Фото мэдээ: Парламентын спикерүүдийн дэлхийн IV бага хурал Тунхаглалаа баталлаа

Монгол Улсын Их Хурлын дарга З.Энхболд өнөөдөр /2015.09.02/ \”Энх тайван, эв нэгдлийн мод\”-ны дэргэд дурсгалын самбар байрлуулах ёслолын арга хэмжээнд оролцов.

Арга хэмжээг нээж НҮБ-д Белорусь Улсаас суугаа элчин сайд Андрей Дапкиунас, Олон Улсын парламентын холбооны Ерөнхийлөгч Сабер Чоудхури нар үг хэллээ.

Сабер Чоудхури: Өнөөдрөөс таван сарын өмнө дэлхийн хоёрдугаар дайн дууссаны 70 жилийн ойг тохиолдуулан тарьсан энэхүү интоорын модноос цагаан, ягаан цэцэгc дэлгэрдэг. Цагаан өнгө нь энх тайван, ариун цагаан сайн сайхныг бэлгэддэг бөгөөд үүгээрээ бид дайны хөлд амь насаа алдсан мянга мянган хүнийг хүндэтгэж байгаа юм.

Сабер Чоудхури: ..Энх тайвныг бид цэргийн хүчээр бус харин ойлголцлын үндсэн дээр цогцлоодог.

\”Энх тайван, эв нэгдлийн мод\”-ыг НҮБ-ын хашаан дотор 2015 оны 05 дугаар сарын 05-ны өдөр тарьж ургуулжээ.

Өнөөдрөөс 70 жилийн өмнө дэлхийн хоёрдугаар дайн дууссаны дараа буюу 1945 оны 10 дугаар сарын 24-ний өдөр хүн төрөлхтөнд хүйтэн дайныг дахин гаргахгүйн тулд НҮБ байгуулагдаж байсан түүхтэй.

Парламентын спикерүүдийн дэлхийн IV бага хурал Тунхаглалаа баталлаа

Гурван өдөр үргэлжилсэн Парламентын спикерүүдийн дэлхийн IV бага хуралд оролцогч 140 гаруй орны Парламентын спикерүүд \”Энх тайван, тогтвортой хөгжлийн төлөөх ардчиллыг хөгжүүлэх асуудал: Бидний хүсч буй ирээдүй\” сэдвийн дор өнөөдөр /2015.09.02/ Тунхаглалаа баталлаа.

Тунхаглал: -Энэ дэлхий дээр амьдарч буй хүн бүр дайн дажингаас ангид, ядуурал, өлсгөлөнг үл эдлэх, тэдний эрх, эрх чөлөө, нэр төрийг нь хүндэтгэх чадвартай тийм л ертөнцийг бид хамтын хүчин чармайлтаар бий болгох нь туйлын зорилт юм..

Тунхаглал: ..Хүмүүс сайн сайхан амьдралын эрэлд өөр бүс нутаг, улс оронд шилжин амьдарч  болно. Харин тэд аюул заналын улмаас албадан нүүлгэгдсэн бол олон улсын нийгэмлэг дэмжлэг үзүүлэх үүрэгтэй. Бид дүрвэгсэд болон шилжин суурьшигчдыг хамгаалах, мөн өөр өөрийн эх орондоо тогтвортой, хөгжин цэцэглэсэн нийгмийг бий болгоход бүх улс орнууд анхаарах хэрэгтэйг уриалж байна…

Тунхаглал: ..Дэлхийн парламентууд хамтын ажиллагаагаа сайжруулж, НҮБ-аас баталсан тогтоол, олон улсын гэрээ, конвенци зэрэг холбогдох бүхий л баримт бичгийн хэрэгжилтийг дэмжиж, терроризмтай тэмцэх болно…

Тунхаглал: ..Бид цөмийн зэвсэггүй дэлхий ертөнцийг бий болгохын тулд илүү хүчин чармайлт гаргахыг уриалж байна. Бид хүний наймаа, хар тамхи, хууль бус зэвсгийн худалдаа, хүн хулгайлах, мөнгө угаах зэрэг зохион байгуулалттай үндэстэн дамнасан гэмт хэрэгтэй тэмцэх хүчтэй хууль эрхзүйн орчныг бүрдүүлэхэд  яаралтай арга хэмжээ авахыг энэхүү тунхаглалаар уриалж байна…

Тунхаглал: ..Бид эрх зүйт төрийн төлөө ажиллах хэрэгтэй. Дэлхийн парламентууд эрх зүйт төрийг цогцлоогч, эрх тэгш, шударга ёсыг хангахад  дэмжлэг үзүүлэх ёстой. Бид олон улсын эрх зүйг мөрддөг төдийгүй хүний эрхийн болон олон улсын холбогдох пактуудыг дээдлэхэд онцгой анхаарахыг уриалж байна…

Тунхаглал: ..Дэлхийн бүхий л бүс нутагт сая сая эмэгтэйчүүд, охидууд бие махбодийн болон бэлгийн хүчирхийлэлд өртөж байна. Бид одоо жендэрт суурилсан хүчирхийллийн бүх хэлбэрийг зогсоохыг бүх улс орнуудад уриалж байна. Бүх төрлийн ялгаварлан гадуурхалтад төгсгөл тавих  цаг болсон. Бид бие биенийхээ соёл, шашин шүтлэг, уламжлалыг хүндэтгэдэг тийм л нийгмийг бий болгоход илүү анхаарах шаардлагатай болсныг бүх улс орнуудад уриалж байна…

Олон Улсын парламентын холбооноос зохион байгуулдаг Парламентын спикерүүдийн дэлхийн  бага хурал нь 5 жил тутамд зохион байгуулагддаг бөгөөд энэ жилийн хувьд 2015 онд дуусч буй Мянганы хөгжлийн зорилтуудыг дүгнэж цэгнэх, хэрэгжилтийн үеэр дэлхий нийтээр анхаарвал зохих асуудлыг хэлэлцэх, мөн ирэх 15 жилийн зорилтуудыг тодорхойлоход парламентын түвшинд ямар ажил хийвэл зохистой талаар хэлэлцлээ. Дэлгэрэнгүй мэдээллийн энд дарж үзнэ үү.

Улсын Их Хурлын Тамгын газрын Хэвлэл мэдээлэл,