М.Зоригт сайд эх орондоо үйлдвэрлэсэн автобусыг яагаад \”голов\”

Евро-4 хөдөлгүүртэй J-800Т автобуснууд нийслэлийн иргэддээ үйлчлээд эхэллээ.
Монгол инженерүүдийн ур ухаан шингэж бүтсэн автобус гэдгээр бахархан хүлээн
авах хүн олон байна. Хэрвээ сууж үзсэн цонх цантахгүй, цэвэрхэн гээд л магтах
зүйлс олонтоо \”ногоон” нийслэлийн тээвэр нэмэгдэж, иргэддээ үйлчлээд долоо
хонож байна.

 

 

Бид эх орондоо яг \”үйлдвэрлэлээ” гэж ам
бардам хэлэхгүй ч ямартай ч автобус зэргийг угсраад байж чадвартай гэдгээ
нотолж байгаа нь сайшаалтай. Хамгийн гол нь тээврийн хэрэгсэл үйлдвэрлээд
эхлэхээр үүнийг дагаж, нэмүү өртөг шингэж, ажлын байр бий болж, аж үйлдвэрлэл
хөгжих боломж бүрдэж байгаа өнөөгийн нийгэмд ач холбогдолтой.

Цантахгүй, хорт утаа ялгаруулахгүй гээд \”ногоон”
автобусыг магтах зүйл олон л доо. Мөн Монгол Улс жилээ 120 ширхэг яг ийм автобус үйлдвэрлээд байх бүрэн боломжтой гэж албаныхан тайлбарласан. Өөрөөр хэлбэл дахин өөр улсаас автобус авах шаардлагагүй болсон гэж ойлгогдож байв. Гэвч
энэ сайхан мэдээний хажуугаар сэтгэл гонсойлгох нэгэн мэдээ цацагдах боллоо.Тэр юу вэ гэвэл, Зам тээврийн сайд М.Зоригт өөрийн твиттер хуудаснаа \”Солонгосоос
300 автобус худалдаж авна” гэх мэдээллийг хуваалцсан явдал юм.

 

 

Энэ мэдээллийг тодруулбал, Зам тээврийн
сайд М.Зоригт \”Сайдын цаг” уулзалтаар хэвлэлийнхэнд мэдээлэл хийсэн бөгөөд тус
мэдээллийн үеэр \”БНСУ-ын Экзим банкны бага хүүтэй зээлээр нийтийн тээвэр, хот
хоорондын зорчигч тээврийн компаниудын парк шинэчлэлийг хийж, том, дунд оврын
300 автобус оруулж ирэхээр болсон” гэж мэдэгджээ.

Парк шинэчлэл хийх хүрээнд автобуснуудыг
шинэчлэх нь зүйтэй. Гэвч яагаад гаднаас зээл тусламж аван байж хуучирсан
автобуснуудаа шинэчлэх гээд байна вэ гэх асуулт гарч ирж байна. Учир нь бид
өөрсдөө автобусаа үйлдвэрлэдэг болчихлоо шүү дээ. Өнөөдөр хотын хөдөлгөөнд
оролцоод, нэгдүгээр эгнээг шинэ ногоон автобуснууд чимээд л явж байна. Гэтэл
салбарын сайд нь яагаад энэ үйлдвэрлэлийг дэмжихгүй, тоохгүй зээл тусламж аван
байж гаднаас автобус оруулж ирэх гээд байгааг гайхах юм.

Эсвэл стандарт шаардлагад нийцэхгүй
автобус үйлдвэрлэчихсэн учраас салбарын сайд нь \”ногоон” автобуснуудыг гол,
өндөр хөгжилтэй орны автобусыг илүүд үзэв үү. Ер нь манай нийтийн тээврийн
үйлчилгээнд БНСУ-д үйлдвэрлэгдсэн автобуснууд голлон оролцдог. Саяхнаас явж
эхэлсэн угсраа автобусыг эс тооцвол нийтийн тээврийн салбар БНСУ-ын автобусаар
бүрэн хангагджээ.

 

 

Бид өөрсдөө хийж чадаж байж яагаад гадны
орноос авах гээд байгаа юм бол. Харин ч эх орондоо хөрөнгө
оруулалт хийвэл сайн баймаар. Гэвч эх орноо үйлдвэрлэлээ дэмжихийн оронд
БНСУ-аас автобус авахыг илүү үзэж байгааг ойлгоход бэрх л байна. Уг нь олон залуус ажилтай бол үүнийгээ дагаад үр шим нь эх орондоо л шингэмээр…

Үндэсний
үйлдвэрлэлээ дэмжье хэмээн лоозогнодог хүмүүс бол манай улс төрчид. Гэвч үнэн
байдал дээрээ гадны бүтээлийг шүтсээр л байна.

А.Аюуш