УУХҮ-ийн сайд Д.Сумъяабазар “Ил тод, хариуцлагатай уул уурхай” хэвлэлийн бага хурал боллоо. Энэхүүү хурлын эхэнд УУХҮ-ийн сайд Д.Сумъяабазар салбарын статистик мэдээлэл танилцууллаа. Тэрбээр “2018 оны эхний хоёр сарын байдлаар Аж үйлдвэрийн салбарын бүтээгдэхүүн 2 их наяд төгрөгт хүрч, өмнөх оны мөн үеийнхээс 255 тэрбум төгрөгөөр нэмэгджээ.
Аж үйлдвэрийн салбарын бүтээгдэхүүн үйлдвэрлэлийн 78 хувийг уул уурхайн олборло салбар эзэлж байна. Өнөөдрийн байдлаар улсын хэмжээнд 44 хоногийн шатахууны нөөцтэй байна. Үүнээс А-80 83, АИ-92 25, дизелийн түлш 48 хоногийн нөөцтэй.
УИХ-ын чуулганы завсарлагаар Канад улсын Торонто хотноо PDAC 2018 дээд хэмжээний уулзалтад уул уурхайн салбарын төлөөлөгчид оролцлоо. Энэ үеэр олон улсын Уул уурхайн сайд нарын дээд хэмжээний уулзалтад оролцов. Энэ уулзалтад “Итгэлцэл” гэдэг сэдвээр гол асуудлуудаа ярилцлаа. Энэ уулзалтаар манай улсад хөрөнгө оруулагчдын тоо нэмэгдэж байгааг дуулгахад таатай байна.
3 дугаар сарын 22, 23-нд Монгол Улсын эрдэс баялаг, уул уурхайн салбарт хөрөнгө оруулагчдын чуулга уулзалтыг зохион байгуулах гэж байна. 28 улсын хөрөнгө оруулагчдад урилга явуулсан” гэв.
109 сая ам.долларын төлбөр төлнө
Хурлын үеэр дараах асуултад хариулт авлаа. УУХҮЯ-ны Бодлогын хэрэгжилтийг зохицуулах газрын дарга Б.Элбэгзаяа
-“Эрдэнэт үйлдвэр”-ийн үйл ажиллагаа ямар байгаа бол. Гадаад данс нь хаагдсан гэх мэдээлэл байгаа ?
-Эрдэнэт үйлвэрийн үйл ажиллагаа хэвийн явагдаж байна. Төлбөр барагдуулах талаар хэлцэл хийх шатандаа явагдаж байна. Хэлцлийг хоёр талаасаа хэлэлцэх ёстой. Төлбөр, хүү, хүүгийн алдагдал гэсэн асуудлууд бий.
-Мөнгөн дүнгийн асуудал хэд байгаа вэ?
-109 сая ам.долларын төлбөр төлнө. Нарийвчлан тооцвол хүүгийн алдалын асуудал байгаа.
-Шатахууны үнэ нэмэгдэхгүй гэсэн хэрнээ нэмэгдэж байгаа. Цаашид шатахууны үнэ яах вэ?
“Шатахууны үнийн зөвлөлөөс одоогийн байгаа үнээс шатахууны нэмэхгүй байх зөвлөмж өгсөн байгаа. Одоо шатахууны үнэ нэмэхгүй. Буурах ёстой”.
Д.Сумъяабазар: Гашуунсухайт боомтын үйл ажиллагаа хэвийн хэмжээнд явж байна
УУХҮ-ийн сайд Д.Сумъяабазар
–ШӨХТГ-аас Магнай трейд болон Сод монгол компаниудын тусгай зөвшөөрлийг цуцлах саналыг Уул уурхайн яаманд хүргүүлсэн гэж байсан. Харин танайхаас ийм санал орж ирээгүй гэдэг тайлбарыг өгч байсан. Салбарын яам нефть импортлогчид үнэ нэмсэн тохиолдол ямар нэгэн хариуцлага хүлээлгэж чадахгүй байна уу?
-Төрийн бодлого хувийн хэвшлээ дэмжиж, хоорондын уялдаа холбоог хангаж ажиллах ёстой. Түүнээс биш хоорондоо сөргөлдөөд хэн нэгнийгээ давах гээд байж болохгүй. Бид төрийн зүгээс бодлогоо чангалж, шаардлагаа өндөржүүлэх, хувийн хэвшил үнийг барьж ажиллах асуудлыг байнга хийж байгаа.
-Таван толгойн цахилгаан станцын асуудал ямар шатандаа явж байна вэ?
-Монгол Улс БНХАУ руу жилдээ 150 сая ам.долларын валют урсгаж байна. 10 жилийн хугацаанд бид хэдий хэмжээний валют урагш нь алдах вэ. Иймээс Оюу толгой цахилгаан станц ахиад барих үүрэгтэй болсон. Гэрээн дээрээ байж байгаа. Мөнгө нь жил жилийнхээ төсөв дээр суугаад явж байгаа.
Төр цаашид үүн дээр анхаарч Таван толгойн бүлэг орд дээр суурилсан цахилгаан станцыг барих ёстой. Бид аль аль талдаа эрсдэлээ бодоод хурдан барья гэвэл хамтарсан байдлаар шийдэж болно.
-Гашуунсухайт боомтын нөхцөл байдал ямар байгаа вэ?
-Гашуунсухайт боомтын үйл ажиллагаа хэвийн хэмжээнд явж байна. 5-9 км-ийн дараалалтай байна. БНХАУ-ын орон нутгийн удирдлага, худалдаа эрхэлж буй ААН-үүдтэй бид уулзаж байгаа.
Гашуунсухайтыг 24 цагийн боомт болгох, чөлөөт бүсийн хэмжээнд ажиллуулж, хил гаалийн нэвтрэх чадваруудыг сайжруулах бололцоотой гэж үзэж байна.
Машиныг 2,000-д хүргэх боломж бий гэдгийг БНХАУ-ын талаас мэдэгдсэн байгаа. Тиймээс төр засгийн айлчлалын хүрээнд хоёр улсын худалдааны бараа эргэлтийг сайжруулахын тулд энэ төслийг хэрэгжүүлэх шаардлагатай байгаа.
