Цахим засгийг хөгжүүлэх ажлыг эрчимжүүлэхийг үүрэгдлээ

Төрийн үйл ажиллагааг иргэн төвтэй болгож,
төрийн үйлчилгээг цахим хэлбэрт шилжүүлэн хэрэглээнд нэвтрүүлэх ажлаа
эрчимжүүлэхийг Мэдээлэл, харилцаа холбооны бодлогын зөвлөлийн дарга, Монгол
Улсын сайд, Засгийн газрын Хэрэг эрхлэх газрын дарга Г.Занданшатар зөвлөлийн
гишүүдэд үүрэг болголоо.

Бодлогын
зөвлөлийн хуралдаан өнөөдөр болж төрийн цахим мэдээлэл солилцооны \”Хур” систем
ашиглах, тоон гарын үсгийн хэрэглээг нэмэгдүүлэх зэрэг асуудлыг хэлэлцэв.

Өнөөдрийн байдлаар Үндэсний дата төв, сумдын
шилэн кабелийн сүлжээ, иргэний цахим үнэмлэх, 11 11 төв, нийтийн түлхүүрийн дэд
бүтэц, ТҮЦ машин, төрийн мэдээлэл солилцооны \”Хур” систем бий болсон. Үүний
дүнд мэдээлэл, харилцаа холбооны технологи ашиглан төрийн бүх үйлчилгээг иргэдэд
цахим, нэг цонхны хэлбэрээр үзүүлэх суурь бүрдээд байна. ТҮЦ машиныг ашиглалтыг хариуцан ажиллаж буй
Засгийн Газрын Тохируулагч Агентлаг Харилцаа холбоо, мэдээллийн технологийн
газрын харьяа Үндэсний Дата Төвийнхөн \”Хур” мэдээлэл солилцооны системийг нэвтрүүлснээр цахим засаглал бүрэн утгаараа
хэрэгжих том алхам хийгдэж байна. Өөрөөр хэлбэл төрийн бүх байгууллагууд \”Хур”
системд нэгдэж, мэдээллээ солилцох боломжийг бүрдүүлснээр иргэд ТҮЦ машинаар
дамжуулан лавлагаа үйлчилгээ аваад зогсохгүй бүх төрлийн төрийн үйлчилгээ,
мэдээллийг цахим хэлбэрээр авах боломж нээгдэж буй юм.
Цаашилбал хувийн компаниуд ч энэ системд нэгдэж болох ажээ.

\”Хур” систем
бүрэн хэмжээгээр ашиглалтанд орсноор бид аль нэг байгууллагын үүд манаж
дугаарлах шаардлагагүй, хэн нэгэн эрх мэдэлтний үүдийг тогших шаардлагагүй
болно. \”Хур” мэдээлэл солилцооны
систем нь байгууллага хооронд мэдээллийг цахим хэлбэрээр солилцох боломжийг
бүрдүүлж, иргэд төрийн болон хувийн хэвшлийн байгууллагуудаар үйлчлүүлэхэд
шаардагддаг олон төрлийн тодорхойлолт, лавлагаа зэрэг бичиг баримт
шаардахгүйгээр зөвхөн иргэний цахим үнэмлэх болон хурууны хээгээ уншуулан
үйлчилгээ авах боломжтой болж байна гэсэн үг. Энэхүү системийг
бий болгоход ашигласан технологиудад нээлттэй эхийн програм хангамжуудыг
ашигласан тул лицензийн өндөр төлбөрийг тогтмол төлөх шаардлагагүй бөгөөд тэр
хэмжээгээрээ улсын төсвийг хэмнэх аж.

Цахим
засгийг хөгжүүлснээр иргэд төрийн үйлчилгээг орон зай, цаг хугацаанаас үл
хамааран энгийн хялбар хэлбэрээр авах юм. Төрийн үйлчилгээний чанар, хүртээмж
дээшилж энэ хэрээр авилга, хүнд суртал багасан, ил тод байдал сайжрана гэж албаныхан үзэж байна.