Хил гаалийн байдлаас шалтгаалан хүнсний бүтээгдэхүүний татан авалтад үүсэж буй асуудлын талаар Хөдөө, аж ахуй, хөнгөн үйлдвэрлэлийн сайд З.Мэндсайхан мэдээлэл өглөө.
Тэрбээр “Засгийн газрын өнөөдрийн хуралдаанаар цар тахлын нөхцөл байдлын улмаас урд хөршийн хил дээр үүсээд байгаа сааталтай холбоотойгоор хүнсний бүтээгдэхүүний үнийг өсгөхгүй байх, нөөцийг нь бүрдүүлэх чиглэлээр тодорхой арга хэмжээг зохион байгуулах үүрэг авлаа.
Ингээд хил гаалиар хадгалалтын хугацаа багатай хүнсний бүтээгдэхүүнийг саадгүй нэвтрүүлэх чиглэлээр судалгаа хийж, арга хэмжээ авах зорилготой Шадар сайдаар ахлуулсан Ажлын хэсэг байгуулагдлаа.
Өнгөрсөн онд Засгийн газраас гол нэрийн хүнсний бүтээгдэхүүн болон элсэн чихэр, будааг гааль, НӨАТ-аас чөлөөлснөөр дөрөвдүгээр сараас хүнсний гол нэрийн бүтээгдэхүүний нөөц 2.6 дахин өссөн. Үүний үр дүнд бид үнийг тогтвортой байлгах нөхцөл бүрдсэн байв.
Гэвч зургаадугаар сараас олон улсын тээвэрлэлт саатсантай холбоотойгоор гаднаас захиалаад татахад блээн болсон байсан бүтээгдэхүүнүүд хилийн цаана буюу импортлогч оронд хадгалагдаж байна.
Өнөөдрийн байдлаар хүнсний гол нэрийн бүтээгдэхүүн хомсдолд ороогүй.
Гол нь Эрээний хил гааль хаагдсантай холбоотойгоор нарийн ногооны нийлүүлэлтийн асуудалд “шок” үүсэх эрсдэл харагдаж байна. Учир нь Эрээн боомт хэзээ нээгдэх нь тодорхойгүй байна.
Харин цагаан будаа, элсэн чихэр гэх мэт бүтээгдэхүүн 20-42 хоногийн нөөцтэй буюу зохистой түвшинд байгаа.
Бид богино хугацаанд арга хэмжээ авч чадвал дээрх бүтээгдэхүүний нөөцөд цаашид асуудал үүсэхгүй гэсэн дүгнэлттэй байна. Ажлын хэсэг ойрын хугацаанд хүнсний бүтээгдэхүүнийг тусгай горимоор нэвтрүүлэх боломжуудыг судалж, хамтын шийдэл гаргахаар ажиллаж байна” гэв.
Үргэлжлүүлэн “Өнөөдөр байгуулагдсан Ажлын хэсэг маргааш УОК-ын хуралдаанаар шийдлээ ярилцана. Бид хилийн цаана 90 орчим вагон цагаан будаа захиалсан ч авч чадаагүй байна. Мөн элсэн чихрийг урдаас татдаг. Энэ мэт гол нэрийн бүтээгдэхүүнийг яаралтай татаж авахаар тээвэр зохион байгуулалтыг шийдвэрлэх тал дээр анхаарч ажиллана” гэв.
Ene yamny yanzan buriin hunglulttui sangiin sanhuujiltyn neg hun awaad nogoo tarina geed baisan ysan be? Tatwar tulugchdiin tulsun mungunuus burdsen ter sang hoosolchihson biz dee ter nuhur? Sangiin urui tul gesen chin bi nogoo tarihaa boliloo inee teree geed bas shalchignaad bsan sanagdaj baina!!! Chadahgui bsan um bol yah gej hunglulttui sang hoosolj uchnuun udaan ter mungiig ergelduulj ashig hurtsen baidag boldoo!!! Bas boloogui ur sad n hurtel ene zasagt orchihson yawj baih jisheetei!!!! Getel ariljaany bankny undur huutei zeel awchihaad noir hoolgyi zutgej baigaa nogoochidoo yag ya geed baidag um boldoo!!!! Eee huurhii
Эндээс л улсын бодлого эхлэх ёстой. Улсаараа урдаас нарийн ногоо горьдоод сууж байх уу? Улс юм бол одоо нэг юм бодооч дээ. Юугаар ч бордсон нь үл мэдэх ногоо авч идээд , хайран мөнгөөрөө хордоод сууж байж болохгүй л баймаар. Төрт улс юм бол ядаж нарийн ногоо тарьж ургуулж байгаа компаниудаа эхний хоёр жил татвараас хөнгөлөөд, улсынхаа хэрэгцээг хангаж чаддаг болохоороо татвараа авдаг болж болохгүй юу??? Тэгвэл нарийн ногооны мөнгөө улс алдахгүй биз дээ..