Зөгий цэцэгс дамжин балт шүүс цуглуулж, үүрэндээ боловсруулан зөгийн балыг гаргаж авдаг. Зөгий балт шүүсийг ферменттэйгээ хольж, сархиагтаа хийн, 21-28 хоногийн дараа бал бүрэн гүйцэт боловсордог бөгөөд цэцэг бүрийн балт шүүсний бактерийн эсрэг үйлчилгээ нь өөр өөр байдаг ажээ. Зөвхөн нэг төрлийн ургамал цэцэгсээс цуглуулсан бал (монофлёр бал) нь бактерийн эсрэг үйлчилгээгээр илүү байдаг байна. Олон төрлийн ургамал цэцэгсээр цуглуулсан бал (полифлёр бал)-ыг олон төрөл зүйл ургамлаас цуглуулах явцад эмийн ургамал давамгайлсан бол эмчилгээний үйлчилгээ нь хамгийн сайнд тооцогддог аж. Зөгийн бал нь олон сараар чанараа алддаггүй учраас зөв хадгалбал удаан хугацаагаар нөөцөлж хэрэглэх боломжтой юм.
Мөн зөгийн бал нь глюкоз, фруктоз гэх мэт нүүрс усны үндсэн эх үүсвэр тул өсч бойжиж буй хүүхэд, ачаалалтай ажилладаг хүмүүс болон тамирчдад ихээхэн хэрэгцээтэй байдаг ба чихрийн шижингийн аль ч төрөлд (I, II) зөгийн балыг хэрэглэж болдог байна.
Зөгийн балыг тогтмол хэрэглэх нь ходоод гэдэс, зүрх судас, амьсгалын замын өвчинд тустай бөгөөд хүний биед бүрэн шингэдэг хүнсний бүтээгдэхүүн юм. Мөн зөгийн балны хоногийн хэрэглээ нь насанд хүрэгчид 50-80 г, хүүхэд 15-30 г байдаг ба нэг халбага зөгийн балыг нэг аяга бүлээн усанд найруулж уухаас гадна хэлний дор уусгаж хэрэглэж болдог ажээ.
Зөгийн бал
}
Шинэ мэдээ
