Уучлалт гуйгаад л болоо, хүний амь

 

 

Дайн байлдаангүй, ардчилсан нийгэмтэй Монгол Улс эмч
нарын хариуцлагагүй байдлаас болж хүний амь эрсэдсэн тохиолдлоор дэлхийд тэргүүлээд
удах болсныг иргэд нэг л анзаараагүй байх. 1 сая хүнд оногдох эмч нарын
буруутай үйлдлээр нас барсан хүмүүсийнхээ тоогоор л доо.

Төрөх гээд яаран
сандран очсон эмэгтэйгээс мөнгө нэхэж, ус нь ногоорчихсон, гоожчихсон байхад нь
хүртэл буцаадаг, хийсвэрээр төрсөн эмэгтэйн гэдсэнд марль мартаж оёдог, бүтэн
норкозонд орсон эмэгтэйг юу ч мэдэхгүйг нь далимдуулан \”ашигласан”, мөнгөний
төлөө хүний алтан амийг авахаас сийхгүй байгаа хүмүүст хариуцлага ярихгүй юу
ярих вэ. Хариуцлага алдаж хүний амь хохироогоогүй эмчийг хорьж, торгох гэж
байгаа юм шиг эсэргүүцэж буй эмч нарыг ард иргэд зүгээр ч нэг \”эмч нар ялэдэлдэггүй”, \”эмч
нар хариуцлага хүлээдэггүй” гэж хэлээгүй.

Түүнчлэн Монголын шоронгууд
эмч нараар дүүрлээ хэмээн эсэргүүцэж байгаа нь эмч нар өөрсдийгөө хариуцлага
алдаж хүний амь нас хохироож болно гэдгийг хүлээн зөвшөөрүүлэх гэж байгаа
үйлдэл мөнөөсөө мөн. Түүнээс бус хэрэг хийгээгүй эмч нарыг шоронд хорьж Монголын
шоронгууд дүүргэх гээгүй. Өдгөө Монголын шоронд 36 эмч, мэргэжилтэн ял эдэлж
байна гэж ирээд л тэмцсэн. Тэгвэл эмч, мэргэжилтнүүдийн буруугаас болж хэдэн ял
хорвоогийн мөнх бусыг үзүүлсэн бол. 360 уу, 3600 юу эсвэл бүр 36 мянга уу.
Улаанбурхантай холбоотойгоор нийгэм тэр чигээрээ бухимдахад Эрүүл мэндийн
яамнаас \”2016 оны эхний гурван
сарын байдлаар 0-5 хүртэлх насны 491 хүүхэд эндсэний 427 нь 0-1 хүртэлх насны
хүүхэд. Үүнийг зарим хэвлэл хооронд нь нэмж 918
хэмээн мэдээлж байгаа буруу ташаа зүйл” гэж хэлсэн.

Гурван сая хүн амтай Монгол Улсад гуравхан сарын дотор 0-5 насны 491
хүүхэд нас баржээ. Үүний 427 нь 0-1 хүртэлх насны хүүхэд. Харин тэдгээрээс хэд
нь эмч нарын буруугаас болж нас барсан бол. Адаглаад л эх, нярай хоёрыг нэг хүн
ч олигтой хөрвөөж боломгүй нарийхан орон дээр хэвтүүлэх хэн нэгэн \”ухаантан”-ы
шийдвэрээр эх, хүүхдүүд олон жил нарийхан орон дээр хэвтэж байгаагаас хэчнээн ч
хүүхэд ээждээ даруулж, хэчнээн хүүхэд орноос унаж гэмтэв, амь насаараа хохиров.Эмч нарын буруугаас болж эмнэлэг дээр нас
барсан хүнийг гэртээ нас барсан гээд хэнэг ч үгүй бичиж, хариуцлагаас мултардаг
жишиг хэдий болтол орших юм бол. Хэдэн ч хүн эмнэлэг дээр хөлөөрөө алхаж очоод
хүлээлгийн сандал дээр сууж байгаад зүрхний шигдээсээр нас барах юм бол. Хэдэн
ч хүн эргээд босоод ирэхгүйгээс хойш эмч нартай хэрүүл тэмцэл хийгээд яах билээ
хэмээн Монгол хүний ууч сэтгэл гаргах юм бол. Нэг үхрийн эвэр доргихоор мянган
үхрийн эвэр доргидог.

Тэгэхээр нэлээд хэдэн \”үхэр”-ийн эвэр доргихоор нийтээр
нь шүүмжлэх нь арга ч үгүй юм шиг. Энэ шавар шалбаагнаас эмч нар өөрсдөө л гарах
ёстой. Ингэхийн тулд хариуцлага, ёс зүйгээ дээшлүүлэх ёстой. Уг нь алдаж
болохгүй, дээд зэргийн хариуцлагатай мэргэжил бол эмч. Гэтэл өдийг хүртэл алдаж
болно, хүний амь хөнөөж болно гэж толгойг нь илсээр ирсэн. Өдгөө хариуцлагыг нь
дээшлүүлэх хууль батлах гэсний төлөө цагаан халаадтайгаа талбай дээр гарч жагсч
байгаа эмч нар ард иргэдээсээ авч эхлээд буй \”Цагаан халаадтай алуурчин” хэмээх
цол гуншингаас салахыг бодохгүй байгаагийн шинж гэлтэй. Хамгийн сүүлд хариуцлагагүйгээсээ
болж нэгэн бүсгүйн аминд хүрсэн эмч
нар уучлалт гуйжээ.

Энэ хэрэг өнгөрсөн гуравдугаар сард Хөвсгөл аймгийн
нэгдсэн эмнэлэгт болсон бөгөөд хохирогч бүсгүй төрөхийн
хүндрэлээр амиа алджээ. Түүний энэ үхэлд аймгийн нэгдсэн
эмнэлгийн эмч нар буруугаа хүлээж, уучлалт гуйсан байна.
Энэ талаар талийгаач
бүсгүйн аав \”Хөвсгөл аймгийн нэгдсэн эмнэлгийн эмч нар хэсэг хэсгээрээ ирж,
биднээс уулчлалт гуйж, өөрсдийнх нь хариуцлагагүй байдлаас болж охин минь амиа
алдсан гэдгийг хүлээн зөвшөөрсөн. Охин үрээ зуурдаар алдсан болохоор одоо эмч
нарыг уучлалт гуйсныг хүлээн авч өршөөе гэж бодож байгаа. Бас үнэхээр эмч нарын
буруу байсныг хууль хяналтын байгууллагынхан тогтоосон гэдгийг хэлмээр байна.
Охин маань цус их алдаж, цусны дутагдалд орсноосоо болоод амиа алдсан юм шиг
байна лээ. Их шаналж байгаад амиа алдсан. Анх намайг үрээ алдаад гашуудаж
байхад эмч нар бүх бурууг охин руу минь чихэж байсан болохоор үнэхээр гомдолтой
байсан. Харин одоо охины минь нэр цагаадлаа. Тиймээс ингээд орхиё гэж бодож
байна.

Эхийнхээ сүүг хөхөж чадахгүй үлдсэн бяцхан хүү нь одоо гурван сар хүрч
байна” хэмээн ярьсан. Харин энэ хэрэг гарсны дараа Хөвсгөл аймгийн нэгдсэн
эмнэлгийн зүгээс \”Эмч нар чадах бүхнээ хийсэн ч тухайн эх илүү тээлттэй, 42
долоо хоногтой болчихсон байсан бөгөөд өөрөөрөө төрөх гэж зүтгэсний улмаас амиа
алдсан” гэх тайлбайрыг өгч байсан юм. Нөгөө жирэмсэн
эхийг хянаж, хэлж байх ёстой эмч нар нь хаачсан болоод эх илүү ургаа илүү тээв.
Эхийг хянаж байх ёстой эмч нар яасан болоод хэдэн эмч нар бусдыгаа өмгөөлсөн
мэдэгдэл хийж, түүнийгээ аймгийн нэгдсэн эмнэлэг нэрийн дор итгүүлэх гэж
зүтгэв. Аймгийн нэгдсэн эмнэлгээс гарч буй \”алуурчин мэдэгдэл”-ийг сонсоод ард
иргэд юу гэж ойлгохов.

Ямартай ч, нийслэлийг бодвол аймагт арай ёс
суртахуунтай. Тийм учраас Хөвсгөл аймагт эмч нар уучлалт гуйжээ. Гэхдээ уучлалт
гуйгаад л болдог хүний амьтай болохоор хөөрхий бидэнд амьд явах баталгаа байхгүй болж, эмч нарыг хариуцлагатай ажиллана гэх баталгаа төрөхгүй байна. 2-3 өдөр халуураад, тамиргүй болоод ирсэн хүнийг 20-30 хүний ард зогсоогоор нь оочерлуулж, аргаа барж, тэсэхээ байсан хүнийг яршиг ингэж зовж байхаар амиа хорлочихдог ч юм билүү гэж бодогдтол нь залхаан цээрлүүлдэг цагдаагийн гэмээр үйл ажиллагаатай эмнэлгийн байгууллага, эмч ажилтантай, түүнийгээ бид өөрсдөө цалинжуулдаг тийм л сайхан улс даа бид чинь.