Монгол банкнаас 2019 оны зургаадугаар сарын мөнгөний инфляцийг гаргажээ. Монгол улсын төв банкны тухай хуульд Монголбанкны үндсэн зорилт нь төгрөгийн тогтвортой байдлыг хангах гэж тодорхойлсон. Энэхүү зорилтынхоо хүрээнд инфляцийг нам түвшинд тогтворжуулснаар иргэдийн бодит орлого, хөрөнгийг үнэгүйдлээс хамгаалж, банк санхүүгийн тогтолцооны тогтвортой байдал хангагдах нөхцлийг бүрдүүлэх төдийгүй урт хугацаанд хөрөнгө оруулалт, эдийн засгийн өсөлтийн тогтвортой байдлыг дэмжин ажилладаг юм.
Монгол банкны мөнгөний бодлогын хорооны хамгийн сүүлчийн хуралдаан 2019 оны зургаадугаар сарын 19-ны өдөр болж, энэхүү ээлжит хурлаар Бодлогын хүүг 11 хувьд хэвээр хадгалах шийдвэр гаргаад байгаа билээ.
Хэдийгээр эдийн засгийн дотоод эрэлт өндөр түвшинд хадгалагдаж байгаа ч гадаад орчны тодорхой бус байдал, эрсдлийг өндөр болгож байгаа юм. Хөрөнгө оруулалт, төсвийн зардлын өсөлт, мөнгөний бодлогын төлөв, бизнесийн зээлийн өсөлт эдийн засгийн өсөлтөд эерэг нөлөө үзүүлж байгааг хэлэх нь зүйтэй. Хэдийгээр эдийн засгийн өсөлт өндөр түвшинд хадгалагдаж байгаа ч инфляцийг 8 хувийн орчимд тогтворжуулах Төв банкны зорилт хэрэгжих боломжтой байгаа юм.
Жилийн инфляци 2019 оны тавдугаар сард улсын хэмжээнд 7.9 хувьтай байгаа бол Улаанбаатар хотын жилийн инфляци 8.8 хувьтай байна. Үүний нь 4 нэгж хувийг мах, шатахуун, хатуу түлшний үнийн өсөлт бүрдүүлжээ. Оны эхний дөрвөн сарын байдлаар махны үнэ улирлын байдлын дагуу өсч байсан боловч тавдугаар сард нийлүүлэлтийн шинжтэй доголдол бий болсноор үнэ нь огцом өссөн билээ. Энэхүү огцом өсөлт нь Улаанбаатар хотын инфляцийн 2.4 нэгж хувийг бүрдүүлсэн байна. Богино хугацааны төсөөллөөр махны үнэ улирлын чиг хандлагын дагуу буурах хандлагатай байгаа боловч зах зээлийн нийлүүлэлтийн сүлжээ, дэд бүтэц болон экспортын эрэлт, улирлын онцлогоос шалтгаалан дөрөвдүгээр улиралд хүлээлтээс давсан байдалтай өсч болзошгүй байгааг онцлоё.
Инфляцийн өсөлтөд мах, шатахуун, хатуу түлшний үнэ хамгийн ихээр нөлөөлжээ
}
Шинэ мэдээ
