![\"\"](http://prokuror.mn/uploads/posts/2016-08/1471405444_1461043298_1.jpg "\\"\\"")
Тус арга хэмжээнд нийт 45 хэвлэл, мэдээллийн байгууллага, сэтгүүлчид оролцож олны анхаарал татаж хэвлэл, мэдээллийн хэрэгсэлээр олонтаа мэдээлэгдсэн эрүүгийн зарим хэргүүдийн явц, шийдвэрлэлтийн талаар асууж хариулт авсан юм.
Хэвлэлийн хуралд зориулан бэлтгэсэн 2016 оны эхний 7 сарын ажлын талаархи дэлгэрэнгүй мэдээллийг байршууллаа.
ПРОКУРОРЫН БАЙГУУЛЛАГААС 2016 ОНЫ ЭХНИЙ 7 САРД
ХИЙСЭН АЖИЛ
1. Хэрэг бүртгэх, мөрдөн байцаах ажиллагаанд хяналт тавих чиглэлээр
а.Захиргааны зөрчлийн хэрэг бүртгэх ажиллагаанд тавьсан хяналm:
Захиргааны зөрчлийн хэрэг бүртгэх ажиллагаанд тавих хяналтын чиглэлээр 70 гомдол, хүсэлт, мэдээлэл хүлээн авч, 22667захиргааны зөрчлийн материалыг хянаснаас үндэслэлгүйгээр захиргааны арга хэмжээ авсан 110 шийтгэврийг хүчингүй болгож,үүнээс 5-д нь эрүүгийн хэрэг үүсгэж, 228 шийтгэвэрт өөрчлөлт оруулжээ.
Захиргааны зөрчлийн хэрэг бүртгэлтийн ажиллагаанд тавих хяналтын чиглэлээр нэгжүүдээс харьяалан хяналт тавих обьект болон улсын байцаагчийн үйл ажиллагаанд 220 удаа шалгалт хийсэн нь өмнөх оны мөн үеэс 62 буюу 31 хувиар нэмэгдсэн байна.
Шалгалтаар 109 хүний зөрчигдсөн эрхийг сэргээж, зөрчил гаргасан 75 албан тушаалтанд арга хэмжээ авахуулж, шалгалтаар илэрсэн зөрчлийг арилгуулахаар 119 шаардлага бичиж хариуг авчээ.
Захиргааны зөрчлийн хэрэг бүртгэлтийн ажиллагаа явуулсан материалыг хянасан тоо 2015 оны мөн үеэс 1905 буюу 9.4 хувиар хянасан материалаас захиргааны шийтгэврийг хүчингүй болгосон болон шийтгэвэрт өөрчлөлт оруулсан тоо 338 буюу 5 дахин, хийсэн шалгалт, судалгаа 31 хувиар, зөрчигдсөн эрхийг сэргээсэн хүний тоо 2.3 дахин өссөн байна.
б.Хэрэг бүртгэх, мөрдөн байцаах ажиллагаанд тавьсан хяналт:
2016 оны 8 сарын байдлаар Аймаг, Нийслэл, Дүүрэг, Тээврийн прокурорын газрууд Гэмт хэргийн талаарх гомдол, мэдээллийг хүлээн авах, шалгах ажиллагаанд тавьсан хяналтын чиглэлээр 56591 гэмт хэргийн талаарх гомдол, мэдээллийг хүлээн авсан нь өмнөх оны мөн үетэй харьцуулахад 3894 буюу 7 хувиар өссөн дүнтэй байна.
Үүнээс 18038 буюу 31.8хувьд нь эрүүгийн хэрэг үүсгэж 39075буюу 69 хувьд нь эрүүгийн хэрэг үүсгэхээс татгалзаж шийдвэрлэжээ.
Эрүүгийн хэрэг бүртгэх, мөрдөн байцаах ажиллагаанд хяналт тавих ажлын чиглэлээр 27865 хэрэгт хэрэг бүртгэлт, мөрдөн байцаалтын ажиллагаа явуулсан нь өмнөх оны мөн үетэй харьцуулахад 2415 буюу 9.4 хувиар буурсан үзүүлэлттэй байна.
Хэрэг бүртгэлт, мөрдөн байцаалтын ажиллагаа явуулсан нийт 27865 хэргийн 12362 хэрэг буюу 44 хувийг хэрэгсэхгүй болгож 3372 хэрэг буюу 12 хувийг шүүхэд шилжүүлж, хэргийн эцэслэн шийдвэрлэлт 56.4хувь байгаа нь өмнөх оны мөн үетэй харьцуулахад 2.8 хувиар өссөн үзүүлэлттэй байна.
Нийт 9532 хэрэгт хэрэг бүртгэлтийн ажиллагаа явуулсанаас 2974 хэргийг хялбаршуулсан журмаар шийдвэрлэсэн нь өмнөх оны мөн үетэй харьцуулбал тоон үзүүлэлтийн хаувьд 609 хэргээр өссөн байх бөгөөд нийт хэрэг бүртгэлт явуулсан хэргийн 31.2 хувийг хялбаршуулсан журмаар шийдвэрлэсэн байна.
Хэрэг бүртгэлт мөрдөн байцаалт явуулсан 27865 хэргийн 7640 хэрэг буюу 27.4 хувьд нь хэрэг бүртгэлт мөрдөн байцаалтын хугацаа сунган шалгасан нь өмнөх оны мөн үетэй харьцуулхад 4.3 хувиар буурсан үзүүлэлттэй байна.
Нийттүдгэлзүүлсэн хэргийн тоо 1548 хэргээр буюу 17.1 хувиар буурсан эерэг үзүүлэлттэй байна.
Энэ хяналтын чиглэлээр прокуророос нийт 200шалгалт хийгдэж, шалгалтын мөрөөр 4045 зөрчил илрүүлэн, 131 шаардлага бичиж, 251 хүнд сахилгын арга хэмжээ авхуулсан нь өмнөх оны мөн үетэй харьцуулхад 118 буюу 47 хувиар өссөн.
Прокурорын нэгжүүд Хэрэг бүртгэлт, мөрдөн байцаах ажиллагааны явцад бусдын зөрчигдсөн эрхийг хамгаалах, хохирол төлүүлэх, торгох болон эд хөрөнгө хураах ялын биелэлтийг хангуулах зорилгоор 6617.5217 төгрөгний эд хөрөнгийг битүүмжилж, 9371.5175 төгрөгний хохирол төлүүлэх арга хэмжээ авч ажиллажээ.
2. Ял эдлүүлэх ажиллагаанд тавих хяналтын чиглэлээр:
Тус хяналтын ажлын чиглэлээр 454 удаа шалгалт хийж, ял эдлүүлэх үйл ажиллагаатай 3316 удаа танилцаж, 1031 зөрчил илрүүлж зөрчлийг арилгуулахаар прокурорын шаардлага168-г бичиж, 99 хүнд сахилгын арга хэмжээ тооцуулж,104 ялтан болон хоригдогчийн зөрчигдсөн эрхийг сэргээжээ.
Баривчлах, хорих ял эдлүүлэх ажиллагаанд тавих хяналтын чиглэлээр 141 удаа шалгаж, 31 судалгаа хийж, 626 удаа танилцаж, 266 зөрчил илрүүлж, зөрчлийг арилгуулахаар 49 шаардлага бичиж, 18 албан хаагчид сахилгын арга хэмжээ тооцуулж, 34 ялтны зөрчигдсөн эрхийг сэргээсэн байна.
Цагдан хорих, албадах байруудын үйл ажиллагаанд хууль тогтоомжийн хэрэгжилтийг 146 удаа шалгаж,1366удаа танилцан 459 зөрчил илрүүлэн зөрчлийг арилгуулахаар 63шаардлага бичиж, 59 шаардлагын хариуг авч 59 шаардлагын биелэлтийг нь шалган танилцаж. зөрчил гаргасан 29 албан хаагчид сахилгын арга хэмжээ тооцуулжээ.
Тайлангийн хугацаанд хууль бусаар баривчлагдсан, цагдан хоригдсон 13хүнийг прокурорын тогтоолоор суллаж, 31 хүний зөрчигдсөн эрхийг сэргээсэн байна.
Улсын хэмжээнд 2016 оны эхний хагас жилийн байдлаар хорихоос өөр төрлийн ял шийтгүүлсэн 3033 ялтан ял эдэлж байгаагаас 71 буюу 2.3 хувь нь торгох, 180 буюу 5.9 хувь нь албадан ажил хийлгэх, 307 буюу 10.1 хувь нь тодорхой албан тушаал эрхлэх, үйл ажиллагаа явуулах эрхийг хасах, 154 буюу 5.0 хувь нь эд хөрөнгө хураах ял шийтгүүлсэн ялтан байгаа бөгөөд эдгээрийн ялын биелэлтэнд хяналт тавьж ажилласан байна.
Баривчлах, хорихоос өөр төрлийн ял шийтгүүлсэн ялтны тоо өмнөх оны хагас жилээс 5332 буюу 36.3 хувиар буурчээ.
Баривчлах, хорихоос өөр төрлийн ял эдлүүлэх чиглэлээр 167 шалгалт хийж, ялын биелэлттэй 1324 удаа танилцаж, шалгалтын мөрөөр прокуророос зөрчлийг арилгуулахаар 56 шаардлага бичиж, 45 шаардлагын хариуг авч, үүнээс 45 шаардлагын биелэлттэй танилцан, 52 хүнд сахилгын арга хэмжээ авахуулсан ба 39 ялтны зөрчигдсөн эрхийг сэргээсэн байна.
2016 оны эхний хагас жилд торгох ялтай 71 ялтны 163.738.400 төгрөгийн ялаас 63 ялтны 101.155.913 төгрөгийн ялыг бүрэн биелүүлж, 7 ялтны 7.180.487 төгрөгийн ялыг хэсэгчлэн төлүүлж, нийт 108.336.400 төгрөгийн ялыг биелүүлж, 10 ялтны 55.402.000 төгрөгийн үлдэгдэлтэй, торгох ялын биелэлт улсын хэмжээнд 66.2 хувьтай байна.
2016 оны эхний хагас жилд эд хөрөнгө хураах ялтай 148 ялтны 44.352.000 төгрөгийн ялаас 98 ялтны 22.881.800 төгрөгийн ялыг бүрэн биелүүлж 50 ялтны 22.052.000 төгрөгийн ялын үлдэгдэлтэй, ялын биелэлт улсын хэмжээнд 50.2 хувьтай байна.
Шүүхийн шийдвэр гүйцэтгэх Ерөнхий газрын харъяа хорих ангиудад 2016 оны эхний 6 сарын байдлаар нийт4000 гаруй ялтан ял эдэлж байна.
Дээрх тоон үзүүлэлтийг өнгөрсөн оны мөн үетэй харьцуулахад хорих ял эдэлж байгаа нийт ялтны 33.2 хувь нь, гянданд ял эдэлж байгаа ялтны 10.8, онцгой дэглэмтэй хорих ангид 11.2 хувь, чанга дэглэмтэй хорих ангид 24.3 хувь жирийн дэглэмтэй хорих ангид 87.6 хувь, баривчлах ялаар шийтгүүлсэн, 25.9 хувь, насанд хүрээгүйчүүдийн хорих ангид 64.7 хувиар тус тусбуурсан байна. Энэ нь 2015 онд Өршөөл үзүүлэх тухай хууль гарсантай холбоотой байна.
3.Шүүхэд төрийг төлөөлөх чиглэлээр:
Прокурор2016 оны эхний 7 сарын байдлаар анхан шатны шүүхээр 2955, Давж заалдах шатны шүүхээр 746, хяналтын шатны шүүхээр хуралд 183 хэргийг хянан шийдвэрлэхэд оролцож санал, дүгнэлт гаргасан байна.
Прокурорын шүүхэд шилжүүлсэн хэргээс шүүхээс цагаатгагдсан хэргийг өмнөх оны мөн үетэй харьцуулбал 8 хэргээр буюу 36.3 хувиар, цагаатгасан хүн 1-р буюу 2.2 хувиар буурсан байна.
Анхан шатны шүүхийн тогтоол, захирамжийг эс зөвшөөрч жлсын яллагч223, дээд шатны прокурорын 7, Улсын Ерөнхий прокурорын 3 нийт 223 эсэргүүцэл бичиж хэлэлцэгдсэнээс 153 буюу 66.0 хувь нь биелсэн нь өмнөх оноос 4 хувиар буурсан байна. Улсын яллагчын эсэргүүцлийн биелэлт 66.9 хувь, дээд шатны прокурорын эсэргүүцлийн биелэлт 90 хувьтай байна.
4. Эрх зүйн туслалцаа, гадаад харилцааны чиглэлээр:
2016 оны эхний 6 сарын байдлаар тус хэлтсээс прокурорын байгууллагын гадаад харилцааг өргөжүүлэн бэхжүүлэх, гадаадын прокурорын байгууллагуудтай ажил хэргийн холбоо тогтоох, прокурор, ажилтнуудыг гадаад болон дотоодод мэргэжлийн сургалтанд оролцуулах, эрх зүйн туслалцааны хүсэлтийг шуурхай шийдвэрлэх, түүний хууль зүйн үндэслэл, боловсруулттай холбоотойгоор удирдлага арга зүйгээр хангаж ажиллах зэрэг үндсэн чиглэлээр бодлого баримтлан ажиллалаа.
2016 онд Гадаад улсад хорих ял шийтгүүлсэн Монгол Улсын иргэн ялтан шилжүүлж авах ажиллагааны хүрээнд БНХАУ-д ял эдэлж байсан 1 ялтанг шилжүүлэн авч, 5 ялтны хүсэлтийг хянаж 4 хүсэлтийн шаардлагатай материалыг бүрдүүлэн холбогдох байгууллагад уламжиллаа.
Монгол Улсад хорих ял эдэлж буй гадаад улсыниргэдээс 2016 онд 3иргэн эх орондоо ялаа шилжих хүсэлт гаргаснаас Бангладеш Улсын 1 иргэн, БНХАУ-ын 2 иргэн байна.
Эдгээр иргэдийн хүсэлтийг Улсын Ерөнхий прокурорт танилцуулан холбогдох эрх бүхий байгууллагуудад уламжиллаа.
Гэмт этгээдийг шилжүүлэн авах ажлын хүрээнд Монгол Улсын 4 иргэнийг БНСУ, Малайз, БНТурк Улс, БНХАУ-аас шилжүүлэн авахаар хүсэлтүүдийг холбогдох эрх бүхий байгууллагуудад мөн уламжлаад байна.
5. Гэмт хэргээс урьдчилан сэргийлэх ажлын чиглэлээр:
Прокурорын газрууд 2016 оны эхний хагас жилийн байдлаар гэмт хэргээс урьдчилан сэргийлэх чиглэлээр 1585 мэдэгдэл бичсэн нь 2015 оны мөн үеэс 809 буюу 2.04 хувиар өссөн байна.
Хууль тогтоомжийг сурталчилж 427 удаа яриа таниулга хийж, Сэрэмжлүүлэг гарын авлага материал 118-г тарааж, хууль тогтоомжийн талаар 310 удаа сургалт зохион байгуулсан байна. Прокурорын газрууд гэмт хэргийн шалтгаан нөхцлийг судалж 278 шалгалт, 128 судалгаа хийсэн.
Дотоод аюулгүй байдлын чиглэлээр 2016 оны 08-р сарын 01-ны байдлаар 59 прокурор, ажилтан сахилгын арга хэмжээ авагдсан ба үүнээс 34 буюу 52.3 хувь нь прокурор, 25 буюу 47.7 хувь нь ажилтан байна.
Тайлангийн хугацаанд прокурорын үндсэн хяналттай холбогдлуулан нийт 4702 гомдол, хүсэлт, мэдээлэл хүлээн авсан нь өнгөрсөн оны мөн үеэс 2980 буюу 39 хувиар буурчээ.
Сургалтын чиглэлээр эхний хагас жилд прокурорын газрууд 2036 цагийн сургалт зохион байгуулсан нь өмнөх оноос 164 цагаар буюу 9 хувиар өссөн.
Хэвлэл, мэдээлэл, олон нийттэй харилцах чиглэлээр прокурорын байгууллагын үйл ажиллагааг олон нийтэд ил тод, нээлттэй хүргэх зорилтыг хангахад ажлаа чиглүүлж 5 удаагийн хэвлэлийн хурлыг зохион байгуулж давхардсан тоогоор 103 хэвлэл, мэдээллийн хэрэгсэлд мэдээ, мэдээлэл өгч бэлтгүүлсэн.
Нэгж байгууллагуудын үйл ажиллагааг сурталчлах үүнд прокуроруудыг татан оролцуулах зорилгоор хамгийн олон сонсогчтой ФМ 96.3-аар 14 хоног тутам 1 удаа Гэмт хэргээс урьдчилан сэргийлэх чиглэлээр тодорхой сэдвийн хүрээнд тогтмол яриа хийлгэж байна.
Түүнчлэн УЕПГ-ын албан ёсны www.prokuror.mn веб сайтыг шинэлэг, хэрэгтэй мэдээллээр хангахад анхаааран ажиллаж өдөр тутам баяжилтийг хийж ажилласнаар иргэд, олон нийтээс тус сайтанд хандах хандлага эрс нэмэгдсэн байна.
Бид эхний хагас жилийн хугацаанд Улс, Нийслэл, Тээвэр, Дүүрэг, аймгийн прокурорын нэгж, газруудаас ирүүлсэн Эрүүгийн хэргийн шийдвэрлэлт, сургалт семинар, тэмцээн уралдаан, гэмт хэргээс урьдчилан сэргийлэх ажил зэргээс бүрдсэн 600 гаруй мэдээ мэдээллийн байршуулж олны хүртээл болголоо.
УЛСЫН ЕРӨНХИЙ ПРОКУРОР ГАЗАР
