2017 оны СПОРТЫНХНЫ онцлох үйл явдал

$\"\"$

Улиран
одож буй 2017 он спортынхны хувьд түүхэнд анхдагч болж үлдэх олон, олон амжилт,
ялалтаар дүүрэн байлаа. Засгийн газрын хэрэгжүүлэгч агентлаг, Биеийн тамир
спортын газар 19 спортын төрөлд шигшээ багийг тогтмол барьж байгаа бөгөөд энэ
жил шигшээ багийн тамирчид зөвхөн насанд хүрэгчдийн ДАШТ-ээс дөрвөн алт, хоёр
мөнгө, долоон хүрэл нийт 14 медаль хүртжээ. Мөн Залуучуудын ДАШТ-ээс хоёр алт, таван мөнгөн медаль хүртсэн бол
Дэлхийн цомын аварга шалгаруулах тэмцээнээс гурван алт, нэг мөнгө, нэг хүрэл
медаль хүртсэн байна. Мөн Оюутны Универисад наадмаас нэг алт, нэг хүрэл медаль
хүртэж, Азийн танхимын наадмаас нэг алт, нэг хүрэл медаль, Азийн АШТ-ээс найман
алт, 10 мөнгө, 14 хүрэл медаль авчээ.

Түүнчлэн
\’Их дуулга\’-аас алт, мөнгө, хүрэл медалийг тус бүр дөрвийг хүртэж, гранпригаас
зургаан алт, таван мөнгө, 11 хүрэл медаль хүртэж, 2017 оныг үдэж байна. Энэ
удаад бид 2017 онд спортныхны 10 онцлох үйл явдлыг нэрлэж байна.

Д.Сумъяа Дэлхийн аварга боллоо

$\"\"$

\”Рио-2016” олимпийн наадмын мөнгө, дэлхийн аваргын хүрэл
медальт, Монгол Улсын гавьяат тамирчин Д.Сумъяа 2017 оны Дэлхийн аваргын болсон. Унгарын Будапешт хотноо жүдо бөхийн насанд хүрэгчдийн ДАШТ-ий
эмэгтэйчүүдийн 57 кг-д Д.Сумъяа учраа болгоноо илүүрхэн ялж, улмаар дэлхийн
аваргын алтан медалийн төлөө Японы жүдоч Цүкаса Ёшидатай хүч үзэж, нэмэлт цагт
вазари үнэлгээгээр буулган авч чадав.

Аваргын алтан медалийн төлөөх энэ барилдаан 12 минут 56
секунд үргэлжилсэн юм. Д.Сумъяа дэлхийн аваргын татамид 57 кг-д А хэсгийг
тэргүүлэн барилдаж, эхний тойрогт хийлж, дараагийн тойрогт Европын аварга,
багийн дэлхийн аварга, Лондонгийн олимпийн хүрэл медальт, Францын жүдоч
Присцилла Ньетог, хоёрдугаар тойрогтоо Хонконгийн тамирчин Льюн По Сумыг цэвэр
ялснаар шөвгийн наймд шалгарсан.

Харин хэсгийн аваргын төлөө БНСУ-ын жүдоч Квон Юү-жёныг вазари
үнэлгээгээр, хагас шигшээд Панамын жүдоч Мирьям Роперыг цаг дуусахаас 2 минут
38 секунд дутуу байхад цэвэр ялсан. Гавьяат тамирчин Д.Сумъяагийн хувьд Монгол
Улсаас төрсөн дөрөв дэх дэлхийн аварга, хоёр дахь эмэгтэй аваргаар тодорсон
бөгөөд ДАШТ-ээс хос медаль хүртсэн дөрөв дэх Монгол жүдоч боллоо.

П.Орхон чөлөөт бөхийн
Дэлхийн аварга боллоо

$\"\"$

Парис хотноо
чөлөөт бөхийн ДАШТ-ий эмэгтэйчүүдийн 63 кг-д хүч үзсэн \”Алдар” спорт хороо,
\”Аваргууд\” академийн тамирчин,ОУХМ Пүрэвдоржийн Орхон дэлхийн аваргын
төлөөх шигшээ барилдаанд ДАШТ-ий алт, хүрэл медальт Украины бөх Юлья
ТкачОстаркыг 6:3 ялж Дэлхийн аваргын алтан медалийн хүртсэн. Эмэгтэй
чөлөөт бөхийн хамгийн өрсөлдөөнтэй жинд Дэлхийн аварга хэмээх цолыг хүртсэн
ОУХМ П.Орхон Монголын чөлөөт бөхийн тамирчдаас ДАШТ-ий 56 дахь медалийн эзэн
болсон бол манай эмэгтэй бөхчүүдийн 23 дахь, харин Дэлхийн аваргын долоо
дахь алтан медалийн эзнээр тодорсон юм.

Олимпийн
аварга н.түвшинбаяр \”Чингис Хаан” одон хүртсэн анхны тамирчин болов

$\"\"$

Монгол Улсын төрийн дээд шагнал-тэргүүн зэргийн одон \”Чингис
хаан” одонг хүртэх эрхмээр Олимпийн наадмын алт, мөнгөн медальт Найдангийн Түвшинбаяр
тодорсон. Монгол Улсын анхны Олимпийн наадмын алтан медалийг 2008 оны Бээжингийн зуны
Олимпоос хүртсэн.
Мөн амжилтаа бататган 2012 онд Лондонгийн Олимпийн
наадмаас мөнгөн медаль хүртэж, их наадмын хос медальтан болсон юм.

Монгол түмний бахархал болсон тэрбээр 1984 оны 6 дугаар сарын 1-нд Булган
аймгийн Сайхан суманд малчин Т.Найдан, Д.Цэнд-Аюуш нарын долоон дахь хүүхэд
болон мэндэлжээ. 2002 онд өсвөрийн үндэсний бөхийн УАШТ-д түрүүлж, 2003 онд
идэрчүүдийн УАШТ-ээс хүрэл медаль хүртэн, Булган аймгийн наадамд түрүүлж аймгийн
арслан цолтой залуу хүчтэн болсон.

Булган аймгийн 10 жилийн II дунд сургуулийг төгсөөд Улаанбаатарт ирж,
\”Аварга\” биеийн тамирын дээд сургуульд элсэн жүдогоор хичээллэж
эхэлжээ. Монгол хөвгүүдийн жишгээр үндэсний бөхөөр барилдаж өссөн Н.Түвшинбаяр нутагтаа
н.Эрдэнэ-Очир багшийн удирдлага дор барилдаж байсан бол нийслэлд ирээд
Х.Болдбаатар, Ч.Насантогтох нарын шавь болж, 2006 оноос улсын шигшээ багийн
бүрэлдэхүүнд багтан, олон улсын тэмцээнд 100 кг-ийн жинд барилдаж эхэлсэн.

2007 онд Эль-Кувейтын ААШТ-ээс мөнгө, 2008 онд Чэжүд болсон ААШТ-ээс хүрэл
медаль хүртэн, мөн оны намар Бээжингийн зуны Олимпийн наадaмд таван учраагаа
ялж, Монголын түүхэнд анхны алтан медалийг авчирсан билээ. Хамгийн сүүлд буюу
энэ онд \”Будапешт-2017” жүдо бөхийн насанд хүрэгчдийн ДАШТ -ний +100 кг
жинд барилдаж хүрэл медалийн эзэн болсон юм.

Г.Одбаяр гавьяат тамирчин боллоо

$\"\"$

Олимпийн
төрлийн спорт болох Жудо
бөхийн спортоор гарамгай амжилт гаргаж, эх орныхоо нэрийг тив, дэлхийд дуурсган
Олон Улсын Жудо бөхийн холбооны дэлхийн чансаанд 3 дугаарт эрэмбэлэгдэн, 2017
оны жудо бөхийн насанд хүрэгчдийн ДАШТ-ний хүрэл медаль, жудо бөхийн дэлхийн
цомын алт, мөнгө, хүрэл медаль, Олон Улсын Жудо бөхийн холбооны Их дуулга Гран
при тэмцээний алт, мөнгө, хүрэл медаль, 2014 оны Азийн наадмын мөнгөн медаль,
жудо бөхийн Ази тивийн аварга шалгаруулах тэмцээний мөнгө, хүрэл медаль, 2015
оны жудо бөхийн багийн ДАШТ-ний хүрэл медаль хүртсэн Үндэсний шигшээ багийн
тамирчин Ганбаатарын Одбаярт Монгол Улсын гавьяат тамирчин цол хүртээлээ.

Д.Сумъяа
Монгол Улсын Хөдөлмөрийн баатар боллоо

$\"\"$

Монгол Улсын Ерөнхийлөгч
Х.Баттулга зарлигаар Үндэсний шигшээ багийн тамирчинДоржсүрэнгийн
Сумъяад Монгол Улсын Хөдөлмөрийн баатар болсон.Олимпийн төрлийн спорт болох жудо бөхийн спортоор гарамгай
амжилт гаргаж, монгол хүний эрдэм ухаан, тэвчээр хатуужлын гайхамшгийг үзүүлэн
эх орныхоо нэрийг дэлхий дахинаа дуурсгаж эх оронч үзлийг залуу үед үлгэрлэсэн
гавьяа зүтгэлийг нь өндрөөр үнэлж, жудо бөхийн төрлөөр 2016 онд Холбооны Бүгд
Найрамдах Бразил Улсын Рио де-Жанейро хотод болсон Зуны олимпийн ХХХI наадмын
мөнгө, 2017 онд Унгар Улсын Будапешт хотод болсон ДАШТ-ний алт, 2015 онд Бүгд
Найрамдах Казахстан Улсын Астана хотод болсон ДАШТ-ний хүрэл, 2014 оны ОХУ-ын
Челябинск хотод болсон багийн ДАШТ-ний мөнгө, 2015 оны БНСУ-ын Гванжу хотод
болсон Дэлхийн Оюутны их наадмын алт, 2016 онд Бүгд Найрамдах Узбекстан Улсын
Ташкент хотод болсон Ази тивийн аварга шалгаруулах тэмцээний алтан медальт,
Самбо бөхийн 2012, 2013, 2014 оны ДАШТ-ний 3 удаагийн аварга, Үндэсний шигшээ
багийн тамирчин Доржсүрэнгийн Сумъяад Монгол Улсын Хөдөлмөрийн баатар цол
хүртээж, Хөдөлмөрийн баатрын \”Алтан соёмбо” тэмдэг, Сүхбаатрын одонгоор
шагнасугай” гэсэн байна.

М.Анхцэцэг оюутны Дэлхийн аварга боллоо

$\"\"$

Залуучуудын Ази тивийн аварга шалгаруулах
тэмцээнээс алтан медаль хүртсэн хүндийг өргөлтийн залуу тамирчин М.Анхцэцэг
оюутны Дэлхийн аварга шалгаруулах тэмцээнээс алтан медаль хүртсэн.

Тэмцээний эмэгтэйчүүдийн -75 кг-ын жинд өрсөлдсөн М.Анхцэцэг нийлбэр дүнгээр
235 кг-ыг /огцомоор 105 кг, түлхэлтээр 130 кг/ өргөжээ. М.Анхцэцэгийн хувьд анх удаа оюутны Дэлхийн
аваргад өрсөлдсөн. Тэрбээр хүндийн өргөлтийн төрөлд дээрх
тэмцээнээс медаль хүртсэн анхны тамирчин юм.

Г.Угалзцэцэг дэлхийн гурван удаагийн
аварга боллоо

$\"\"$

Сонирхогчдын бодибилдинг фитнесийн дэлхийн аварга шалгаруулах тэмцээнд дэлхийн хошой
аварга Г.Угалзцэцэг дахин тэргүүн байр эзэлж,гурав дахь удаагааДэлхийнаваргын алтан медаль хүртсэн.
Энэ удаагийн ДАШТ-д40 орны 400 гаруй тамирчин, 100 гаруй албан төлөөлөгч,
шүүгч, зохион байгуулах баг бүрэлдэхүүнтэйоролцжээ. Тамирчид залуучууд, насанд хүрэгчид, ахмадгэсэн гурваннасны 42 ангиллаар өрсөлдөж, аваргуудаа шалгаруулсан байна.

Монголын тамирчид ой тогтоолтын дэлхийн аварга боллоо

$\"\"$

Индонези улсын
нийслэл Жакарта хотод Ой тогтоолтын дэлхийн аварга шалгаруулах оюуны спортын
тэмцээнд манай тамирчид 21 алт, 21 мөнгө, 15 хүрэл медаль буюу тэмцээний нийт
90 медалиас 57 медаль хүртэн багийн дүнгээр 22531 оноо цуглуулан үнэмлэхүй ялалт байгуулж, ой тогтоолтын дэлхийн аварга болсон юм.

Өндөр чансаатай 21 орны 130 гаруй тамирчин
харааны болон сонсголыг сорьсон ой тогтоолтын 10 төрлөөр бага, өсвөр, насанд
хүрэгчдийн ангилалд өрсөлдсөн юм.Насанд хүрэгчдийн ангилалд \”Олон багц
хөзөр\” төрөлд ОУ-ын Их мастер Н.Мөнхшүр, \”Нэр-зүс царай\” болон
\”Зураг” төрөлд ОУ-ын Их Мастер В.Янжаа, өсвөр насанд \”Түүхэн үйл
явдал\”, \”Хурдны хөзөр\”, \”Хоёртын тоолол” болон \”Олон багц хөзөр ”
төрлүүдэд ОУ-ын Мастер Э.Лхагвадулам нар дэлхийн 7 дээд амжилтыг шинэчлэн
тогтоов. Олон улсын Их мастерын болзлыг Б.Намуун, С.Марал, Н.Намуундарь
Д.Сайханбилэг, Б.Ариунбилэг, М.Уянга нар хангаж цол хүртсэн бол Н.Мөнхшүр,
Н.Энхшүр, В.Янжаа нар ОУ-ын Их мастерын зэргээ ахиулжээ.

Тэмцээний нийлбэр дүнгээр АНУ-ын тамирчин,
Дэлхийн чансааны нэг, ОУ-ын Их мастер, Америкийн тамирчин Alex Mullen 9055
оноогоор Дэлхийн аварга болж дэд байранд ОУ-ын Их мастер Н.Мөнхшүр 7880 оноо,
гутгаар байранд ОУ-ын Их мастер В.Янжаа 7425 оноогоор тус тус шалгарлаа.

Өсвөр насанд нийлбэр дүнгээр ОУ-ын Их мастер
Э.Лхагвадулам 6959 оноогоор тэргүүлсэн бол дэд байранд ОУ-ын Их мастер М.Уянга
5552 оноо, гутгаар байранд ОУ-ын Их мастер Б.Намуун 5302 оноогоор удаах байрыг
эзлэв.

Бага насанд нийлбэр дүнгээр ОУ-ын Их мастер
Б.Ариунбилэг 4176 оноогоор Дэлхийн аварга болсон бол дэд байранд Ш.Наранбат
3846 оноо, гутгаар байранд Т.Үжин 3327 оноогоор удаах байрт шалгарсан.Мөн ОУ-ын Их мастер, Өсвөрийн Дэлхийн аварга,
Азийн аварга Н.Мөнхшүр \”Азийн хамгийн шилдэг тамирчин-2017\” цомын
эзэн болсон
юм.

Ц.Содномдорж төрийн наадамд ес даван
түрүүлж, Улсын арслан цол хүртлээ

$\"\"$

Тулгар төр байгуулагдсаны 2226
жил, Их Монгол Улсын 811 жил, Ардын хувьсгалын 96 жилийн баяр наадам өргөн дэлгэр
сайхан болж өндөрлөсөн.Төрийн
наадмын бөхийн барилдааны есийн даваанд \”Увс нуур” дэвжээний бөх, улсын харцага
Ө.Бат-Орших, Хөвсгөл аймгийн Тосонцэнгэл сумын харьяат Цэдэвийн Содномдорж нар
шалгарч үлдсэн юм. Хоёр бөх төрийн наадмын үзүүр түрүү булаалдахаар баруун,
зүүн талын 32 засуулыг ханаруулсаар төв цэнгэлдэхийн зүлэг ногоон дэвжээнээ
гарч ирж барилдлаа. Ингээд есийн даваанд Ц.Содномдорж давж, Монголын төрийн
наадамд түрүүлэн улсын арслан цол хүртлээ. Харин үзүүрлэсэн Ө.Бат-Орших улсын
гарьд цол хүртсэн юм.

Н.Алтанцэцэг

$\"\"$