Газ буюу шатдаг хий ашиглах зөвлөмж

1. Шингэрүүлсэн шатдаг хийн баллоныг орон сууцны 2-оос дээш давхар бүхий барилга дотор байрлуулахгүй, хадгалахгүй байх \”Хийн хангамж БНбД 42-01-04”-ийн 9.49 /Орон сууцны 2-оос дээш давхар бүхий барилга дотор баллон байрлуулахыг хориглоно/;
2. Шингэрүүлсэн шатдаг хийн бүлэг баллоныг \”Хийн хангамж” БНбД 42-01-04-ийн 9.36, 9.37, 9.38 /Олон нийтийн болон орон сууцны барилгыг хийгээр хангах тохиолдолд 600 литр хүртэл хэмжээтэй бүлэг баллоныг барилгын ханатай тулгаж байрлуулж болно./ заалтад нийцүүлэн суурилуулах, баллон хадгалах байрыг \”Даралтат савыг төхөөрөмжлөх, аюулгүй ашиглах дүрэм”-ийн шаардлагад нийцүүлэн барих;
3. Шингэрүүлсэн хийтэй баллоныг гадаа баллоны байранд байрлуулсан тохиолдолд зориулалтын ууршуулагч төхөөрөмжийг \”Хийн хангамж” БНбД 42-01-04-ийн 9.27 /Гадаа байрласан ууршуулагчийг дулаалгатай хийх хэрэгтэй. Ууршуулагчийг олноор байрлуулбал хоорондын зайг 1 м-ээс багагүй байхаар авах хэрэгтэй./ заалтын дагуу суурилуулан ашиглах;
4. Хийн баллоны байранд цахилгаан халаагуур, ил утастай тень /халаагуур/ байрлуулж ашиглахыг хориглоно.
5. Шингэрүүлсэн шатдаг хийн тоног төхөөрөмжтэй харьцаж ажиллах ажилчдыг \”Хийн аж ахуйн техник ашиглалтын дүрэм”-ийн 1.2.1 \”…олон нийтийн болон орон сууцанд байрлуулсан ахуйн зориулалттай хийн тоног төхөөрөмжийн аюулгүй ажиллагааг хариуцагч нь хийн аж ахуйн байгууллага буюу сургалтын төв дээрх сургалтанд жилд нэгээс доошгүй удаа хамрагдсан байх ёстой.”, 3.8.2 \”Хийгээр ажилладаг тоног төхөөрөмжийг ажиллуулдаг хүмүүс нь хийн аж ахуйнаюулгүй ажиллагааны талаар сургалтанд хамрагдаж, зааварчилгаа авч, ажиллуулах дадлага хийж, мэдлэгээ шалгуулсан байна…” заалтын дагуу дүрмийн мэдлэг олгох сургалтанд хамруулж үнэмлэхжүүлэх;

1. Хийн баллонт тоног төхөөрөмж бүхий өрөөнд \”Хийн аж ахуйн аюулгүй ажиллагааны дүрэм”-ийн3.8.6 \”Нийтийн байр, ахуйн үйлчилгээ, цайны газар, зочид буудал зэрэгт хийн түлшээр ажилладаг тоног төхөөрөмжийг аюулгүй ажиллуулах талаар санамж зааварчилгааг ил тод бичиж тавьсан байх…” заалтын дагуу аюулгүй ажиллагааны зааварчилгааг байрлуулах, хийн баллонт тоног төхөөрөмж аюулгүй ашиглах талаарх зөвлөгөөг хий хэрэглэгчдэд байнга өгч байх;
2. Шингэрүүлсэн шатдаг хий хэрэглэгчдэд хийн баллонт тоног төхөөрөмжийн ашиглалтын, аюулгүй ажиллагааны анхан шатны болон давтан зааварчилгааг өгч ажиллах, аюулгүй ажиллагааны зааварчилгааны дэвтрийг хэрэглэгчдэд хүргэж ажиллах;
3. Шингэрүүлсэн шатдаг хийн баллон болон хийн тоног төхөөрөмж бүхий өрөө тасалгааг \”Хийн аж ахуйн аюулгүй ажиллагааны дүрэм”-ийн 3.11.1 \”Эзэмшигч байгууллага нь хий дамжуулах хоолой, тоноглол дээр суурилуулсан дохиолол, автомат хянах ба хэмжих хэрэгсэл болон тэсрэлтийн ба галын аюултай бүс, байрны цахилгаан хэлхээний аюулгүйн горимыг хангасан тэсрэлтийн хамгаалалттай цахилгаан тоног төхөөрөмжийн урсгал болон их засвар, байнгын техникийн хяналт, үйлчилгээг хангаж байж ажиллах ёстой.” заалтын дагуу хий алдагдал мэдрэгч дохиолол болон автомат хэрэгсэлээр хангах;
4. Шингэрүүлсэн шатдаг хий хэрэглэгчдийг ашиглалтын шаардлага хангасан, гэмтэлгүй бүрэн бүтэн баллонд цэнэглэсэн хийгээр хангах;
5. Суурийн давхар болон техникийн давхарт байрласан хий агрегат, тоноглол, төрөл бүрийн хий хатаах хэрэгслийг шингэрүүлсэн шатдаг хийгээр хангахыг хориглоно.
6. Хэрэглэгчдийг ашиглалтын шаардлага хангасан хийн тоног төхөөрөмжөөр хангаж, бүрэн бүтэн байдлыг сайтар шалган хүлээлгэн өгч байх.
7. Баллон хадгалах завсрын агуулах, АХЦС, ХЦС-д ажиллаж байгаа инженер техникийн ажилтнууд болон жолооч борлуулагч нарын ажлын хариуцлагыг өндөржүүлэх

Шингэрүүлсэн шатдаг хийн хангамж, худалдаа үйлчилгээ эрхэлж буй аж ахуйн нэгж, байгууллагууд нь ”Газрын тосны бүтээгдэхүүний тухай” хууль, \”Хийн хангамж” БНбД42-01-04, \”Хийн аж ахуйн аюулгүй ажиллагааны дүрэм”, \”Хийн аж ахуйн техник ашиглалтын дүрэм”, \”Даралтат савыг төхөөрөмжлөх, аюулгүй ашиглах дүрэм”, \”Автотээврийн хэрэгслээр хүний амь насанд аюул учруулж болзошгүй аюултай ачаа тээвэрлэх журам”-ийг тус тус мөрдлөг болгон ажиллах нь зүйтэй.

Нийслэлийн мэргэжлийн хяналтын газар