй байна.

Нийслэлчүүд бидний өмнө тулгамдаад буй хүндрэлтэй
асуудлуудыг шийдвэрлэх гол эх үүсвэр болсон төсвийг оновчтой төлөвлөх хотын
хөгжлийг урьдчилан харсан бодлого, стратеги боловсруулж хэрэгжүүлэхэд нэн
шаардлагатай байгууллага дундын бүртгэл мэдээллийн бааз суурь дээр тулгуурласан
төрийн нэгдмэл бодлого шийдэл үр дүн агаар мэт чухал байна.

Монгол Улсад Бүртгэл мэдээллийн
нэгдсэн тогтолцоог байгуулах тухай үндэсний 
хөтөлбөрийг Засгийн газрын тогтоолоор баталснаар нийслэлийн түвшинд
энэ  чиглэлээр тодорхой ахиц гарч байгаа.
Гэхдээ бодит амьдралд нийслэийн харьяа байгууллагуудын удирдлагууд ил тод
байдлыг бий болгох асуудалд хэт хойрго байгаа. Үүнээс мэдээллийн сангууд нь
харилцан холбогдоогүй хоорондоо хөрвөж боломжгүйгээс шийдвэр гаргах үйл явц
удааширдаг.  Үүнээс үүдэн төсвийн хөрөнгө
оруулалт оновчтой бус төлөвлөгдөж, төрийн ажил үйлчилгээ,  төсөл хөтөлбөрүүд  хэрэгцээтэй газраа хүртээмжтгүй, төр иргэн
хоорондын харилцаа холдож, хүнд суртал нэмэгдэж нарийн зохион байгуулалттай авлига,
хээл хахууль үржиж хөгжих, нөхцлийг бүрдүүлсээр байна.  Иймд хариуцлагаа чанд ухармсарлаж , төрийн
залгаж чанар ой санамжийг цаг ямагт бэхжүүлэн ажиллаж, нийслэлийн бүх шатны үйл
ажилалгааг иргэд олон нийтэд ил  тод
нээлттэй болгоход онцгой анхаарал хандуулан, үг үйлдэлээ нэгтгэж ажиллах
нийгмийг захиалгыг биелүүлэх ёстой.

Нийслэлий эдийн засаг нийгмийг 2018 онд хөгжүүлэх үндсэн
чиглэлийн  зорилтыг илүү оновчтой бөгөөд
тодорхой болгох, нийгмийн захиалга болсон олон арван асуудлыг цаг алдалгүй шийдвэрлэхэд
чиглэсэн дараах асуудлуудыг ирэх оны зорилтод тусган, яаралтай хэрэгжүүлэж
эхлэх шаардлагатай байна. Үүнд

1.     
Хот 
байгуулалт  дэд бүтцийн норм
стандартаас эхлээд нийгмийн эрүүл мэнд, боловсрол нийтийн үйлчилгээ, хүнсний
хэрэглээ, цаашлаад амьдрах орчин, гудамж талбай, иргэд оршин суугчдын аюулгүй
байдал зэргийг хангахтай холбоотой хотын хөгжлийн цогц стандартыг шинээр
боловсруулж бүх салбарт нэвтрүүлэх ажлыг нийслэлд эхлүүлэх

2.     
Нийслэлийн ногоон хөгжлийн тусгай санг
байгуулж, олон улсын байгууллагуудтай хамтран ажиллах замаар хотын агаар
хөрсний бохирдлыг бууруулахад нэн шаардлагатай хөрөнгө санхүүгийн эх үүсвэрийг
бүрдүүлэх

3.     
Утаа, агаарын бохирдлын эх үүсвэр болсон
зуух янданг хязгаарлаж, шинээр  нэмэхгүй
байх журмыг судлан боловсруулж хэрэгжүүлж нийслэл дүүрэг хороодын хэсгийн
ахлагчдын агаарын чанарыг хангах, байгаль орчны байцаагчийн давхар  үүрэг гүйцэтгэх асуудлыг шийдвэрлэх, утааны
эх үүсвэрийн багагүй хувийг эзлэж буй бүх төрлийн нам даралтын зуухнуудыг 2018
онд багтаан төвийн шугамд холбох эсвэл бүрэн цахилгаан болгож ажлыг зохион
байгуулж, шаардаж хэрэгжүүлж, хяналт тавих

4.     
Байгаль орчинд их хохирол учруулдаг,
агаар хөрсний бохирдол болон нарийн тоосжилт их үүсгэдэг, иргэдийн эрүүл мэндэд
нэн хортой тоосго төмрийн үйлдвэрүүдийг нийслэлийн нутаг дэсвгэр, суурьшлийн
бүсээс нүүлгэн шилжүүлэх

 

5.     
Төрийн ажлыг түргэн шуурхай зохион
байгуулах, төсвийг ур ашигтай зарцуулах, хүнд суртал авлига хээл, хахуулийг
таслан зогсоох ажлын хүрээнд Нийслэлийн хэмжээнд хүнд суртал авлига  хээл хахуулийг таслан зогсоох ажлын хүрээнд нийслэлийн
хэмжээнд хэрэгжих бүх төсөл хөтөлбөрийн тендер худалдан авах үйл ажиллагааг
иргэдийн оролцоотойгоор  хэвлэл, мэдээллийн
хэрэгслээр шууд нээлттэй дамжуулан олон нийтийн эрх ашиг их хотын ирээдүйн
хөгжлийн зорилт, иргэн бүрийн эрүүл, аюулгүй орчинд ажиллах амьдрах хүсэл  зорилгод бүрэн нийцнэ. Санал болгож буй
эдгээр ажлууд, дурьдсан зүйлүүдийг үзэл баримтлал гарц, шийдэл эерэг сөрөг үр
дагавар хүрэх үр дүнгийн харьцуулалт судалгааг боловсруулан иргэд олон нийтийн
дунд хэлэлцүүлэг зохион байгуулж, НИТХ-аар энэ ондоо багтаан хэлэлуүүлэн
шйдвэрлүүлэх нь зүйтэй гэж үзэж байна” хэмээн хэллээ.

 

Нийслэлийн иргэдийн Төлөөлөгчдийн Хурлын ээлжит 12 дугаар хуралдаанд 27 төлөөлөгч буюу 57.8 хувийн ирцтэй эхэллээ.

Өнөөдрийн хуралдаанаар \”Нийслэлийн эдийн засаг, нийгмийг 2017 онд хөгжүүлэх үндсэн чиглэлийн хэрэгжилтийн явцыг сонсох, нийслэлийн эдийн засаг, нийгмийг 2018 онд хөгжүүлэх үндсэн чиглэл батлах тухай”, \”Агаар, орчны бохирдлыг бууруулах чиглэлээр 5-9 дүгээр сард хэрэгжүүлсэн үйл ажиллагааны тусгай төлөвлөгөөний биелэлт”, \”Нийслэлийн иргэдийн Төлөөлөгчдийн Хурлын дотоод зохион байгуулалтын тухай” гэсэн гурван асуудлыг хэлэлцэх юм.

НИТХ дахь АН-ын бүлгээс \”Нийслэлийн иргэдийн Төлөөлөгчдийн Хурлын дотоод зохион байгуулалтын тухай” буюу гуравдугаар асуудлыг хамгийн эхэнд хэлэлцүүлэх горимын санал гаргасан нь олонхийн саналаар дэмжигдсэнээр хэлэлцэх асуудалд өөрчлөлт орлоо. Үүнтэй холбогдуулан НИТХ дахь МАН-ын бүлгээс завсарлага авлаа