Өршөөлөөр суллагдагсад \”өр өшиглөсөөр\” байна

\”Зорилго нь ойлгомжтой” өршөөлийн хууль
батлагдаж, түүний буянд ял эдэлж байсан 3000-аад хоригдол эрх чөлөөтэй болсон
билээ. Гэвч өршөөгдсөн хүмүүс гэмт хэрэг үйлдэх, бусдын эрх чөлөөнд халдах гэмт
хэрэг нэмэгдсээр байна. 

Нийгэм өршөөлийн хуулийг олон хоригдлууд
суллагдах нь хэмээн айдастай хүлээн авсан. Гэтэл тэднийг түлхэх биш татаж авах
ёстой гэж манай томчууд айлдаж байлаа. Уг нь нэг алдсан нэгнээ амьтны адаг
болгочих л үгүй татаж, сайн амьдралд хүргэх нь нийгмийн л үүрэг. Гэвч муу
газраас гарч ирээд муу зангаа орхидоггүй өр өшиглөдөг/Монгол хэлний тайлбар тольд энэ үгийг \”хүний чанаргүй зан гаргах\” хэмээн тайлбарлажээ/ хүмүүс цөөнгүй байгаа
бололтой юм.

Тухайлбал, он солигдох мөчид Сэлэнгэ аймагт
өршөөлөөр суллагдсан этгээд хамтран амьдрагчаа зодож, зохицуулахаар ирсэн
цагдаагийн албан хаагч руу буу шагайсан хэрэг гарсан. Тэгвэл өнгөрөгч баасан
гаригт мөн л өршөөлөөр суллагдсан этгээд найзыгаа хоёр удаа хутгалж, амь насыг
нь хохироосон хэрэг үйлдэв.

Тэднийг дахин гэмт хэрэг үйлдэхгүй,
нийгэмдээ сайн үлгэр дууриалал үзүүлнэ хэмээн найдаж, өршөөсөн. Гэвч итгэл
даасангүй.

Харин итгэл даагаад сайн сайхан амьдаръя
гээд зүтгэж байгаа хүмүүс олон бий. Төрийнхөө өршөөл энэрэлийг дааж, ар гэрээ
төвөхнүүлж, амьдрлах ахуйгаа өөд татаж яваа залуус, бүсгүйчүүд, өсөр үеийнхнээ
дэмжиж, урам хайрлах хэрэгтэй. Сайн нь муугаасаа олон гэдэг дээ.

Амар