Бид эрүүл хүнс идэх боломжгүй нийгэмд амьдарч байна

Манай улсад
хүнсний аюулгүй байдал алдагдаад удаж байна. Хориотой хэрэглэж болохгүй гэсэн
зүйлс лангуун дээгүүр өрөөтэй байсаар ирсэн. Мэргэжлийн хяналтын байгууллага
хориглодог ч наймаа эрхлэгчид \”зөөсөөр” байгаа. Хуванцар, гялгар уутаар хийсэн
будаа, лааны тосон бүрхүүлтэй жимс, хугацаа нь дууссан бүтээгдэхүүн, ирээдүйд
үйлдвэрлэсэн дотоодын хүнс гээд биний амаар \”орж” байгаа бүхэн \”хуурамч”. Томоохон
дэлгүүрүүд ч он сарыг нь \”арын өрөөндөө” засаж лангууруугаа гаргах нь энүүхэнд
үзэгдэл.

 

Хориотой, хортой
болгон телевиз, радио, хэвлэл, цахим ертөнцийн рекламны зайг эзэлнэ. Ийм
байдалд болохгүй гэсэн бүр амттай санагдаж, хүүхдээ хууран авч өгнө. Нэг үгээр муу
гэх тусам \”бодолгүй” идэж байгаа хэрэг. Хүний амтлах мэдрэмж 10 хүрэхгүй секунд
мэдрэгддэг. Тэгэхээр 10-хан секундын мэдрэмжинд \”ханан” хор \”зооглосоор” л
байгаа хэрэг.

Сүүлийн үед мал
ихээр өвчилж, өвчний эсрэг хийсэн тарилга нь хүний биед шингэж байгаа тухай ч
ярих болсон. Тариа, хүнсний ногоо, буудай, ургамал зэрэгт хортон шавьжтай
тэмцэх бодис цацна. Гэхдээ тариаланчдын энэ хор ямар хэмжээтэй ямар давтамжтай
цацагдаж байгааг газар дээр нь тэр бүр тогтоох боломжгүй. Химийн бордоо ашиглаж
байхыг ч үгүйсгэхгүй. Тиймээс бидэнд жинхэнэ эрүүл хүнс гэж байна уу. Өөрсдөө
ургуулж идэж байгаа бол нэг хэрэг үү.

Уламжлалт хүнс ч
мөн ямар нэгэн \”нөлөөллөөр” бэлтгэгддэг болсон энэ үед хэрхэн зөв хүнс хэрэглэх
нь нэлээд ухаан зарах асуудал болоод байгаа.

 

Хоол судлалын
эрдэмтэд антибиотик, болон бусад химийн бодисгүй хүнс хэрэглэхийг дэлхий
нийтээр сануулж байгаа. Нэг үгээр дэлхийн хүнс ашиг олох гэсэн үйлдвэрлэгч,
мэдлэг мэдээлэлгүй \”үржүүлэгчдийн” гарт орсон гэж болно.

Энэ бүхнээс хэрхэн
зөвийг ялгаж, таньж идэх нь ур ухааны хэрэг. Дэлгүүрийн лангуун дээр 100
органик, эко гэсэн бүхэнд түүхий эдээс нь эхлэн шалгаад авах боломжгүй. Жишээ
нь бид гурилан бүтээгдэхүүн үйлдвэрлэгчээс байгалийн гаралтай гэж авч байсан ч буудайн
тариалалтанд ямар бодис ашиглаж, ямар хортон шавьжтай яаж тэмцсэн нь хаалттай
мэдээлэл. Үүнийг мэдээлэл өгч байгаа этгээд 100 хувь байгалийн гаралтай гэж \”ам
бардам” тайлбарлана.

 

Үүн дундаас нэг
юм цэвэр байгалийн гаралтай бүтээгдэхүүн үйлдвэрлэгдсэн ч сав баглаа боодол нь
чанарын шаардлага хангахгүй байх нь энүүхэнд. Сүү сүүн бүтээгдэхүүнүүд ч гэсэн
хуванцар саваар \”зөөвөрлөгдөн” хотод ирэх нь энүүхэнд.

Мөн бэлэн хүнс
бүхэнд транс тос, нитритийн давс, химийн бодис, хадгалах бодис, амт үнэр оруулагч
гээд байхгүй орц гэж алга.

Ийм нөхцөл
байдалд бид яаж эрүүл хүнсийг хэрэглэхээ ч мэдэхгүй байна. Улсын байгууллагаас
гаргасан мэдээ мэдээлэл бий ч мөрдөхийн аргагүй, ойлгомжгүй, мэдээлэл түгээх нь
муу байх аж. Бид юу идэж ууж байгаагаа бүрэн хянаж чадахгүй байгаа энэ үед
эрүүл мэндийн тухай яриад ч хэрэггүй.

Үндэстэн агентлаг