Иргэд НӨАТ-ын хуулиар\”шулуулж\” байна

НӨАТ-ын хуулиар хоёр
хувийг буцаан авна гэсэн заалт нь цаагуураа иргэдийг \”шулж\” байна. Гэвч
иргэд үүнийг анзаарахгүй байна.

Чингэлтэй дүүргийн
иргэн А нь гэр хороололд найман нэрийн зөвшөөрөлтэй дэлгүүр ажиллуулдаг. Тэрээр
хууль хэрэгжиж эхэлсний дагуу кассын машин зэрэг шаардлагатай төхөөрөмжийг
худалдан авсан байна. Гэвч гэр хороололд интернэтийн сүлжээ байхгүйгээс
ажиллуулж чадахгүй байдалд хүрч, энэ
тухайгаа ч албаны хүмүүст мэдэгдсэн байна. Харин түүний хариуд \”Ямартай ч кассын
машинтай болсон бол учиртай\” гэсэн бүрхэг хариултыг өгсөн байгаа юм.

 

НӨАТ-ын хууль хэрэгжиж
эхэлснээс хойш ихэнх бараа
бүтээгдэхүүний үнэ 100-200 төгрөгөөр нэмэгдсэн. Зарим нь бүр хоёр дахин нэмэгдсэн гэдгийг жижиг дунд бизнес эрхлэгчид хэллээ.
Эндээс \”иргэд
НӨАТ төлсний хоёр хувийн буцаан төлөлтөд тайвшраад үнийн өсөлтөд
\”шулуулж\” байгаагаа анзаарахгүй байна” гэсэн дүгнэлтийг хийж болохоор.

Тиймээс бизнес эрхлэгчид НӨАТ-ын татварт \”жишиг татвар бий болгох” санал тавьжээ. Ингэхдээ хотын А,Б
зэрэглэлийн бүсэд оршиж байгаа эсэхээс шалтгаалж татварын хэмжээ өөр, өөр байх
хэрэгтэй. Тэгвэл ард иргэд, бизнес эрхлэгчдийн төлөх татварын ачаалал багасна,
үүнийг дагаад улсад ирэх татварын орлого ихсэх боломжтой гэж дүгнэсэн байна.

Түүнчлэн НӨАТ-ын хэрэгжилтээс
үүдсэн бизнес эрхлэгчдэд учирч буй дарамтыг багасгах зорилгоор энэ хуульд
яаралтай нэмэлт, өөрчлөлт хийхийг шаардаж, алдаа бурууг залруулахын төлөө
тэмцэхээ илэрхийлжээ. НӨАТ-ын
хуультай холбоотой асуудал зөвхөн нийслэлд төдийгүй орон нутагт ч тулгамдаж
байгаа гэнэ. Энэ талаар УИХ-ын гишүүдийг нийслэлийн дүүргүүд, аймгууд,
тойрогтоо ажиллах үеэр иргэд сануулж, залруулахыг хүссэн байна.

УИХ дахь МАН-ын бүлгээс
бизнес эрхлэгчдийн санал бодол, хүсэлтийг хуралдаанаар хэлэлцэж, шийдэх арга
зам, гарцыг эрэлхийлж, дорвитой арга хэмжээ авах болно гэдгээ уламжилсан байна. Хамгийн гол нь энэ амлалт нь сонгуульд
хутгалдахгүй ажил хэрэг болоосой гэдгийг бизнес эрхлэгчид хүсчээ.

 

Эх
сурвалж: www.breakingnews.mn