УИХ-ын нэгдсэн чуулганаар өчигдөр УИХ-ын гишүүн С.Эрдэний санаачлан өргөн барьсан Зээлийн хүүгийн хязгаар тогтоох болон мөнгө хүүлэлттэй тэмцэх тухай хуулийн үзэл баримтлалыг хэлэлцэх эсэхийг хэлэлцсэн юм.
Энэ хуулийн зорилго нь банк, зээлийн үйл ажиллагаа явуулах эрх бүхий хуулийн этгээдээс олгох зээлийн хүүгийн дээд хязгаарыг тогтоох, түүнийг хэрэгжүүлэхтэй холбоотой үйл ажиллагааны эрх зүйн үндсийг тогтооход оршиж байгаа юм байна. Уг хууль хэрэгжсэнээр зээлийн хүүгийн хэт өндөр түвшин мэдрэгдэхүйц буурах, ялангуяа банк бус зээлдүүлэгчдийн зээлийн хэт өндөр хүү багасан, мөнгө хүүлэх үйл ажиллагаа журамлагдаж, хязгаарлагдана гэж тооцжээ. Улмаар бизнесийн үйл ажиллагааны зардал буурах, ашиг хуримтлал нэмэгдэх, бизнесийн орчин сайжрах, төлбөрийн чадвар дээшлэх, татварын бааз суурь тэлэх, төсвийн орлого нэмэгдэх зэрэг эерэг нөлөөлөл гарна гэж төсөл санаачлагч үзэж байгаа аж.
УИХ-ын гишүүн С.Эрдэнэ “Иргэд, аж ахуйн нэгжийг бидэнд хамаатуулж буруутгаад байх шаардлага байхгүй. Тэдэнд бага хүүтэй, хүртээмжтэй зээл байх юм бол тэд өнөөдөр баялаг бүтээнэ, амьдралаа өөд нь татаад аваад явна, улс орны хөгжилд хувь нэмрээ оруулаад явна. 20 хувийн хүүтэй зээлээр хүн яаж босох юм бэ? Тэр тусмаа өдрийн зээлийн сарын хүү нь 30 хувь руу дөхөж байгаа. Тэгээд жилийн хүүг нь тооцвол дэлхийд байхгүй солиотой өндөр хүүтэй зээл авч амьдрах гэж аргаа барсандаа ийм үйлдэл рүү орж байна.” гэж тайлбарлаж байв.
Харин УИХ-ын гишүүн Н.Учрал энэ хуулийг дэмжихгүй байгаагаа ийн тайлбарлав.
УИХ-ын гишүүн Н.Учрал “Миний харж байгаагаар зээлийн хүүг хэрхэн бууруулах вэ? гэхээр бид ийм хууль л хэлэлцэхгүй байх явдал юм. Өнөөдөр ингэж төр санхүүгийн зах зээлд хутгалдаж орж ирэхээр нөхцөл байдлыг ийм байдалд хүргэж байгаа. Төрийн оролцоо санхүүгийн зах зээлд ямар өндөр байгааг бид харж байгаа ш дээ. Чөлөөт өрсөлдөөн энэ банкны салбарт чинь байхгүй байна. Бид нар Венсуэль, Чилигийн жишээг мэднэ. Хуулиар зээлийн хүүгийн босгыг тогтоогоод сууж байдаг манайх шиг улс байхгүй. Санхүүгийн зах зээл нь ийм байгаа манайх шиг улсад ийм хууль тохиромжгүй. Энэ хуулийг хэлэлцэж байнаа гэдэг нь санхүүгийн зах зээлийг хямралд оруулж байна. Өнөөдөр хадгаламжаасаа эх үүсвэрээ татдаг манай улсад энэ хууль зохих юм уу? Чилийн араас орох гээгүй бол ийм юм ярихаа боль. Бүгдээрээ одоо санал нэгдээд ийм муйхар арга замаас өөр ямар арга байна гэдгийг хайя.” гэв.
Энэхүү хуулийн төслийг Эдийн засгийн байнгын хороо өнгөрсөн тавдугаар сарын 30-нд хэлэлцсэн бөгөөд зээлийн хүүг бууруулах санаачлагыг нь дэмжиж байгаа ч захиргааны аргаар бууруулах нь тохиромжгүй гэж үзэн байнгын хорооноос хуулийн төслийг дэмжээгүй юм. Харин өчигдрийн УИХ-ын нэгдсэн чуулганаар ажлын хэсгийн явцад засч сайжруулаад, дэмжсэн нь зүйтэй гэж хуралдаанд оролцсон гишүүдийн олонхи нь үзлээ.
Гадны улс орон,ОХУ л гэхэд яаж зээлийн хүртээмж. хүүг бууруулах асуудлаар, яаж Э/З-ийн хоригийг туулах талаар сэтгэл зовинож тэр бүү хэл алтны уурхайгаа Хятадад олзворлот хийлгэх гэж бна. Гаднаас хөрөнгө ихээхэн татаж урт хугацаанд төлбөр хийх, дотооддоо үйлдвэрлэл явуулах талаар бодоод бодоод бодын шийр 4 гэж болж бна. хөрөнггүй олсон хэдийг нь танил+татаасаар авчихдаг болохоор бизнесчдэд жаахан, хүрэлцээ муутай, өндөр хүүтэй болохоор “СӨХӨРЧИХӨӨД” болохгүй л бна.УИХ-д том ЭЗ, Банкирууд, хуульчид байгаад ч зөрөлдөж ухаан гаргахаас “Түмнээ” бодсон шийдэл даанч алга даа?? Доривтойхон хамтраад шийдэлд хүрэхээсээ “маргалдаж “цэц” булаацалдсаар та нарыг хүндлэх сэтгэл алга болчихлоо!:Дахин “СОНГОГДОХГҮЙ” гэж мэд!
Эрдэнэ гишүүний ярьж байгаа, санаачилсан хууль яг өнөөдөр Монголд нэн шаардлагатай байгаа. Зэрлэг Хятад маягийн мөнгө хүүлэлт жинхэнэ утгаараа Монголд цэцэглэж байна шдээ. Дэлхийн 200 гаруй орноос 80-аад улс хүүгийн дээд хэмжээг хуулиар зохицуулдаг. Энд шүтдэг биширдэг улсууд ихэнх нь хамаардаг шүү. Учрал харин залуу хүн гэхэд болчимгүй юм ярьж байна.