Ааруулны шүүс нь хий шарыг үүсгэхгүйгээр бадганыг арилгаж ходоодны илчийг үүсгэдэг.
Хоолны шингэц сайжруулж, жин хасч, цусан дахь сахарын хэмжээг бууруулдаг сайн талтай. Мөн ээзгийг дэвтээж шүүсийг нь уух нь элэгний өвчтөй хүнд гойд сайн. Чихэргүй ааруулаа буцалсан усанд хийж дэвтээгээд өдөр болгон ууж хэрэглэнэ. Голдоо хүртэл дэвтсэн ааруулаа нунтаглаад шөлтөй хоолонд нэмээд хэрэглэхэд хоол зөөлөн сайхан амттай болдог. Эрт үеэс манай монголчууд данхтай цай, аягандаа ааруул хийж амт оруулан уудаг байсан сайхан заншилтай.
Ааруул дэвтээсэн цай, ус зэрэг нь ходоод, гэдэс, цөсийг цэвэрлэж, эрүүлжүүлэх үйлчилгээтэй байдаг. Турахыг хичээж, хоолны дэглэм барьж байгаа хүнд ааруул, ээзгийг дэвтээж, шүүсийг нь хэрэглэхээс гадна дангаар нь амандаа хүлхэж идэхэд хоол идсэнээс ялгаагүй мэдрэмж төрж, тунчиг таатай байх нь дамжиггүй.
Түүнчлэн уламжлалт анагаах ухаанд ааруулын шүүс хий, шарыг үүсгэхгүйгээр бадганыг арилгах шидтэй хэмээн бичсэн байдгаас гадна хаван үүсэх болон таргалалтаас сэргийлдэг гэж үздэг аж. Тиймээс чихэргүй ааруулыг халуун усанд дэвтээгээд шүүсийг нь ууж байгаарай.
Ааруултай холбоотой шинжлэх ухаанаар нотлогдсон өөр нэг мэдээлэл нь ааруул тогтмол идвэл ходоодны галын илчийг үүсгэж, цусан дахь сахарын хэмжээг хэвийн түвшинд байлгаж, амны цангааг тайлах үйлчилгээтэй.
Ходоодны галын илч муудахад ямар зовиур илэрдэг вэ?
– хоол шингэхгүй цардайх
– гэдэс хий дүүрэх, хуржигнах
-хэвлий хүйт оргих, дүүрэн санагдах
Ходоодны галын илч дэмжихийн тулд амьдралын хэв маяг, хоол хүнсэндээ анхаарах хэрэгтэй.
1. Ходоодны хэмжээнд тохируулан идэх, хөнгөн чанартай хоол хүнсийг (ногоо, шөл) цадтал харин хүнд чанартай идээг (мах, шарсан хуурсан хоол) бага хэмжээгээр идэх.
2. Өлөн үедээ халуун бүлээн буцалгасан ус уух.
3. Хоол идэхээс 30 мин өмнө 1 аяга буцалгасан бүлээн ус ууж байгаарай. Энэ нь идээг шингээж биеийг төлжүүлж хүч нэмнэ.
4. Хоол шингэхгүй хэвлий дүүрвэл буцалгасан халуун бүлээн ус уух.
5. Хоол идсэний дараа их уувал таргалах, хоолны өмнө их уувал турах хандлагатай байдгийг анхаарвал зохино.
