Шидэт дүүжин буюу Пендилиумыг ашиглах арга

Биолокацад маш олон төрлийн индикаторыг ашигладаг. Бидний хүрээлэн буй үл үзэгдэх цахилгаан соронзон болон торсион орныг илрүүлэх лозоход буюу рам, дүүжин савлуур -ууд өөрийн түүхэндээ хэдэн мянган жил судлагдсан болохоор хөгжлийнхөө урт удаан хугацааны турш мэдрүүрт өөрчлөлт орсон нь лавтай. Анхны лозоход нь усан үзэмний болон бургасны ороонго мөчир ашигладаг болсноор \”лозоходство” гэсэн үг бий болсон билээ.

 

РАМ

Эрт дээр үеэс хэрэглэж байсан нэг төрлийн индикатор бол \”шилдэг ороонго” юм. Шилдэг ороонгыг усан үзмийн мөчир, долоогон, интоор зэргээр хийх ба газар доорхи ус болон ашигт малтмал зэргийг олоход ашигладаг байжээ. Дээр үеийн индикаторыг латин \”V” үсэгтэй адил хэлбэрээр ацан ороонгоор хийдэг байсан. Ийм ороонгийг нуалсан сэртэнгээс нь хоёр гараараа барьж хэрэглэдэг байлаа. Үүнийг хийхдээ бургас эсвэл модноос уян хатан чанартайг 30-50см урттай, 3-9мм өргөнтэйгээр авдаг байжээ. Ийм ороонгыг хэдэн цаг ашиглах боломжтой. Хэрэв ороонго хатвал ашиглах боломжгүй болно. Энэ нь модон ороонгийг төмрөөр солиход хүргэсэн билээ. Эхэндээ төмрөн ороонгийг яг модтой адил хэлбэрээр хийж байлаа. Гэвч хөгжлийн явцдаа гангаар хийсэн утас болон хувирсан байна.Эхэндээ модны адил хэлбэртэй байснаа сүүлдээI Iхэлбэртэй хоёр саваа болон солигдсон байна. Үйлдэл дээрээ хоёр ширхэг саваа ашиглана гэсэн үг. Одоо үед богино хэсгийн урт нь гарын алгатай адил харин урт тал нь 2.5-3 дахин илүү урт хэмжээтэйг ашиглаж байна. Төмрөн индикаторыг ерөнхийдөө дурын төмөрлөгөөр хийж болно.

ДҮҮЖИН

Дүүжин нь ороонго, рамтай адил эртний багаж юм. Ийм индикатор гарт барихад зориулсан утсанд энгийн хүндрүүлэгч уяж хийсэн байдаг. Энэ нь дээрээс \”Оддын” буюу \”Сансарын” гэсэн нэр авсан байдаг байна. Дүүжинг бас өөрөөр савлуур буюу пендулум хэмээдэг. Гэвч энэ бүгд утас ба хүндрүүлэгч гэсэн нэг л зүйлийг илэрхийлнэ.

Хэлбэр хэмжээгээрээ маш олон төрлийн дүүжин байх ба ихэнхи нь үзүүр нь шовх байдаг. Дүүжинг биолокацийн судалгаанд ямар нэг тасалгааны тодорхой газар ашиглаж болно. Өрөөнд зориулсан дүүжин жин багатай, харин задгай талбайд ашигладаг дүүжин арай хүнд байна. Дүүжин 40-150 гр жинтэй. Хэлбэрээрээ бортогон, бөөрөнхий, шовгор, лийрэн, мушгиа гэх мэт олон төрөл байна. Дүүжинг ямар нэг төмөр, зааны яс, мод ба үнэт эрдэнэс гэх мэт материалуудыг ашиглан хийж болно. Одоо үед биолокацийн практикт маш олон төрлийн дүүжин ашиглаж байна. Эмнэлгийн онош тавихад шаар хэлбэрийн, конусан, цилиндр гэх мэт, оюун санааны биолокацид шовх үзүүртэй дүүжин хэрэглэж байгаа бөгөөд бүгд дотроо битүү байх ёстой. Зарим нэг тусгай дүүжин нилээд хэдэн төрлийн төмөрлөг материалаас бүтсэн байдаг.

 

ХЭРХЭН ХЭРЭГЛЭХ ВЭ?

Рамтай ажиллах: Биолокацаар хичээллэхэд хүн бүр өөрийн индикатортай байх ёстой. Хэрэв өөрийн гараар өөртөө хийвэл маш сайн. Хийж байх үед хүний биоэнергийн нэг хэсэг хийж байгаа зүйлд шингэдэг учир дараа нь рамтай ажиллахад маш сайн үр дүн авчирдаг. Ашиглах хүнд хэдэн ч рам байж болно. Эхлэн суралцагсдад хоёр төрлийн рамыг санал болгож байна. Нэг нь тасалгаанд ашиглах, нөгөө нь задгай талбайд ашиглах зориулалттай байна.

Анхан шатны сургалтанд хамгийн тохиромжтой нь төмөрөн буюу зэсэн рам юм. Хамгийн амар олдохыг сонгох нь зөв. Төмрөн рам маш амархан зэвэрдэг учир битүү тасалгаанд ажиллах нь зүйтэй. Зэс зэвэрдэггүй учир хаана ч ашиглаж болно. Гол нь эхний үед рам ямар материалаар хийгдсэн нь огт хамаагүй. Ихэвчлэн 2-3 мм диаметртэй байдаг. Үүнд нэхмэлийн зүү, цахилгаан электрод зэрэг байж болноНэг талын өнцөгийг тэш өнцөгөөр нугалах ба нугалсан хэсэг маань таны атгасан гарны өндөртэй адил байх ёстой юм. Харин гагнуурын электрод ашиглах бол гадна талыг хусч сайтар зүлгүүрдэн цэвэрлэсний дараа дээрхийн адил нугалж янзална.

Рам бэлэн болсны дараа 2 гартаа барьж мэдрэх хэрэгтэй. Та аль нэгийг нь заавал тэмдэглэ. Учир нь дараагийн удаа яг тэр л рамыг анх барьсан гартаа байнга барина. Рамыг маш цэвэр байлгах ёстой. Индикатортай ажиллаж дууссаны дараа хүйтэн урсгал усаар угааж сайтар цэвэрлэж уутан дотор хадгалах нь зөв. Тогтмол ажиллахын тулд зөвхөн өөрийн рамтай байх ба түүнийгээ өөр хүнд зээлүүлэх буюу түр хугацаанд өгч болохгүй. Хэрэв биолокаци хийх чадваргүй гартаа баривал таны рам ажиллахгүй байх хандлагатай. Гадны хүний энерги рамны ажиллагааг зогсоодог.

Аажимдаа рамны энергитэй нэгдэхэд гарныхаа нэг хэсэг болон ажиллана. Энэ үед үйл ажиллагаа маш нарийн болж өгдөг. Рамтай ажиллаж эхлэхдээ энгийн зүйлээс эхэлнэ. Тухайн хүний өөрийн итгэл болон биеийн системээс хамаарч эзэмших хугацаа нь ялгаатай байна.

1.Юуны түрүүнд гартай индикаторыгзөв барьж сураххэрэгтэй. Энэ нь маш чухал. Учир нь хүний бие организм энергийн сувгуудаар явж буй био дохиотой шууд хамааралтай. Энэ дохио нь рамыг аль нэг тийш хөдөлгөөнд оруулан удирддаг. Хөнгөн атгасан гараар рамыг барина. Хоёр гарыг мөрний хэмжээтэй барьж бүсэлхийний түвшинд барина. Гол нь хоёр гарыг нугалахдаа тэгш өнцөг үүсгэсэн байна. Рамын хэвтээ талыг 3-5 хэм налуулна.

2.Төвлөрөх.Биолокаци эзэмшигчид хурдан төвлөрч мэдээллийн сувагт хүрэхэд бясалгалын алхаа тусална. Энэ байдалд хүрэхэд тийм ч хялбар биш байнгын дасгал хэрэгтэй. Дасгалын чимээгүй тайван нөхцөлд хийвэл сайн. Тайван хэмнэлээр ойролцоогоор 30-40м алх. Явах зам аль болох шулуун, зүүнээс баруун зүгт чиглэсэн байвал сайн. Дасгал эхлэхээс өмнө чимээгүй зогсон өөрийн бясалгалын зорилгоо бодох хэрэгтэй. Буддын сургаальд энэ үед хүн таван чиглэлээр төгс хөгждөг гэж үздэг. Үүнд: бие бялдар чангарч хөдөлгөөн хөгжих, хоол боловсруулах эрхтэн сайжрах, ерөнхий эрүүл мэнд дээшлэх, ухаан санаа төвлөрч, өөртөө тавьсан зорилгоо ухамсарлан гадаад орчноос өөрийгөө салгаж сурдаг байна. Ингээд хэсэг зогссоны дараа баруун хөлөөс эхлэн алхана. Хэрвээ явалт дунд ямар нэг бодол орж ирээд байвал зогсоод бага зэрэг хүлээж бодол санаа гартал нь зогсох хэрэгтэй. Явахдаа ийш тийш харахгүй байхыг хичээж доош газар луу харсан байдлаар явна. Нэг удаагийн дасгалд 3-4 удаа сард 1-2 удаа бясалгалын алхаагаар явбал зүгээр.

3.Удирдаж сурах.Рамыг өөрийн энергийн хэлбэлзлийн нөлөөнд оруулан удирдаж сур.

4.\”Тийм”, \”үгүй” хариулт авах.Асуултаа тийм эсвэл үгүй хариултууд авах боломжтойгоор зөв тавьж хариу иртэл түр хүлээнэ.

5.Энергийн өөрчлөлтийг ялгаж сурах.Бясалгалын алхаагаар яваад энергийн өөрчлөлттэй хэсгийг олно. Энэ дасгалаар газар доорх усны суваг, ашигт малтмал болон өндөр хүчдэлийн шугамын тасралтын байршлыг илрүүлэх боломжтой.

6.2 стаканд хоёр өөр ус хийгээд ялгах.Дараагийн туршилт бол 2 стаканд нэгэнд түүхий нөгөөд буцалсан ус хийгээд аль стаканд ямар ус байгааг тодорхойлно. Үүний тулд стакануудыг таглана. Дараа нь дүүжингээ дээр нь бариад өөртөө асуултуудыг тавина. \”Энд түүхий ус байна уу?” гэж асуунгаа түүхий ус стакан руу крантнаас хийж байгааг төсөөлнө. Тэгээд дүүжинг ямар хариу өгөхийг хүлээнэ. Хариу авсны дараа усаа үзэж үнэн зөв хариуг тулгана. Иймэрхүү зүйлд маш их алдаа гардаг боловч удаан дасгал сургуулилт хийсний үр дүнд алдаа аажмаар багасах болно.

7.Нуусан эд зүйл олох.Үүгээр алдагдсан эд зүйл олох болон хоол унданд ямар нэг ашигтай болон ашиггүй бодис байгаа эсэхийг илрүүлж болно. Жишээлбэл, цахилгаан утасны гэмтлийн тасралтыг олох болвол шугамын алхахын өмнө эхлээд хэсэг зогсож зорилгоо бодоод бясалгалын алхаагаар алхаж эхлэнэ. Энэ хооронд тасархай шугамын төсөөлж, хариу иртэл аажим урагшилна.

Дүүжинтэй ажиллах: Дүүжин бол хүн өөрийн дотоод ухамсраас ямар нэг асуултын хариуг авахад зориулсан төхөөрөмж юм. Дотоод ухамсарт орох зам нь ухамсартай бодлоор хаагдсан байдаг. Ухамсарын хяналт суларсан үед бидний хүрээлэн буй орчны үйл явц болон үзэгдлийн талаарх мэдээ мэдээллийг авч болно.Ийм эхний алхам бол хүний ухамсарт нөлөөлж буй саадыг \”унтраах”, үүний тулд бодлоо суллах чөлөөлөх, нэг цэгт төвлөрөх дасгал хийх хэрэгтэй.

Дүүжингийн тусламжтайгаар өөрийн идэх гэж буй хоол хүнсэнд ямар нэг тэжээл уургийн хэмжээ, өөрийн биед ашигтай ба ашиггүй тэжээл байгаа үгүйг мэдэж болно.

Газар тариаланд биолокац багагүй үүрэгтэй. Үр тариа тариалахад тухайн газар нутаг хир тохиромжтой болох, өөрсдийн амьтад өгөх тэжээлийг тодорхойлох зэрэг, мөн хайж байгаа эд зүйлсийг олоход буюу газар доор усны суваг, ашигт малтмал, алдаж гээсэн эд зүйл хайж олох гэхмэтэд өргөн ашиглагдана.

 

 

 

 

6.Эрүүл мэндийн лавлах.

Өвчтөний эрүүл мэндийн тухай асуултыг тийм үгүй гэсэн хариултаар авч болно. Мөн дүүжингийн тусламжтайгаар өвчний үйл явцын тухай мэдээллийг авч болно. Олон туршилтын үр дүнд дүүжингийн тусламжтайгаар хүний амин орны идэвхитэй цэгүүд мөн зүү төөнүүрийн сувгууд, цахилгаан соронзон болон хүний мэдээллийн орон зайн тухай тодорхойлох боломжтой гэдгийг илрүүлжээ. Хувиартай шугам ашиглан туайн хүний цусны даралтыг хэмжих, энергийн хүрдүүдийг тодруулах боломжтой. Түүгээр ч үл барам сансрын нисгэгч гэх мэт тодорхой хэн нэгэн хүний эрүүл мэндий тухай зайн оношлогоог ч хийж болно.

Эхний удаад та өөрийн эрүүл мэндийг оношлох дадлага хий.

Ийм маягаар хүний ухамсраас ангид орших төрөл бүрийн мэдээллийг хүлээн авахад ашигладаг хэрэгсэл юм.

Биолокацийн хэрэглэгч болсон хүн бол – өөрийн хэт мэдрэмжийн чадварыг хөгжүүлэхээр сэтгэлээ бэлдэж чадсан хүн байх бөгөөд өөрөөр энэ чиглэлд ямар нэг амжилт олоход бэрхтэй болно.

Биолокацаар хичээллэж байгаа суралцагч хүн өөрийн нарийн мэдрэмж, төсөөллийг хөгжүүлэх хэрэгтэй. Мөн ийм хүн Орчлон ертөнцтэй нэгдмэл мэдрэмжийг хөгжүүлэх ёстой. Түүний гарт байгаа рам, дүүжингүүд нь эргэн тойрны мод, чулуу, метал гэх мэт эд зүйлийг мэдрэх ёстой. Энэ бол түүнийг Сансар огторгуй, орчлон ертөнцтэй нэгдмэл чанарыг илэрхийлнэ. Хамгийн гол нь эртний хэллэгээр \”Fit fabricando faber” буюу \”Өөрийн мэргэжилдээ дасгалаар дадлагажих замаар Мастер болно” гэсэн утгатай зөвлөмжийг санах нь чухал.