Ноднин нэгэн химийн доктор профессор япон хүнтэй танилцах завшаан таарч, тэр цагаас бага сага үйлс цуг хийсээр одоог хүрчээ. Улаанбаатар явах онгоцонд хажуугийн суудал таарч , яагаад Монгол явж байгааг нь асуухад УБ болон хөдөөгүүр хүүхдүүдэд химийн хөгжилтэй туршилт явуулдаг эрхэм багш байсан байж, бүр олон удаа явж байгааг нь мэдсэн.
Энэ хүн бол химийн ухааны доктор Такеноүчи Тошиказү хэмээх эрдэмтэн байсан.
Тэгэнгүүт нь би ч бас өөрийн нутаг Алдархаан , Отгон, аймгийн 1 р арван жилд туршилтын хичээл заалгуулахаар болж багш маань анх удаа Завхан нутгийг зорьсон.
Алдархаан суманд нийт 3 хоног, Отгон суманд 3 хоног, аймгийн төв дээр 3 хонохдоо тасралтгүй ,хүүхдүүдийг химийн шинжлэх ухаанд татаж оруулахаар туршилтыг маш амархан гарын доорх материалаар хийж үзүүлж , өөрсдөөр нь хийлгүүлж баясгасан нь Монголын үндэсний Тв ээр хүртэл мэдээгээр гарсан юм.
Багш маань хөдөөгүүр явахдаа бидэнтэй ялгаагүй нөхцөл дунд явж ирсэн . Ингээд буцаж ирсэн багштайгаа ярьж суухад хөдөөний нойл нэлээн хүндрэлтэй асуудалтай юм байна.
Би өөрөө химийн хүн учир хамгийн амархан гар доорх материалаар дор хаяж цэвэрхэн байх арга хаймаар байна гэж ярьж билээ.
Удаа ч үгүй надад бичиж ирүүлсэн энэхүү аргыг та бүхэндээ хүргэе гэж бодлоо, мөн багш өөрөө ч шургуу хүн учир надаас нөгөө бичвэрээ тавьсан уу гэж шаардсаар 1 , 2 сар өнгөрчихжээ.
Хэдэн 10 жил өөрчлөгдөөгүй ирсэн монгол жорлон минь энэнээс хойш бага ч гэсэн энэ дагуу өөрчлөгдөөсэй гэж хүсэж энэ бичвэрийг оруулав.
Монголын хөдөөгийн жорлонгын үнэр ба ялааны асуудал :
Авах арга хэмжээний тухай санал болгох нь:
Үнэр болон ялааг нь хэрхэн багасгах тухай интернетээр мөн IA аар дамжуулж хайж үзлээ.
Хүний баас нь, шингэлгүй үлдсэн үлдэгдэл, бактер органик нэгдэлээс бүрдэнэ. Энэ нь ялааны гол идэш болж улмаар дунд нь өндөглөнө. Өндөг нь мөн л тэндээ хооллож томроно.
Ялааны хамгийн сайн үржих нөхцөл тэнд л бүрдсэн байдаг. Ялаа нь үнэрэнд маш мэдрэмтгий бөгөөд , жорлонгоос ялгарах үнэрээр хаанаас ч ирнэ. Мөн ялаа нь эндээс бүдүүн гэдэсний нян, O-157, салмонела гэх мэт өвчний зөөвөрлөгч тээгч болж байдаг.
Тийм учир эрүүл ахуйн хяналт сайн байх учиртай.
Шээсний үнэрийн тухай.
Хүний шээсэнд шээсний хүчил агуулагддаг ба , уул нь энэ хүчил өөрөө бол үнэргүй . Гэтэл цаг удахын хэрээр агаар дахь бактертай нэгдэж задран аммониа хэмээх маш хүчтэй үнэрийг гаргаж эхэлнэ. Тэрэн дээр баас нэмэгдэж дулаан , чийглэг орчин бүрэлдэж улмаар нян бактер үржихэд таатай хамгийн хүчтэй орчин бүрдэнэ.
Нян бактер нь шээсэнд агуулагдах үлдэгдэлээр хооллож улмаар үржсээр үнэрийг улам улам ихэсгэнэ.
Жорлон гэдэг бол хамгийн хүчтэй нян бактерийг үйлдвэрлэгч үйлдвэр гэж зүйрлүүлж хэлж болно.
Авах арга хэмжээ:
Гар доорх материал ашиглах
1. Аргалын үнс ашиглах:
Монголд аргалын үнс бол нэлээн элбэг гар доор олдох материал юм.
Аргал болон хатаасан өвсийг шатаахад гарсан үнсийг жорлонд хийхэд үнэр болон нян үржихээс нэлээн сайн хамгаалдаг .
Энэ аргыг Монголд зарим нэг газар хэрэглэдэг бололтой . Гэвч мэддэггүй хүмүүс олон байх шиг.
Мөн Монгол дах Жайкагаас санаачлан УБ ын гэр хороололд хэрэгжүүлж буй газар ч байгаа бололтой.
Аргалын үнсний талаар дурдахад:
1. үнэр дарах
Үнсэнд аммониагийн үнэрийг дарах үйлчилгээ байдаг.
2. нян бактерыг багасгах, ариутгах .
Аргал бол Монголчуудын хамгийн түгээмэл ариутгах үйлчилгээтэй бэлэн материал юм.
Ялангуяа 3 жил болсон хөх аргалыг судалж үзээд 300 аад төрлийн бактер устгах чадалтайг тогтоосон япон эрдэмтэний судалгаа бэлээхэн байна.
Яаж хэрэглэх болон гарах үр дүн :
Жорлондоо үнс цацаад л болно.
Ингэснээр :
1. Хуурайшиж , хуурайшсанаар нян бактер үржих нөхцөл хумигдана.
Ялаа шумуул нь шүлтлэг орчинд маш дургүй учир өндөглөх боломжгүй болно.
Үнс бол маш өндөр шүлтлэг чанартай байдаг.
Аргалын үнс олдохгүй үед орлуулах зүйл бол модны үнс, тэр байтугай нүүрсний үнс ч хэрэглэж болох талтай.
Яг одооноос авахуулаад хэрэгжүүлж эхлээрэй гэж захьж байсан.
Авах арга хэмжээ 2:
Энэ маш сонирхолтой хэсэг байлаа. Бид олон жил модон жорлон хэрэглэж ирсэн ч яагаад энэ тухай нэг ч удаа бодож үзээгүй вэ гэж гайхмаар.
Тэр нь юу гэхээр жорлонгоо 2 хувааж барих.
Нэгэнд нь хөнгөн бие засах, нөгөөд нь хүндрэх.
Ингэснээр юу болох вэ гэхээр шээс бол шингээд алга болох бол өтгөн нь арчлахад маш амар болно.
Хуурайшуулахад амар болохоос гадна үнс маш бага хэрэглэнэ.
Шүлтлэг орчин бий болгоход хурдан, улмаар ялаа , нян бактер үржих нь эрс багасах юм.
Нэг нүхтэй бол үнсээ сайн хийгээд , энэнээс хойш барих гэж буй хүн байвал 2 өрөөтэй бариад үзэх. Үнсээ сайн хураах.
Эрдэмтэний төсөөлж байгаагаар бол жорлонгийн хажуудаа үнсээ хийх нүх ухаад хадгалахад л болно. Хураасан үнснээсээ чадвал бүтэн бүрхэхээр, харагдахааргүй далдлахаар хэмжээнд хүртэл цацвал үр дүн сайн байна гэсэн.
Эко жорлон хэрэглэх боломжгүй, дэд бүтцэд холбогдоогүй айл , ялангуяа зам дагуу одоохондоо модон жорлонтой газрууд, бензин түгээх газрууд хэрэглээд үзээсэй.
Монголын төлөө олон олон япон хүмүүс сэтгэлээ зориулж байдгийн нэг нь энэхүү эрдэмтэн багш билээ.
Багшид баярлалаа.
