Ө.Даваажаргал: Бусад улс орнууд соёл урлагаар дамжуулж хүчтэй бодлого явуулж байна

Соёл урлагийн улсын хоёрдугаар чуулган болж байгаатай холбогдуулан Монголын
Уран зургын галерейн менежер Ө.Даваажаргалаас тус чуулганы талаар асууж тодрууллаа.  

– Соёл урлагийн
улсын хоёрдугаар чуулганаар ямар асуудлууд хэлэлцэв?

–2007 оноос хойш хоёр
дах удаагаа зохиогдож буй энэ удаагийн Соёл урлагийн улсын хоёрдугаар чуулган
нь \”Соёл урлаг үндэстний дархлаа” сэдвээр зохион байгуулагдаж байна. Чуулганы
нээлтэд  Монгол улсын   Ерөнхий
сайд У.Хүрэлсүх оролцож мэндчилгээ дэвшүүлж үг хэллээ. Тэрээр Монгол улсын
Засгийн газар соёл урлагт зарцуулах санхүүжилийг нэмэгдүүлхэд онцгой анхаарна
гэдгээ илэрхийлж, чуулганы үйл ажиллагаанд амжилт хүссэн. Мөн УИХ, Засгийн
газрын гишүүн, БСШУСЯ-ны  сайд Ц.Цогзолмаа
\”Соёл урлаг үндэстний дархлаа”сэдвээр илтгэл тавьлаа.  Чуулганд оролцож байгаа байгууллагууд болон
төлөөлөгчид  чуулганы үеэр соёл урлаг бол
нийгмийн сайн сайхныг бүрдүүлж, өв соёл уламжлалаа түгээн дэлгэрүүлхэд  гол нөлөө үзүүлдэг чухал салбар гэдгийг өөр
өөрсдийн тавьсан илтгэлүүддээ дурьдлаа. Соёл урлагийн ажилтны хоёрдугаар чуулганы
хүрээнд \”Соёл урлагийн салбарын тогтвортой хөгжил, удирдахуйн шинэлэг хандлага”сэдэвт
сургалт зохион байгуулагдлаа.  Тиймээс
энэ салбарт ажиллаж буй ажилтнууд бид чуулганаар соёлын бодлогын талаар дорвитой
арга хэмжээ авахыг төр засгаас хүсэн өөрсдийн өмнө тулгамдаж байгаа асуудлууд, манай
орны соёлын орон зай, соёл урлагийн салбарын хүний нөөцийн өнөөгийн байдал,
ажилчдын нийгмийн асуудал,салбарын цаашдын чиг хандлага зэрэг асуудлуудыг авч хэлэлцлээ. 

–Чуулганд соёл урлагийн ямар салбар байгууллагын
төлөөллүүд оролцов?  

–Чуулганд театр,
соёлын ордон, музей, номын сан,кино урлаг, цирк гээд аймаг нийслэлийн соёл
урлагийн бүхий л төрлийн удирдах ажилтнын төлөөлөл болон соёл урлагийн чиглэлээр
үйл ажиллагаа явуулдаг иргэний нийгмийн байгууллага, хувийн хэвшлийн төлөөллүүд
гээд 500 гаруй хүн оролцлоо.    

– Соёл урлагийн салбарт тулгамдаж буй ямар асуудлууд
байна гэж та үзэж байна вэ?

–Яг үнэндээ манай
соёл урлагийн салбарт төрөөс анхаарч байгаа байдал маш дутмаг, өөрийн гэсэн
байргүй, түрээсийн байранд үйл ажиллагаа явуулдаг соёл урлагийн байгууллагууд
маш их байдаг. Манай галерей гэхэд л
түрээсийн байранд үйл ажиллагаагаа явуулдаг. Хадгалалтын стандартад нийцсэн
зориулалтын сан хөмрөгийн өрөөгүй гээд ярьвал маш их асуудал байна.     

– Та түрүүн хэллээ. Энэ удаагийн чуулган \”Соёл урлаг
үндэстний дархлаа” сэдвээр болж байна гэж. Тэгвэл манай улсын соёлын дарлаа
ямархуу хэмжээнд байна гэж та үзэж байна вэ?   

Дэлхийн бусад улс
орнууд ялангуяа Хятад, Солонгос зэрэг орнууд өөрийн соёл урлагаараа дамжуулж, зөөлөн
хүчний бодлого маш хүчтэй явуулж байна. Үүний нэг тодорхой жишээ нь тэдгээр
орнуудын кино, соёл урлаг, хамтлаг ,үндэсний хувцас, хоол хүнс зэргийг нэрлэж
болно. Харин манайд бол бүх зүйл эсрэгээрээ байдаг. Жишээ дурьдахад  Хятад улс манай зураач уран бүтээлчдийг нутагтаа
урьж авчруулан тэдэнд өндөр цалин хөлс олгож, тэднээр уран бүтээл туурвиулж
байна. Энэ нь эргээд тэдний улсын бүтээл болно уу гэхээс Монгол улсын бүтээл туурвилд
тооцогддоггүй. Гэтэл манай улс дүрслэх урлагийн шилдэг бүтээлийг тухай уран
бүтээлчээс улсын сан хөмрөгт худалдан авахдаа 40 хүрэхгүй сая төгрөг төсөвлөдөг
нь үнэхээр чамлалттай. Мөн манай галерей  оны шилдэг бүтээл шалгаруулах үзэсгэлэн зохион
байгуулж, тэр дундаас 4-5 бүтээл шалгаруулан уран бүтээлчдээс үнийг нь буулган
авдаг. Хэдийгээр төр засгаас улсын сан хөмрөгийг баяжуулхад тодорхой хэмжээгээр
анхаарч байгаа нь сайшаалтай боловч уран бүтээлчдээ үнэлэх үнэлэмж нь үнэхээр бага
байна.    

– Цаг зав гарган ярилцсан танд баярлалаа.

Ж.Батдорж