\”Операция шторм\” тэмцээн /үргэлжлэл/

\”Операция шторм\”
тэмцээний 3 & 4 дэх өдрүүд

ГУРАВ ДАХЬ ӨДӨР

$\"\"$

Өглөөний 05.30 цагт бослого эхэллээ. Жижүүрийн дохиогоор боссон \”цэргүүд\” биеийн тамирийн дасгал сургуулалт хийлээ. Ингээд гар нүүрээ угааж цайгаа уусны дараа машинд ачигдаж, шүхэр-десантын сургууль руу явлаа. Энд үдээс өмнө шүхрийн бэлтгэл хичээл оров. Шүхрийн сургагч багш нар онолын хичээлийн зүүлэх хичээлтэй хавсран түргэвчилсэн байдлаар явуулав. Хичээлийн дараа хүн нэг бүр бүрэн зэвсэг, хэрэгсэл дээрээ нэмээд шүхэр зүүж анхны дадлагын хичээл орж эхлэв. Хамгийн эхний дасгал нэг орчим метр өндөртэй модон тавцан дээрээс газар руу үсэрч буухаас эхэлдэг ажээ. Гол анхаарах зүйл нь хоёр хөл зэрэгцүүлээд бүтэн улаараа газардах ёстой гэнэ. Ингээд зөв бууж чадаж байвал, модон тавцан нь шат дараалан өндөрсөнө.

Энэ бүхний дараа шүхрийн үндсэн дасгалд орлоо. Тэр нь \”Ил-76\” ачаа тээврийн онгоцныг дууриалган хийсэн макетаас үсэрч гарах, мөн 25 метрийн өндөртэй цамхагаас шүхрийн тусламжтай газардах хоёр дасгал юм. Сонсогчид онгоцны макетийг \”Крокодил\” хэмээн хочилж нэрлэдэг гэнэ. Энэхүү дасгалыг агаарт нисэж буй онгоцны хаалгаар зөв гарах арга, техникийг эзэмших зорилгоор хийдэг юм. Харин өндөр цамхагаас зөв газардах, арга техникийг сурч авах ёстой ажээ.

$\"\"$

Өдрийн хоолны дараа буудлагын зэвсэглэлтэй танилцах дадлагын хичээл оров. Тус сургууль дээр үздэг, оросын армийн үндсэн зэвсэглэлд буй 7,62 мм-ийн автомат АК-74, 9 мм-ийн ПМ гар буу, 7,62 мм-ийн ротын пулемёт \”Печенег\”, гранатомёт РПГ-7Д зэрэг зэвсгийг үзэв. Үүний дараа оролцогчид бүгд эдгээр зэвсгийг задлах, угсрах дадлага хийсэн. Төсгөлд нь хоёр тасгийн бүрэлдэхүүн тогтоосон нормативт багтаан автомат болон гар бууг угсарч, задлан хоорондоо уралдав. Хамгийн сонирхолтой зэвсэг бол 9 мм-ийн дуу намсгагчтай \”ВАЛ\” автомат байлаа. Энэ бууг дайсны ар талд, эсвэл тусгай үүрэг гүйцэтгэхэд хэрэглэх зориулалттай юм. Зэвсгийн хичээлийн дараа хоёр тасаг ерөнхий цэргийн саадын зурвас туулж уралдсанаар энэ өдөр өндөрлөв.

ДӨРӨВ ДЭХ ӨДӨР

$\"\"$

Энэ өдөр, өглөө хийгддэг ажлууд цагийн хуваарийн дагуу явагдав. Өдөр радиацын цацраг, хими болон биологийн зэвсгээс хамгаалах хичээл орохоос эхэллээ. Хүн нэг бүрт газ эсэргүүцэгч маск болон ерөнхий цэргийн хамгаалалтын комплекс хувцас тавьж олгов. Маск, хамгаалалтын хувцасыг хэрхэн хэрэглэх ёстойг үзүүлсний дараа хүн нэг бүр дадлага хийж өмсөж үзлээ. Ингэхдээ \”Гази\” гэдэг командаар хамгийн богино хугацаанд маскаа толгойдоо углах ёстой юм. Сургагч багш нарын шидсэн утаат болон нулимас асгаруулагч гранат ажиллаж эхэлсний дараа цагийн байдал арай өөр болж байв. Толгойдоо масктай, хамгаалалтын хувцастай оролцогчид даргын командаар хордсон газар орныг гүйж туулсны дараа жижиг майханд явж очлоо. Майхан дотор нулимас асгаруулагч цацсан байв. Зүүж байгаа маск нь аль нэг газраа урагдаж, ашиглах боломжгүй болсон тохиолдолд цэргийн алба хаагчид нүдээ аньж, чихээ бөглөөд маскаа толгойноос авч, шүүлтүүрийг нь салган зөвхөн шүүлтүүрээр нь шууд амьсгалах дадлага хийж үзэв. Үүний дараа хамгаалалтын цув нуруун дээрээ нөмөрч байгаад 1000 хэмийн халуун үүсгэж шатдаг \”напалм\” нааж гал асааж үзсэн бөгөөд энэ нь тулааны талбарт явж буй цэрэгт дайсны галт зэвсэгт өртөн шатах үеийн мэдрэмж үүсгэх зорилготой юм. \”Напалм\”-ын галыг ямарч ус болон гал унтраагуур унтрааж чадахгүй. Хамгийн найдвартай арга бол галын өдөөж буй агаарыг нь таслаж, бичүү зүйлээр хучих явдал юм.

$\"\"$

Өдрийн хоолонд орсоны дараа сургуулийн полигонд байрлах ханан авиралтын хичээлийн цэг дээр ирлээ. Энд хана руу хэрхэн авирах, олсыг яаж ашиглах, хамгаалалт, бэхэлгээ яаж хийдэг тухай хичээл орж, хүн бүр хана руу авчирч үзэв. Өдрийн төсгөлд модон дотор байгуулсан 800 метрийн урттай тактикийн саадыг байлдаантайгаар гатлах дасгал боловсруулсанаар энэ өдөр өндөрлөв.

$\"\"$

Р.Энхболд

$\"\"$

\”Операция шторм\” тэмцээн /үргэлжлэл/

ГУРАВ ДАХЬ ӨДӨР

Related Posts

Шинэ мэдээ