Р.Булгамаа: Шүүх эмнэлэг анхны дүгнэлтээ бүрэн бус, тодорхойгүй гэдгээ хүлээн зөвшөөрсөн …

2017 оны 8 дугаар сарын 22-ноос 23-ндшилжих шөнө 13 настай М гэх охин \”Очир төв” гэх зочид буудалд амь насаа алдсан. Одоогоор М-ийг зочид буудал руу дагуулж орсон Ж, Б нарыг саатуулан шалгаж байна. Гэвч охины үхлийн шалтгаан \”архины гүн хордлого” гэж шүүх эмнэлэг дүгнэсэн. Үүнээс шалтгаалан мөрдөн байцаалтын явц удаашраад байна. Тэгвэл хэргийн мөрдөн шалгах явц аль шатандаа яваа болоод шинээр үүсч буй нөхцөл байдлын талаар өмгөөлөгч Р.Булгамаатай ярилцлаа.

Хүүхдийн эрхийг хамгаалах чиглэлд хуульчид нэгдэж ажиллах хэрэгтэй байна

-13 настай охины зүй бус үхэл олон нийтийн анхаарлыг татсаар байна. Таны хувьд энэ хэрэг дээр хохирогчийн талаар өмгөөлөгчөөр оролцож байгаа. Хохирогчийн аав танд хандаж хууль зүйн туслалцаа хүссэн гэсэн. Энэ талаар яриагаа эхлүүлэх үү?

Хохирогчийн хууль ёсны төлөөлөгч талийгаач М-ийн аав Т.Лхагвасүрэн \”хууль зүйн туслалцаа үзүүлээч ээ” гэж анх хандсан. Өнгөрөгч есдүгээр сард Ардчилсан Эмэгтэйчүүдийн холбооноос \”Охид эмэгтэйчүүдийн хүчирхийлэл хэрээс хэтэрлээ. Охидын эрхийг зөрчсөн маш олон гэмт хэргүүд гарч байна. Ялангуяа Эрдэнэтэд барилга дээрээс үсэрсэн хоёр охины асуудал олон хүний сэтгэлийг эмзэглүүлж, айдаст автуулж, түгшээсэн гэх мэт маш охид эмэгтэйчүүдийн эрх зөрчигдөж буй маш олон гэмт хэргүүдийн эсрэг дуу хоолойгоо нэгтгэж, тэднийхээ эрхийг хамгаалъя, бодлогын төвшинд асуудлыг дэвшүүлэн тавья” гэсэн агуулгатай хэвлэлийн хурал хийсэн юм.

Аав Т.Лхагвасүрэн нь энэ мэдээллийг олж үзээд \”та бүгд охидын эрхийг хамгаалах ажилд нэгдэж, дуу хоолойгоо өргөж байгаа юм байна. Бидэнд тохиолдсон асуудалд, охины минь амь насаа алдсан асуудалд тусламж үзүүлээч” гэж хандсан л даа. Ингээд тэдний хүсэлтээр \”өмгөөлөл хууль зүйн туслалцааг үнэ төлбөргүй үзүүлье” гэж шийдээд ажиллаж байна.

-Эрдэнэтэд байшин дээрээс үсэрдэг хоёр охины хэрэг үнэхээр сэтгэлсэрд хийлгэж байсан шүү. Учир шалтгаан нь юу байсан юм бол оо.Хүүхдүүдийн амиа хорлолт нилээд өсч байна. Энэ талаар таны байр суурь.

-Хүүхдүүдийн амиа хорлолтын асуудал үнэхээр сэтгэл эмзэглүүлж байгаа. Ялангуяа Эрдэнэтийн хоёр охины асуудал нийгэмд нэлээд яригдаж байгаад намжиж байх шиг байна. Чухам амиа хорлох шалтгаан нь юу байсан бэ гэдэг нь анхаарал татаж байгаа. Монгол Улсын Прокурорын байгууллагаас Эрүүгийн хуульд заасан \”Амиа хорлох” гэх гэмт хэрэгтэй холбогдуулан тоон судалгаа гаргасан байна. Энэ судалгаанаас харахад сүүлийн 5 жилийн хугацаанд 2055 хүн амиа хорложээ. Эдгээрийн 605 нь өсвөр насныхан мөн 25 хүртэлх насны залуучууд байна. Энэ нь жилд дунджаар 100 гаруй хүүхэд амиа хорложээ гэж ойлгож болохоор.

Сүүлийн жилүүдэд энэ тоо улам л өссөөр байна. Энэ төрлийн гэмт хэрэг яагаад өсөөд байна вэ гэдэг шалтгааныг тогтоох шаардлага гарч ирж байна шүү дээ. Учир шалтгааныг маш зөв тодорхойлох ёстой. Ингэж байж л цаашид ийм төрлийн гэмт хэрэг гарахыг таслан зогсоож, урьдчилан сэргийлж чадна.

Манай Ардчилсан эмэгтэйчүүдийн холбооноос анх энэ асуудал дээр анхаарлаа хандуулж хүүхдийн эрхийг хамгаалах чиглэлд \”хуульчид нэгдэж ажиллая” гэсэн санаачлагыг гарган ажиллаж байна.

 

Цогцсыг газар дороос ухаж гаргаж ирээд дахин шинээр
шинжилгээ хийх шаардлагатай болж байна гэсэн 

-Одоо өмгөөлж буй хэргээс танд асууж тодруулах зүйл байна. 13 настай охины амь насаа алдсан хэргийн мөрдөн байцаалт ямар шатандаа явна. Их удааширч байгаа санагдах юм?

 

– Талийгаач М-тэй холбогдох хэргийн мөрдөн шалгах ажиллагаа үргэлжилж байна. Гэмт хэрэг наймдугаар сарын 22-23-нд шилжих шөнө гарсан. Гэвч мөрдөн шалгах ажиллагаа явагдсаар бараг гурав дахь сардаа орж байна. Ээдрээтэй олон асуудал бий. Гэсэн хэдий ч мөрдөн шалгах ажиллагаа тун хангалтгүй, удаан явагдаж байна гэдэгт бид шүүмжлэлтэй хандаж байгаа. Удаа дараа өмгөөлөгчид болон ар гэрийнхнийх нь зүгээс мөрдөн шалгах ажиллагааны явцад хүсэлт, шаардлагуудыг тавьсаар байна. Мөрдөн шалгах ажиллагаа удаан явагдаж байгааг нотлох зүйлс олон байна.

Гэмт хэрэг нь тодорхой, үйлдсэн этгээдүүд тодорхой, хэрэг болсон газрын бүхий л зүйлс камерт бичигдэж нотлогдож байгаа. Гэтэл яагаад мөрдөн шалгах ажиллагаа ингэтлээ удаж байна вэ гэдэг нь анхаарлыг маш ихээр татаж байна.

Мөн олон таамаг дэвшүүлж болмоор байгаа юм. Нэгдүгээрт, хамгийн гол гогцоо болж байгаа асуудал бол шүүх эмнэлгийн дүгнэлт юм. Шүүх эмнэлгийн дүгнэлтийг ар гэрийнхэн нь тэсэн ядан хүлээж байсан. Гэтэл дүгнэлттэй танилцаад маш их урам хугарсан л даа. Биднийхүсчхүлээж байснаас эсрэг дүгнэлтийг танилцуулсан юм. Тиймээс хохирогчийн ар гэрийнхэн өмгөөлөгчидтэйгээ зөвлөлдөөд \”дахин шинжилгээ хийлгэе” гэсэн хүсэлтийг тавьсан. Ингээд шинэчлэн найруулсан хуулиар Прокурор хүсэлтийг хянаж, дахин шинжилгээ хийлгэх тогтоол гаргасан. Уг нь мөрдөн байцаагчид өөрсдөө прокурорын зөвшөөрлийг хүлээлгүйгээр хүсэлтийг хүлээн аваад дахин шинжилгээ хийх тогтоолыг шүүх эмнэлэгт хүргүүлдэг байсан юм.

Энэ процессууд хуулийн хүрээнд маш их хугацаа алдах нөхцөл байдлыг бий болгож байна. Ингээд шүүх эмнэлэг дээр асуудлыг 20 гаруй хоног шалгаж байгаад хариу өглөө. Дахин шинжилгээний дүнг ар гэрийнхэн нь 20 гаруй хоног хүлээсэн.

ШШҮХ-ээсдахин шинжилгээний дүнг бидэнд өгөх бус экскумаци буюу \”тухайн цогцсыг газар дороос ухаж гаргаж ирээд дахин шинээр шинжилгээ хийх шаардлагатай болж байна” гэсэн зүйлийг бидэнд мэдэгдсэн. Үндсэндээ өмнө нь хийгдсэн шинжилгээний дүн мэдээямарчүндэслэлгүй болж байна гэсэн үг л дээ. Шүүх эмнэлгээс өгсөн энэ мэдээллийг сонссон ар гэрийнхэн нь маш хүнд байдалд ороод байна. Үнэхээр цас ханзалж, хөлдсөн газрыг ухаж, үр хүүхдийнхээ цогцсыг гаргаж ирж дахин шинжилгээнд хамруулна гэдэг асуудлыг хүлээн зөвшөөрөх ямар ч боломжгүй.

Талийгаачийн гэрийнхэн \”Энэ хорвоогоос явахдаа тамлагдаж явсан. Явсан хойноо тайван нойрсог дээ” гэжхүсчбайгаа. Гэвч шүүх эмнэлгээс үнэхээр ёс зүйгүй үйлдэл хийхийг шаардаж байна.

Шүүх эмнэлэг задлан шинжилгээний ажлаа яагаад анхнаас нь үнэн зөв, бодитой хийж болоогүй юм бэ. Анх л задлан шинжилгээ хийж байхдаа хэрэгтэй бүхий л мэдээллээ авах ёстой биз дээ. Гэтэл хөлдсөн газар ухуулж, хөдөөлүүлсэн цогцсыг дахин гаргаж ирж, задлан хийнэ гээд байх юм. Энэ асуудлыг ар гэрийнхэн нь хүлээн зөвшөөрөхгүй гэдгээ мэдэгдэж, өнгөрсөн 7 хоногт нэлээд л юм боллоо.

-Шүүх эмнэлгийн өмнөх дүгнэлтэд тодруулах шаардлагатай юу байсан бэ?

-Охины биед үүссэн эмгэгүүд, гэмтлүүд дээр маш тодорхой дүгнэлт авмаар байна. Тухайлбал, тархинд харвалт үүссэн гэсэн дүгнэлт байна. Гэвч яг хаана хэрхэн үүссэн талаар тодорхой мэдээлэл алга. Мөн уушгины цэгэн харвалт үүссэн гэж байгаа. Гэтэл энэ харвалт нь архи ууснаас болж үүсдэггүй. Амьсгал бүтэлттэй холбоотой үүсдэг гэмтэл гэдгийг мэргэжлийн хүмүүс хэлж байгаа. Хүзүүн доорх 2/1 хэмжээтэй цусан харвалт гэж дүгнэлтэд байгаа. Тэр бол архи ууснаас болж үүсэхгүй. Гадны ямар нэгэн нөлөөллөөс болж үүссэн гэмтэл юм. Дээр нь шүүх эмнэлгийн дүгнэлтэд бичигдээгүй хэд хэдэн гэмтлүүд байна. Задланд орсны дараагаар  Т.Лхагвасүрэн охиныхоо цогцосны талаар \”хамар нь мурийлттай, уруул нь язралттай байсан” гэж хэлсэн. Гэтэл энэ тухай шүүх эмнэлгийн дүгнэлтэд бичигдээгүй байна. Хавтаст хэрэгт тусгагдсан зурагнуудад нүүрэн хэсгийн гэмтлүүд маш тодорхой харагдаж байгаа шүү дээ. Энэ бүгдийг өмнөх нь задлан шинжилгээ хийхдээ олж мэдсэн л байх учиртай. Гэтэл бидний тодорхой дүгнэлт шаардсан даруйд \”Дахин задлан шинжилгээ хийнэ. Цогцсыг дахин ухаж гаргаж ир” гэлээ. Ийм зүйл байж болохгүй биз дээ.

-Шүүх эмнэлэг дутуу шинжилгээ хийчихсэн юм болов уу?

-Шүүх эмнэлгийн тухайн үед ажиллаж байсан задлангийн эмч нар ажилдаа үнэхээр хариуцлагагүй хандсан. Жишээ нь дүгнэлтэд \”Үзэгдэх шүд үгүй” гэж бичсэн байгаа юм. Үүнийг бид зөв талаас нь бодох гэж их оролдсон. Тэгээд \”Амны хөндийд үзэгдэх шүд үгүй” гэж бичих гэж байгаа юм болов уу, эсвэл \”унасан, сугарсан шүд байхгүй” гэж бичих гэж байсан юм болов уу гэж таамаглахыг оролдсон. Гэвч яаж ч эерэгээр ойлгохыг хичээсэн \”шүд үгүй” гэсэн өгүүлбэр \”амны хөндий дэх шүднүүд байхгүй байна” гэсэн ийм л ойлголтыг өгч байна. Энэ бол шүүх эмнэлгийнхний хариуцлагагүй байдал. Бидний харж байгаагаар цогцсыг газраас ухаж гаргаж ирээд \”аман дотор нь шүд байжээ” гэж дүгнэлт гаргах гээд байгаа юм болов уу. Тийм байсан ч шүүх эмнэлгийн буруу болно.

Шүүх эмнэлгийн дүгнэлт тухайн хүний биед авсан гэмтэл үхлийн шалтгаан болж байна уу, үгүй юу гэдгийг тогтоох ганц баримт шүү дээ. Гэтэл хөнгөн, хуумгай хандаж, тун хариуцлагагүй дүгнэлт гаргасан байна.

Мөн үүнийг нь лавлаж, илүү дэлгэрэнгүй дүгнэлт авъя гэж хандахад 20 гаруй хоног удаасны эцэст цогцос дээр дахин шинжилгээ хийе гэж мэдэгдэж байгаа нь тун харамсалтай байна. Шүүх эмнэлгийг бүхэлд нь буруутгахыг хүсэхгүй байна. Тухайн үедзадландорсон нэр устай тодорхой хүмүүс бий. Тэд хариуцлагагүй ажилласан. Үнэндээ шүүх эмнэлгийн дүгнэлттэй холбоотой мөрдөн шалгах ажил удааширч, гацаад байгаа юм.

Ийнхүү шүүх эмнэлгийн дүгнэлтээс хамаараад мөрдөн байцаах ажиллагаа удаашрах шалтгаан болоод байгаа тул шинжээч нарыг хардахад хүрээд байна. Ар гэрийнхний зүгээс эдгээр албан тушаалтангуудыг АТГ-т хандан шалгуулах санал хүсэлтэй байгаа.

-Анх шүүх эмнэлэг яг юу гэж дүгнэсэн юм бэ?

-Шүүх эмнэлгийн дүгнэлт дээр дурдагдсан гэмтлүүд нэгтгэгдэж гаргах ёстой. Гэтэл охины үхлийн шалтгааныг архины гүн хордлого орсон гэж дүгнэсэн. Энгийн хүний нүдээр харахад байгаа эдгээр гэмтлүүд, тэр цус харвалтууд охиныг амиа алдахад хүргэсэн гэдэг нь ойлгомжтой. Үнэхээр үхэлд согтолт нөлөөлсөн үү, эсвэл хүчиндэх явцад бие хүнд гэмтэл учирсан уу гэдгийг шүүх эмнэлэг тогтоох ёстой байсан. Гэвч дутмаг шинжилгээ хийснээс болоод дахин шинжилгээ хийхэд хүрчхээд байна.

13 настай хүүхэд ганцаараа хоёр шил архи ууна гэж байх уу

-5.4 промилл спирт уушгинаас нь илэрсэн гэж аав нь ярьсан байсан. Энэ нь үхэлд нөлөөлөөгүй гэж үү?

– Бодоод үз дээ 13 настай охин. Монгол Улсын Эрүүгийн хуульд 14 хүртэлх насны хүүхдийг \”бага насны хүүхэд” гэж нэрлэнэ гэж тодорхойлсон байдаг. Талийгаачийн хувьд 13 настай. Тэгэхээр бага насны хүүхэд гэдэг ангилалд хамаарна. Гэтэл бага насны хүүхэд ганцаараа бараг хоёр шил архи уучихсан байна. Ийм зүйл байх боломжгүй биз дээ. 2.4-өөс дээш промилл гарвал хүн өөрийгөө хянах чадвараа алдаж, тасарч эхэлдэг гэж үздэг. Тэгэхээр түүний ам руу архи цутгажээ гэж үзэхээс аргагүй байгаа юм. Хүзүү, нүүрэнд нь учирсан гэмтлүүд ч ийм зүйл болсон байж болзошгүй гэх хардлагыг төрүүлж байгаа.

Архи бол хор. Тэгвэл хор гэдэг зүйлийг охины ам руу цутгасан нь хүний амь насанд санаатайгаар халдсан гэж үзэхээс аргагүй. Үүнийг хуулийн байгууллага анхааралтай харж оновчтой дүгнэлт гаргана гэдэгт найдаж байна.

-Охиныг ганцаараа л архи уусан мэтээр мэдээлж байгаа. Сэжигтнүүдийн согтолтын зэргийг тогтоогоогүй юм уу?

-Гэмт хэрэгтнүүд буюу сэжигтнүүд насанд хүрсэн этгээдүүд. Энд нэг анхаарал татсан асуудал байна. Талийгаач ганцаараа архи уучихсан байсан мэтээр нийгэмд мэдээлж байна. Гэмт хэрэг үйлдсэн сэжигтэн этгээдүүд уугаагүй болж таараад байна. Яагаад гэвэл тэдний цуснаас архины болоод согтолтын зэрэг илрүүлэх шинжилгээ аваагүй байдаг. Яагаад аваагүй вэ гэдэг нь л анхаарал татаж байгаа юм. Үүн дээр Хууль зүйн дотоод хэргийн сайд, Цагдаагийн газрын дарга анхаарлаа хандуулаасай гэж хүсч байгаа.

Энэ бол тухайн хэрэг дээр ажиллаж байсан цагдаагийн байгууллагын мөрдөн байцаагчийн хариуцлагагүй байдлаас үүдэлтэй асуудал юм. Хэргийн газар бүрэлдэхүүн очоод нэг этгээдийг нь баривчлаад авч явсан. Нэг нь цагдаагийн бие бүрэлдэхүүн ирэхээс нь өмнө хэргийн газраас оргон зайлсан. Гэтэл баривчлагдсан этгээдээс согтолтын зэргийг нь тогтоох ямар ч шинжилгээ хийгээгүй байгаа юм. Ядаж баривчлагдсан үед нь замын цагдаа дуудаад драйгер үлээлгээд үзэж болно биз дээ. Гэвч тийм зүйл байсангүй. Энэ мөрдөн байцаагчийн ажилдаа хариуцлагагүй хандсаны илрэл юм. Нөгөөтээгүүр цагдаагийн байгууллагад яаралтай үед шинжилгээ авах, цусны дээжийг хадгалах багаж төхөөрөмж байхгүй байгаа нь ийм нөхцөл байдлыг бүрдүүлж байна.

Хэргийн газраас зугтсан нөхрийг цагдаа барьж аваагүй. Ах нь \”хэрэг чинь хүндэрч болзошгүй” хэмээн хэлээд цагдаагийн газар авч ирж өгсөн байгаа юм. Хүн амины гэмт хэрэг гарсан байхад сэжигтнүүдийг батлан даалтад гаргаадявуулчхаж. Ийм зүйл байж болох уу. Хүн амины хэрэг битгий хэл зодолдсон хоёр нөхрийг барьж аваачаад саатуулдаг биз дээ. Гэтэл бага насны хүүхдийн амь нас хохирсон хэрэг гарч, нэг нь хэргийн газраас зугтсан байхад батлан даалтад гаргаж, \”гадуур шалгая” гээд явуулж байгаа мөрдөн байцаагч, жижүүрийн прокурор нарын үйл ажиллагааг үнэндээ ойлгохгүй байгаа юм.

-Тэгэхээр энэ хэргийг шалгах явц анхнаасаа л алдаа дутагдалтай байсан юм биш үү?

-Шууд тэгэж хэлэхэд бас хэцүү л дээ. Гэхдээ мөрдөн байцаагчийг ажлын туршлагагүй учраас алдаа гаргажээ гэж бодож байгаа. Хэрэг бүртгэгчээс мөрдөн байцаагч болсон хүндэвтэр гэмт хэрэг дээр ажиллаж үзээгүй, туршлага дутмаг нэгэн байжээ гэж ойлгож байгаа л даа. Энэ байдал бас л анхаарах ёстой асуудлын нэг. Хууль зүйн шинэчлэл нэрийдлээр эрх зүйн зохицуулалтыг өөрчилж болно. Гагцхүү тэр өөрчлөлтийн хүрээнд ажиллах мэргэшсэн ажилтан албан хаагч байна уу гэдэг л хамгийн амин чухал асуудал.

-Хэргийг шалгах явцад дөрвөн ч байцаагч солигдлоо. Энэ ямар учир шалтгаантай юм бол?

-БЗД-ийн хоёрдугаар хэлтэс хэргийг шалгаж байгаад Нийслэлийн Онц хүнд гэмт хэрэгтэй тэмцэх хэлтэст шилжиж ирсэн. Түүнтэй холбоотой мөрдөн байцаагч солигдсон. Гэвч тус мөрдөн байцаагч нь тэтгэвэртэй гарах болсон гэх шалтгаанаар дараагийн байцаагч руу шилжүүлсэн. Ингээд л мөрдөн байцаагч солигдох бүр ар гэрийнхэн нь шинээр хэрэг үүсгэж, дахин хүсэлт өгдөг. Эхнээс нь асуудлаа танилцуулдаг байдал үүсч байгаа юм. Үүнээс тухайн хэрэг дээр тогтвортой ажиллах хүн байгаагүйгээс хэргийн мөрдөн шалгах ажиллагаа удаашрахад хүргэж байна гэж дүгнэж болохоор. Бүхий л зүйл нь тодорхой байгаа энэ хэргийн үр дүн аль эрт гарчих боломжтой байсан л даа.

Хүний зүй ёсонд нийцэмгүй үйлдэл гаргаж байгаа этгээдүүдэд бүх насаар нь хорих ял өгөх хэрэгтэй

-Талийгаач охины талаар янз бүрийн мэдээллүүд гарч байна. Энэ талаар эцэг эхээс нь асуухад бэрх л даа. Харин та өмгөөлөгчийн хувьд ямар мэдээлэл өгөх вэ?

-Хэрэг гарснаас сарын дараа ийм мэдээллүүд явж эхэлсэн. Харамсалтай байна. Охиныг таньдаг, мэддэг бүхий л хүмүүс зан байдлыг нь тодорхойлсон ярилцлага мэдээллүүдийг өгч эхэлсэн. Бид мөрдөн байцаагчид \”охины хувийн зан байдлыг тодорхойлж, мөрдлөг явуулаач ээ. Ангийнх нь хүүхдүүдээс, багш нараас нь мэдүүлэг аваач ээ” гэж хүсэлт хүртэл гаргасан. Өмгөөлөгчид очиж, шахаж, шаардаж, мөрдөгчид хүсэлт гаргаж байгаа юм шүү дээ.

-Шинэ хуулиар бага насны хүүхдийг хүчирхийлсэн этгээдэд оноох ял шийтгэл хөнгөрсөн гэж мэдээллүүд яваад байна. Та хуульч хүний хувьд шинэ хуулиар оногдуулж байгаа ял шийтгэлийг юу гэж харж байгаа вэ?

-Ер ньшинэчлэннайруулсан Эрүүгийн хуулиар хүчиндэх гэмт хэргийн шийтгэл нь хуучин эрүүгийн хуультай харьцуулахад хөнгөрсөн. Хуучин 15-25 жил болон цаазаар авах ялоногдуулна, цаазаар авах ял ногдуулна гэж байсан. Одоо бол 12-20 жил болон бүх насаар нь хорих ял шийтгэнэ болж өөрчлөгдсөн. Бага насны хүүхдийг хүчиндсэн тохиолдолд цаазаар авах гэдэг ялыг бид эрүүгийн хууль тогтоомжоосоо халсан. Эндээс дүгнэхэд хорих ялын доод хэмжээ хэтэрхий бага байна гэж үзэж байгаа.

Гэтэл 12 жил гэж хуульд тусгаад, засран хүмүүжиж байна гэж явсаар байгаад хэдхэн жил ял эдлээд гарч ирэх боломжийг шинэ хууль олгож байна. Жигшим хэрэг үйлдсэн этгээд ялаа эдэлчхээд гарч ирээд амьдрал нь үргэлжилнэ. Харин сүүн шүд нь ч ургаж гүйцээгүй балчир насандаа хүчирхийлэлд өртсөн хүүхэд үлдсэн бүхий л амьдралдаа сэтгэл зүйн гүн дарамттай, амьдрал итгэх итгэл байхгүй, гэрэл гэгээгүй, хар барааныг харж хоног өдрүүдийг өнгөрүүлнэ. Үүнийг л бодмоор байгаа юм.

Хүчиндэх гэмт хэрэг сүүлийн жилүүдэд маш их өсч байна. Шүүх эмнэлгээс хийсэн мэдээллээр 650 гаруй тохиолдол шинжилгээнд орсон байгаа юм. Гэвч үүнээс 120 гаруй нь шүүхээр шийдвэрлэгдсэн байгаа юм. Үлдсэн нь яасан бэ гэдэг асуудал анхаарал татаж байгаа биз.

Хүний ёсонд баймгүй гэмт хэргүүд сонсогддог боллоо шүү дээ. Ийм хүний зүй ёсонд нийцэмгүй үйлдэл гаргаж байгаа этгээдүүдэд бүх насаар нь хорих ял өгөх, сэтгэл зүйн эмгэгтэй үлдсэн хохирогчдод сэтгэл зүйн нөхөн сэргээх үйлчилгээг хүртээмжтэй үзүүлдэг тогтолцоог шийдэж өгөх хэрэгтэй.

-Ярилцсанд баярлалаа.  

Ярилцсан: Л.Тамир