Ажилд орох үндсэн шалгуур бол ажлын ярилцлага билээ. Амжилттай оролцохын тулд бэлтгэл чухал. Дараах асуултын хариултыг мэдэж байхад ямар ч ярилцлага амжилттай болно гэдэгт итгэлтэй байна.
Та өөрийнхөө тухай ярина уу?
Ажил олгогч таныг өөрийн компанид хэрхэн ажиллах, компанид хэрхэн тус болох, таны туршлага, чадвар тань юу болохыг л мэдэхийг хүсэж байгаа нь тодорхой. Магадгүй танаас таны боловсролын талаар, ер нь компанид хэрэгтэй байж болох асуултуудыг асуух нь мэдээж тиймээс хариултаа тодорхой оновчтой цөөн үгэнд багтаахыг бодоорой.
Манай компани яагаад таныг ажилд авах ёстой вэ?
Ажлын ярилцлаганд орохоор өрөөний гадна олон хүн хүлээж байсан ч та өөртөө итгэлтэй, тайван байх хэрэгтэй. Дадлага туршлага, чадварынхаа төлөөр мөн энэ компанид ажиллахад хэрхэн бэлтгэгдсэн талаараа ярь. Ажилд авах гэж буй хүн танаас хүсэж болох ур чадвар, гол шаардлагуудыг нь цохон хэлэх хэрэгтэй.
Таны сул тал болон муу зан чанар юу вэ?
Ихэнх хүмүүс \”Би аливаа зүйлийг хэтэрхий төгс байлгах гэж хичээдэг”, \”Би хэт их ажилладаг” хэмээн хэлдэг. Гэвч үүнийг улиг болсон зүйл хэмээн үздэг болжээ. Тэгэхээр та арай нарийвчилсан байдлаар ярьсан нь дээр болов уу. Жишээ нь \”Би хэт их ярьдаг. Гэхдээ би энэ зангаа засахаар хичээж байгаа” гэх мэт. Учир нь энэ нь засрах магадлалтай дутагдал болохоор нэг их хүндээр тусгаж авахгүй гэсэн үг.
Та 5 жилийн дараахь үр дүнг тооцож үзсэн үү?
Хамгийн гол нь ажил олгогчид тухайн ажлын байран дээр тогтвортой ажиллахыг хүсэж байгаагаа хэлэх хэрэгтэй. Зөвхөн түр хугацаанд ажиллахаар төлөвлөөгүй гэдгээ ойлгуулах хэрэгтэй. Тиймээс эндээ ихийг хийж найдвартай, туршлагатай ажилтан болж чадсан байхаа хэлбэл дээр байх.
Та өмнөх ажлаасаа гарсан учраа тайлбарлахгүй юу?
Хэзээ ч өмнөх ажлын газар болоод өмнөх даргаа бүү муу хэл. Ажилд таараагүй, тохироогүйгээ тэдний буруугаас болсон гэж бүү хэл. Аль болох эерэг шалтгааныг хэл. Жишээ нь өөрийн чадвараа илүү хөгжүүлэх ажлын байранд очихыг хүссэн гэх мэт эвийг нь олоод аятайхан хариул.
Амьдралд тань тохиолдсон бэрхшээлтэй асуудлын талаар яриач. Та хэрхэн шийдвэрлэсэн бэ?
Хариултаа богино байлгаарай. Үлгэр тууж ярих хэрэггүй. Эсвэл тэднээр өрөвдүүлэх гэсний ч хэрэггүй. Хамгийн гол нь гарцаа хэл дараа нь цөөн үгээр учрыг нь ойлгуул.
Танд хамт ажиллаж байсан хүмүүстэйгээ харьцахдаа бэрхшээлтэй учирч байсан удаа бий юу?
Энэ тал дээр аль болох эерэг хариултыг өгөх хэрэгтэй. Учир нь ажил дээр хамтран ажиллах, багаар ажиллах маш чухал байдаг. Тэгэхээр тодорхой явдлыг дурдаад хэрэггүй. Харин \”Яг тийм гэхээр тодорхой бэрхшээлтэй учирч байгаагүй. Би бүх хүнтэй найрсаг харилцаатай байхыг хичээдэг” гэх мэт хариултыг өгвөл зүгээр.
Ажлын байран дээрх стресстэй хэрхэн зохицдог вэ?
Тэр таныг ажил дээр стресс бий болох үед хаалгаа гаднаас нь хаагаад явчих эсэхийг мэдэхийг хүсэж байгаа хэрэг. Та өөрийнхөө стресстэй хэрхэн тэмцдэг талаар бодоод, шударгаар хариулах хэрэгтэй. Үүнийг гол гэж үздэг хүмүүс байдаг болохоор ухаалаг хариулт өгөөрэй.
Та ямар хэмжээний цалинг хүсэж байна?
Яг тодорхой хэмжээг хэлж байхаар ерөнхийдөө стандарт хэмжээнд нийцсэн цалин авахыг хүсэж байгаагаа хэлсэн нь дээр. Хэт бага бол өөрийгөө голсон, доогуур үнэлсэн болно тиймээс тодорхой тоо хэлээд хэрэггүй.
Надаас асуух асуулт танд бий юу?
Эх сурвалж: mlctraining.mn
