\”Восточный\” сансарын буудлыг барих асуудал аль 25 жилийн өмнөөс эхтэй. ЗХУ задарсаны дараах оросын хүнд бэрх цагт, уруудалгүй үргэлжилж байсан цөөхөн хэдэн салбарын нэг бол зөвлөлтийн/оросын сансарын хөтөлбөр байлаа. Гэтэл 1991 оны 12 дугаар сард Казакстан улс тусгаар тогтнолоо зарласан нь нисгэгчтэй сансарын пуужин хөөргөж буй цорын ганц \”Байконур\”-ын хувь заяа бүрхэг байдалд оржээ. Тухайн үед оросуудад нөөц сансарын буудалгүй байсан тул \”Байконур\”-ыг түрээсээр ашиглахаас аргагүй байдалд оржээ. Ингээд Казакстаны талтай жил бүр 115 сая ам.долларыг төлж, \”Байконур\”-ыг 2050 он хүртэл ашиглах гэрээ байгуулсан байдаг. Энэ хооронд өөр сансарын буудал хайх ажил тасралтгүй үргэлжилж байсан ба \”Свободный-18\” хуучин тив алгасагч баллистик пуужин хөөргөх талбайг сансарын буудал болгохоор сонгож аваад байв. Гэтэл шинэ сансарын буудал барих асуудал хүчтэй яригдсан тул 2007 оноос энэхүү санааг орхисон түүхтэй. ![\"\"](http://undesten.mn/uploads/posts/2016-04/1461802922_13051700_630202647127286_7287685666622208826_n.jpg "\\"\\"")
![\"\"](http://undesten.mn/uploads/posts/2016-04/1461802979_13055535_630202650460619_1945241446292305661_n.jpg "\\"\\"")
Шинэ сансарын нисэх буудал барих болсон гол шалтгаан бол ОХУ өөрийн газар нутагтаа сансарын буудалд барих замаар \”Байконур\”-ын хараат байдлаас гарах явдал байлаа. \”Восточный\” сансарын хөөргөх буудал нь 51 дүгээр өргөрөгт оросын алс дорнод дахь Амур мужийн \”Циолковский\” хот болон \”Свободный\” сансарын буудалтай ойролцоо газар бий. Энэ нь номхон далайгаас 600-800 км зайд оршиж байгаа гэсэн үг юм. Анх сансарын буудлын 700 км/кв талбайд пуужин хөөргөх 7 суурь барих зураг төсөл гаргаж байснаас хоёр суурь нь нисгэгчтэй сансарын хөлөг хөөргөх зориулалттай байв.
![\"\"](http://undesten.mn/uploads/posts/2016-04/1461803014_13116042_630202740460610_2938559608769557732_o.jpg "\\"\\"")
Ихэвчлэн энгийн зориулалттай сансарын хөлөг, пуужинг хөөргөх зориулалттай \”Восточный\” сансарын буудал бүрэн хэмжээгээр ашиглалтад орсоны дараа 2020 он гэхэд оросын нийт сансарын нислэгийн 45 хувийг уг буудлаас хөөргөхөөр төлөвлөж байна. Тэгэхээр шинэ буудал ажиллагаанд орсоноор одоогийн \”Байконур\” буудлын авч буй 65 хувийг ачааллыг 11 хувь болгож бууруулах юм. Харин \”Плесецк\” сансарын буудал 44 хувийн ачааллыг авах тооцоолж байгаа. Түүнчлэн 2021 оноос эхлэн \”Восточный\” сансарын буудлаас дэлхийн тойрог замд нисгэгчгүй сансарын хөлөг, пуужингуудыг харин 2023 оноос нисгэгчтэй сансарын хөлөг хөөргөхөөр төлөвлөж байна.
![\"\"](http://undesten.mn/uploads/posts/2016-04/1461802996_logo.jpg "\\"\\""){kind=logo}
