Намар цаг ойртож буйн дохио гэлтэй хаа сайгүй л жимс, ногоо, самар. Ихэнх жимс гаднаасаа харахад л болсон эсэх нь мэдэгдэж байдаг бол хэн бүхний арааны шүлс асгаруулам амтат шийгуаг харин болсон эсэхийг нь мэдэх амаргүй. Худалдагчийн уран үгэнд хууртагдаад гэртээ авч очсон хойноо цайвар ягаан өнгөтэй амт муутай шийгуаг барж ядан идэх тохиолдол та бидний хэн мааньд ч гэсэн тохиолддог. Тэгэхээр мэргэжлийн хүмүүсийн зөвлөснөөр бүрэн гүйцэд болсон тарвасыг хэрхэн таних талаар бяцхан зөвлөгөө хүргэе.
Тарвас ходоод гэдэс хямран хоолны хордлогод орсон үед шүүсийг нь ихээр уувал биед байгаа хорт бодисыг зайлуулж организмийг цэвэрлэх чадалтай. Тарвасны 90 хувь нь уснаас бүрддэг бөгөөд усны найрлагад орсон бодис нь биеэс илүүдэл хорт бодисыг зайлуулдаг ажээ. Мөн бөөрний чулуужилтыг уусгаж эрүүлжүүлэх бөгөөд хаван хөөж организмд нэмэлт ачаалал өгч зүрх судасны системийг сайжруулан цусан дахь илүүдэл холестринийг гадагшлуулдаг. А, С, Р-ээр болон магни, кали, калци, натри, фосфор төмөр ихтэй тул өвдөж сульдсаны дараа төмрийн дутагдалд орсон бол хүч чадал сэргээнэ. Элэг цөсний өвчинд сайн. Цөс төлжүүлэн туяа гэрлийн улмаас үүссэн өвчин, цөсний чулуужилтанд эмчилгээ болно.
-Гүйцэд болсон тарвасны хальс нь нягт, зузаавтар, гадаргуу нь тэр чигээрээ гялтгар байдаг.
-Хальсан дээрх цайвар шар, шаравтар өнгийн толбо нь тарвас боловсрох явцдаа тэр талаараа газартай шүргэлцэж байсан гэсэн үг. Хэрвээ шаравтар өнгөтэй бол тарвас болсон гэсэн үг.
-Тарвасны болсон эсэхийг харуулах бас нэг зүйл бол хальсан дээрх тод хар ногоон өнгийн судалнууд. Судал нь цайвар бол түүхий, эсвэл элдэв химийн бордоо хэрэглсэн гэсэн үг. Гэхдээ энэ нь цагаан өнгийн сортонд хамаарахгүй гэдгийг санаарай.
-Тарвасны хальсан дээр бараан өнгийн дугуй толбонууд байх ёсгүй. Энэ нь химийн бордоо хэрэглэснийг гэрчлэх юм.
-Тарвасны доод тал нь тэгшхэн юмуу гүдгэр байвал эр, харин хотгор байвал эм тарвас. Эм тарвас илүү чихэрлэг, амтлаг байдаг.
-Тарвасны \”сүүл” хатаад хорчийчихсон байвал жам ёсоороо боловсорсон гэсэн үг.
За ингээд тарвасаа сонгоод аваад ирлээ. Зүсэх үед болон зүссэн хойноо тарвасыг бүрэн гүйцэд боловсорсон эсэхийг бас шинжиж болно.
-Зүсэх үед хутган дээр зөөлөн эд наалдамтгий байх тусмаа бүрэн гүйцэд болсон гэсэн үг. Гүйцэд болоогүй тарвасны зөөлөн эд зүсэхэд наалдахгүй, гөлгөр байдаг.
-Зүссэн хойноо үр байгаа хэсэгт судалтай ур байгаа эсэхийг анзаараарай. Хэрвээ тийм бол тарвас нь байгалийн гаралтай биш химийн аргаар бордож боловсруулсан, нитрат агуулсан гэсэн үг. /Хөрсийг азотын бордоогоор бордсон бол жимс, ногоонд нитрат илэрдэг байна. Түүнээс хорт хавдар үүсгэгч болох нитразамин үүсдэг байна
emegteichuud.mn
