Эрүүл мэндийн салбараас төрсөн популит улс төрч

 

 

 

Одоо болтол эрүүл мэндийн сайдаа
томилдоггүй цаашид ч томилох шинж алга, Эрүүл мэндийн салбарт олон асуудал
шийдлээ хүлээн гацаж байна.

Хэдхэн долоо хоногийн өмнө зарим цахим ертөнц,
хэвлэлийн шар сонинд \”УИХ-н гишүүн асан Д.Очирбат будилж явна” нэртэй нийтлэл
хэвлэгдэж, тэрбүү хэл энэхүү мэдээ нь эрүүл мэндийн салбарийн нэгдсэн фэйсбүүк
хуудаснаа тавигдаж хэсэг эмнэлгийн мэргэжилтнүүдийг талцуулаад авсан. Энэхүү
нийтлэлийн нэхэн санахад УИХ-н
гишүүн асан маань өөрийнхөө амин хувийн эрх ашгийн төлөө эмийн санд
үйлчлүүлэхдээ эрүүл мэндийн салбарт байгаа эрхзүйн орчинг сайн ашиглаж байгаа хэрнээ
салбар нь унаж, муу хэлүүлж байхад хэв нэг чимээгүй явах юм.

Саяхны нэг өдөрМонголын хүүхдийн төлөө
байгууллагуудын нэгдсэн холбооны тэргүүн Д.Авирмэд, мөн хэсэг эмч
нарын төлөөлөл эрүүл
мэндийнсалбарт үүссэн нөхцөл байдлыг үнэн, мөнөөр дэлгэж буйг шийдвэр гаргагч, эрх
мэдэлтнүүд
анхаарах ёстойг
сануулсан.

Эрүүл
мэндийн салбарт ойрын хугацаанд шийдвэл зохих дараах асуудал байгаа тул хүний
их эмч, УИХ-н гишүүн асан Д. Очирбат таньд хэдэн үгс дайя

1.Эрүүл мэндийн салбарынхаа бодлогыг зөв хэрэгжүүлдэг тогтвортой
сайдгүй, сайдаа томилоогүй 5 сар болж, олон эмнэлэг даргагүй байна.

2.Олон
жил гараагүй байсан улаанбурхан халдварт өвчин тархлаа. Өнөөдрийн
мэдээгээр сэжигтэй тохиолдол 9383, өвчилсөн 1890 хүн, нас баралтын түвшин 0.2
хувь гэнэ.

3.Халдвартын
эмнэлэг сүүлийн 6 сар шахам хугацаанд мэргэжлийн удирдлагагүй явж ирсэнээс
өвчлөл илүү эрчимтэй тархсан гээд хэлэхэд буруудахгүй. Хэдхэн хоногийн өмнө
мэргэжлийн хүнийг Халдвартын эмнэлэгт даргаар нь буцааж тавьсан. Энэ эмнэлэг
онцгой байгууллага.

4.Эмнэлгийн хүрэлцээ муу,
хүүхдүүд коридорт хэвтэж байна, хөнгөлөлттэй эм олгохгүй байна

5.Манай орны хувьд нөхөн үржихүйн насны эмэгтэйчүүдийн 46 хувь нь эрхтэн
тогтолцооны ямар нэг суурь өвчтэй байгаа нь 10 жилийн өмнөхтэй харьцуулахад 40%
нэмэгдсэн ба хорь гаруй хувь нь сүүлийн 2-3 жилд нэмэгдсэн байна. Үр хөндүүлж буй эмэгтэйчүүдийн
6,2% нь 20-оос доош насны, 23,7% нь 35 хүртэлх насны эмэгтэйчүүд байна.

6.Сүүлийн жилд нийт хүн амын дунд тэмбүүгийн, заг хүйтэн өвчний
тархалт нэмэгдэж, жирэмсэн эмэгтэйчүүдийн дунд бэлгийн замаар дамжих халдвар
өндөр гэсэн мэдээлэл гарч байгаа.

7.Засгийн газар 2009 оноос нөхөн үржихүйн эрүүл мэндийн эм хэрэгсэлд
төсөв хуваарилж эхэлсэн нь чухал алхам болсон ч сүүлийн жилүүдэд энэ арга
хэмжээ зогсонги байдалд орсоныг салбарын эрдэмтэд онцолж байна.

8.Судалгаагаар боловсролгүй буюу бага ангийн боловсролтой эхийн
хүүхэд 1 ба 5 хүртэлх насандаа эндэх эрсдэл дээд боловсролтой эхийн хүүхэдтэй
харьцуулахад 3-4 дахин их байгаа.

9.Бас
нэг зүйлийг онцлоход манай эмнэлгүүдэд ялангуяа Улаанбаатар хотын зарим
эмнэлэгт өвчилсөн ядуу, мөнгөгүй, ажилгүй, тэтгэвэрт байгаа хүн хэвтэж
эмчлүүлэхэд чирэгдэл хүндрэл ихтэй. Олон хоног, заримдаа сар шахам хоног
хүлээдэг, шинжилгээ хийлгэх гэж хугацаа алддаг. Дарга, эмч нарын танил, мөнгөтэй
хүн төвөггүй хэвтээд авдаг.

10.Эрүүл
мэндийн салбарын бүх шатанд хүнд суртал ,чирэгдүүлэлт,
асуудалд шуурхай ханддаггүй, ар өврийн хаалга гэх зэрэг дутагдал доголдол
хавтгайрч байгааг иргэд ярьдаг, ярьсаар ч байна.

11. Олон жил тасралтгүй эрүүл мэндийн даатгал төлсөн хэрнээ
нэг удаа эмнэлэгт хандахаар төлбөр төлж байна хэмээн иргэд гомдоллодог.

Сонгууль энэ оны 6 сарын 29 нд болно, шинэ засаг бүрдтэл
хичнээн хугацаа орохыг таашгүй, хичнээн хүний эрүүл мэндийн асуудлаар тоглож
байж шийдэгдэх суудал юм бэ?

 

Хүний
эрүүл мэндийн манаанд тангараг өргөсөн эмч, сувилагч нарын дундаас мэндэлсэн
хуруу дарам цөөхөн улс төрч, салбарынхаа бодлогыг
тодорхойлж байсан Улсын их
хурлын гишүүн асан, хүний их эмч Д.Очирбат танд хэлэхэд
салбарын сайдаа хурдхан томилох талаар Улсын их хурал, засгийн газарт шаардлага
хүргүүлээч.

Эзэнгүйдсэн эрүүл мэндийн салбарт юу болоод байна вэ сэтгэл
тавиад шаардлага хүргүүлж сайдаа томилуулах талаар хөөцөлдвөл яасан юм бэ та
минь ?

Танд санаа зовж байгаа юм гэж огтхон ч алга гэжүү даанч
дээ.